حارمه روحي من 5 أيام وتاليتها وزني

هاااي بنات

انا بشتكي لكم من وزني ولا الميزان ما أدري خليجية

أنا من 8 تشهر مسويه رجيم واخر شهرين كنت ماخذه راحتي

بسبب ضغوط الجامعة والأمتحانات والتخرج وكان وزني ثابت لاني ما اخبص قد حاجتي

الحين من اسبوعين سويت رجيمي الأعتيادي وزني ما تحرك حلووو

يعني ثابت أحسن مايكون زايد …

المهم من 5 أيام مسوويه رجيم قاسي سوائل ومشروبات ساخنة ومافي نشويات ولا دهون ولا يحزنون
سلطات بدون صلصات وو مركز على الزنجبيل ووالسينمون شقول شخلي شبقي

كان باجي لي 5 كيلوو واودع هالقسم واهتم بثبات وزني

اليوم وزنت ولا الطامه الكبرى وزني زايد 2 كيلو خليجية

يعني الحين لازم أنزل 7 كيلووو ؟؟!!! مو 5 كيلوو

وشتغلت اشماته من ريلي اهوو يحب يحرني يعني من باب التشجيع بس هالمره صار تحبيط

وصار يضغطني خليجيةعلبوو تصير عندي عزيمة وانا مو مقصره اصلا

اففففف لا ويقول كل ما قلت لج خلينا نتعشى برا ما تبين الحين أخذي هذا الرجيم ولا بلالاش

ما أدري صار عندي انحباس سوائل ولا علشان هالأمساك اللي ما بقى شي ما اخذته ولا نفع

الحين أنا شسوووي ؟؟ والله كله ايووووووووع ايوووووووع صج حرمان وما جربت اسوي جذي

اول بالاعتدال كنت انزل كل اسبوع كيلو ونص !!!

شسوووي ؟؟ أبي اقرا ردودكم لا تطمشوون وتهدوني أكل بعمري خليجية

لازم رجيم مع رياضة المشي.
انا اسوي رجيم !! لا والله الرجيم يهبل كنت صايمه بس سؤال وخضروات وماكو فايده

المشي امشي قد ما اقدر و اكرف بيتي بديني وريولي اخم اطبخ امسح ووومجابل اليهال

اففففف حدي حدي مكتئبه ومشكوره أختي على مرورج

العفو،
بس حاولي تخصصين ساعه حق المشي. عشان يشد الجسم ويساعد أكثر بانخفاض الوزن
الله يعينج
بس نصيحتي لا تستسلميييييييييييين ثابري وأن شاء الله توصلين الوزن الي تبينه
ونصيحه من مجربه .لا تسوين رجيم قاااااسي وتحرمين روحج من أشياء تحبينها
يعني اخذي 5 وجبات وبينهم يكون 3 ساعات مو اكثر
لأنه الجسم أذا ماعطيته اكل لمده طويييييييله يخزنه بالجسم ومايحرقه وطبعن راح يمتن الجسم
هذي المعلومه أخذتها من مدربتي بالنادي
وحاولي انج تسوين رياضه على الاقل أنج تمشين نص ساعه يومياخليجية
أتمنى اني افدتج و سوري على الاطاله
اوشال ترا الريجيم القاسي ممكن يزيد الوزن
لأنه الجسم ايووع من دااخل و انتي ما اتحسين فيه و عشان يحمي نفسه يبتدي يخزن الدهون اكثر و اكثر فما ينزن وزنج

في الريجيم رخي شوي و شدي شوي خلي اكلج يكون فيه عناصر غذائية متنوعة عشاان الوزن اللي تنزلينه يكون صج وزن دهون مو وزن الماي الزايد

حيااااتي اوشال شوفي انتي جسمج وقف لانه خلاص مايقدر يحرق

نصيحه .. اكلي كل شي بس بالتخفيف لمدة 5 تيام او اسبوع و وراها سوي رجيم ويا رياضه

عشا تكسرين هالشي بالي صار بجسمج انه مايحرق

اي صج نسيت شي

أذا ثبت وزنج خربطي على كيييييييف كيفج لمدت يومين وبعدها سوي رجيم مره ثانيه
راح ينزل وزنج بشكل ملحووض لانج سويتي له مفاجئه تراااااااا لووول والله جربي الطريقه ودعيلي ^_*

