|
|
السلام عليكم
بنات انا اجهضت وقالت لي الدكتوره في باقايا جنين ولازم تنظيفات واكلت عشبه واللهوم بس ماكو فايده قاعد ينزل علي دم عادي نفس الدوره يعني ماينزل علي باقايا الجنين
ابي اسال منو سوت تنظيفات بمستشفى دار الشفا اليديده؟
حبيبتى لاتسوين تنظيفات عليج بالدارسين وأعشاب حراز المخلوطة عند العطار وشربى العشبة صج باتطولين اسبوعين ثلاثة وبعدين بتنظفين
شنو مخاطر التنظيفات انا اكلت دارسين وحلبه وكل شي بس ماقاعد ينزل وياي شي
انا بعد ويا الاخت لا تسويت تنظيفات انتي بأي شهر طرحتي؟؟؟ لانه اذا كان بداية الاشهر الياهل يكون جيس دم
انا طيحت بالاسبوع العاشر وقالت لي الدكتوره في باقيا جنين ابي شي ينزله ابي انظف مره وحده علشان استعد للحمل الثاني ان الله كتب لي وماتسبب لي التهابات
والله انا احترت ناس تقولي سوي وناس ماتنصحني 
اختي لازم وضروري تسوين لايضحكون عليج لان الدكتور يقولج اذا تحتاجين اولا لان في بقايا لازم تنظيفات وعشان يتهيء الرحم للحمال
انا جربتها بس بالصباح وتخدير كامل وربع ساعه والحمد الله مافيني الا العافيه وماشاء الله حملت بعدها
اقتباس:
|
المشاركة الأصلية كتبت بواسطة احلى كويتيه
 اختي لازم وضروري تسوين لايضحكون عليج لان الدكتور يقولج اذا تحتاجين اولا لان في بقايا لازم تنظيفات وعشان يتهيء الرحم للحمال
انا جربتها بس بالصباح وتخدير كامل وربع ساعه والحمد الله مافيني الا العافيه وماشاء الله حملت بعدها |
نفس كلام الاخت بالضبط
ليش شفيها التنظيفات أصلا تهئ الرحم يكون جاهز للحمل وماعليج من سوالف الأعشاب لا سويتي تنظيفات وخلصتي عليج باللهوم والحلبة مع الحليب والحسو والدارسين والزعتر وهالأشياء المفيدة 
توكلى على الله انا سويت بالصباح والله ما حسيت واذا ما فيج شى يطلعين بنفس اليوم وتحملين على طول
ما تشوفين شر
توكلى على الله وما تشوفين شر