جربتوا المعهد البريطانى للى بالمنصوريه؟

لانى بدخل ولدى بالصيف 7 اسابيع ب 155 بس ما ادرى اذا زين ولا لا ؟؟

والله انا اختي دخلت ولدها بالصيف العام مستانس منه وهم استفاد الحمدالله

بطه اذا البرتش كاونسل واايد زين امي كانت اتدخل اخواني يوم كانوا صغار و ناسه و استفاده و اهو تبع السفاره البريطانيه

ما عندي خبر الحين شلون صار

بس اتذكر ان ابوي كان مدششني انا واختي فيه و وايد استفدنا منه

يعطيكم العافيه يعنى اتوكل على الله

الحين اكو معاهد جديدة متطورة اكثر و احسن ..

احس المعهد البريطاني انتهى وقته و صار قديم .. دخلته من فترة و ممل ..

فيه معهد اسمه اكسبرشن شي جيذي .. و يمدحونه ..

انا كنت مسجله فيه ووايد حلو .. لكني لما سجلت كان حزه رمضان وكورس مكثف ..
اهوا مختلط لكن بالصف نظام جروبز ومجموعات .. فانتي تقعدين مع البنات .. وبعدين الناس اللي هناك وايد محترمين وكبار وثقال .. يا يكون موظف في شركه دازته ياخذ دوره او ولد سفير يعني ناس تهمهم مظهرهم فما في شي اسمه مغازل وسوالف عقد ..
بالنسبه للمنهج حلو .. واحلى شي فيهم انهم يبنون ثقتج بنقسج ويأسسونج عدل.
في اختبار قبل ما تدخلين الصف يحدد مستواج واي مرحله تدخلين .. اليهال اعتقد يدرسونهم عرب مو اجانب ..

المعهد البريطاني بالشعب

قصدج المجلس البريطاني ؟؟؟ اهو اللي بالمنصوريه

هذا تابع للسفارة البريطانيه…وسعره صح 155

روووعه دخلت ولدي عندهم دورتين …استفاد منه حييييل

ويعطونه شهادة

الله يعطيكم العافيه شجهتونى ودقت عليهم قالى التسجيل اول 6 وان شاء الله بسجل ولدى

توكلي علي الله انا هم بدخل عيالي ولد اختي بالجامعه داشه ويمدحه خيل يقول هو المعترف فيه ويسون التوفل عنده بس مشكله اعيالي مايبون بس بدخلهم غصب

خلاص ان شاء الله بروح اسجله … ولو راده عالعيال اكيد ما يبون بس مو بكيفهم

حراام عليكم تدخلونهم غصب .. عطلة خل يستانسون ..

ممكن اعرف رقم تلفونهم اقصد المعهد الى بالمنصوريه

توكلي على الله
انا خذيت عندهم …
احلى شي انج تعلمين الانجليزي على اصوله
من بريطانيين … حمر شقر

مو حمامصه يتحجون مكسر

هذيله يعطونج حرف حرف ويتابعونج
ويهتمون فيج جنج بروحج بالصف

go ahead dear

رقمهم 2515512
2533204

واعتقد ان التسجيل بدا لانه قالولى اول 6 التسجيل