اقتباس:
المشاركة الأصلية كتبت بواسطة IM SO LOCCO خليجية
الله يعينج
بس نصيحتي لا تستسلميييييييييييين ثابري وأن شاء الله توصلين الوزن الي تبينه
ونصيحه من مجربه .لا تسوين رجيم قاااااسي وتحرمين روحج من أشياء تحبينها
يعني اخذي 5 وجبات وبينهم يكون 3 ساعات مو اكثر
لأنه الجسم أذا ماعطيته اكل لمده طويييييييله يخزنه بالجسم ومايحرقه وطبعن راح يمتن الجسم
هذي المعلومه أخذتها من مدربتي بالنادي
وحاولي انج تسوين رياضه على الاقل أنج تمشين نص ساعه يومياخليجية
أتمنى اني افدتج و سوري على الاطاله

حبيبتي واله اولا اشكرج من كل قلبي شجعتيني

وبثابر وكلامج عدل نظام 5 وجبات خفيفة كل 3 او 4 ساعات ممتاز

واعتقد هذا اللي صار جسمي بدا يخزن الأكل وما قعد يحرق …

وما أنحرم من هالطلة سوو كوول

اقتباس:
المشاركة الأصلية كتبت بواسطة LuLiTa خليجية
اوشال ترا الريجيم القاسي ممكن يزيد الوزن
لأنه الجسم ايووع من دااخل و انتي ما اتحسين فيه و عشان يحمي نفسه يبتدي يخزن الدهون اكثر و اكثر فما ينزن وزنج

في الريجيم رخي شوي و شدي شوي خلي اكلج يكون فيه عناصر غذائية متنوعة عشاان الوزن اللي تنزلينه يكون صج وزن دهون مو وزن الماي الزايد

هلا لوليتا

كلامج عدل بس انا قلت بصدم جسمي بالقاسي علشان اغير روتين رجيمي لعل وعسى ينزل بس للأسفخليجية

ومشكورة على ردج حبيبتي

اقتباس:
المشاركة الأصلية كتبت بواسطة MissKaka خليجية
حيااااتي اوشال شوفي انتي جسمج وقف لانه خلاص مايقدر يحرق

نصيحه .. اكلي كل شي بس بالتخفيف لمدة 5 تيام او اسبوع و وراها سوي رجيم ويا رياضه

عشا تكسرين هالشي بالي صار بجسمج انه مايحرق

هلالالا مس كاكا نورك ولا ضي القمرخليجية

والله هالشي اللي بسوويه برد رجيمي كل شي اكله بكمية محدوده وبعتدال

وأتمنى يبدا ينزل

وما قصرتي بعد عمري …

حبوبه يمكن وقت الدوره عادي الوحده بهالوقت تنتفخ وتزيد كيلوين
اوشال

اذا بتسوين رجيم الي كل 3 او 4 ساعات تاكلين خمس وجبات حطيه لنا اهني ابي رجيم يكون جذي بليييز

لاتحرمين نفسج عشاان ماتتعب نفسيتج
المهم لااازم رياااضه لااااااااااازم
اقتباس:
المشاركة الأصلية كتبت بواسطة Na77olah خليجية
اوشال

اذا بتسوين رجيم الي كل 3 او 4 ساعات تاكلين خمس وجبات حطيه لنا اهني ابي رجيم يكون جذي بليييز

هلا نحوله

انا ماعندي رجيم ثابت بس بقوولج

ابدا اليوم بكلوب ساندويش امريكانا او انا اسويه مع نسكافيه

بعد اربع ساعات أكلي اي نوع فاكهة او عصير ولا قطع أناناس + حبة كيوي

وبعدين الغداء قطعة لحم او صدر دياي ما يتعدى قبضة الكف مشوية او مسلوة

مع سلطة وو ربع خبزة وعصير برتقال

اهني بعد الغداء اطوول ما اكل واذا يعت شرب شوربه فورية ماجي او كنور

العشا شي خفيف سلطة مع تونة بدون زيت او توست م شوية جبن ولازم قبل النوم بارربع ساعات

تقريبا هذا نظامي ونزلت 20 كيلوو الحمدلله ورديت زدت كيلوين خليجية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top