تنحصون نخلي ازواجنا يدشون غرفة الولادة ولا لا ؟

كل وحدة تخبرني تجربتها .. أنا قريب ان شا ءالله برحمة ربي بربي .. ما باقي لي شي .. بس صارلي اسبوع افكر وافكر وافكر .. هل اخلي ريلي يدش معاي ولا لا ؟؟

حبيبتي أنا للحين ماحملت
بس بقولج تجارب بنات خالي
وحدة تقول انها خلت ريلها يدش معاها .. تقول بعد الولادة كله يقدرها ومدلعها ورسايل حب وحبيبتي
وحياتي وعمري وهالسوالف.. وحتى لمن يسألونه ها ماتبي بعد ياهل ؟؟ يقول والله الراي راي مرتي لأنه شافها واهي تتعذب

وأمي مرة قالتلي سالفة وحدة ريلها شافها واهي تولد ..
لاعت جبده منها وماقام يقرب منها عقب لين طلقها !!! مسكينة

فآنا شنو فكرت .. قلت انشالله إذا الله كتبلي وحملت بخليه معاي طول فترة الطلق .. لين خلاص بيطلع الراس
عاد اهو يطلع برا ينطر .. يعني حل وسط

للحين ماحمت انشالله اذا حملت راح ادخله معاي بالبدايه بس وبعدين اخليه يروح متفقين على جذي انا معاه

انا ريلي دخل معاي بغرفه الولادة بس بوقت الطلق, بس وقت الصجيه وطلعت الراس لا والف لااا لاتخلينه يشوف شي ترى احتمال ينفر منج لاسمح الله

اعرف قصه صار واحد شاف زوجته تولد ولما شاف المعاناة الي صارت لها طلقها وقالها مابي اعذبج لان الي شفته مو شويه !!!
عشان جذي شي طبيعي ومستحيل ومليون % ماراح اخليه يدخل معاي الولاده لو شنو اذا احنا الحريم اتلوع جبدنا اشلون هم؟؟
الله يعين بس
تحياتي..

اخليه يدخل بس حزت طلعت الراس ماله داعي يوقف

مثل ما قالوا البنات خليه معاج لين ما توصل الصجيه وطلعيه هذا اللي انا بسويه انشالله

وفي وحده هني كاتبه قصتها تقول زوجها طاح غشيان مسكين ههههههههههههههه

الحمدلله ريلي كان رافض تماما انه يدش معاي لانه يقول ما يتحمل يشوفني بالحاله
وفوق هذا اخذت الغرفه الخاصه بس شافني وقت الطلق وبعدين طلع
واذا تبين ريلج يكون معاج لا تخلينه يكشف عليج يعني بس خليه يوقف يمج

ما انصح فيها لان الوحده اثناء الولاده ممكن يطلع منها اصوات ( فاهمين طبعا )فامو حلوه يقعد جمبج ويسمع مالها داعي

مافيها شي اذا الريال دش مع مرته ,, بالعكس اصلا" جذي تحسين بالامان اكثر

و بعدين اهو لما يدخل معاج يوقف عند راسج يمسح عليج و يقرا عليج

و السسترات يكونون مغطينج شوي

و اهو ماراح يوقف بين ريولج يعني ماراح يشوف شي

و اللي بيطلق مرته عشان شافها تولد هذا عقله صغير و يبي الفكه

مادري بس احمل اقولكم لاني ليلحين ماحملت

الموضوع يعتمد على علاقتك مع ريلك … أنا ريلي كان رافض جدا … وما يبي يكون داخل وقت الولادة … وهذا اختيار شخصي ، لا تضغطين عليه إذا ما يبي يدش … وإذا دش لا تخلينه يوقف إلا عند راسك … سبحان الله ما تدرين شيصير … أكو حريم اتحس بأمان مع ريلها.. وأكو حريم تتوتر بسبة ريلها … أنا لأن ولادتي طولت ، كان معاي جزء من الطلق … بس آخر شي انتهينا ولادة قيصرية

حبيبتي خليه يدخل يواسيج بفترة الطلق انا ريلي دخل معاي طوووول الفتره وماسك ايدي ويذكر الله وقت الطلق وانتي اصلن لمن اتشوفينه واقف معاج ابهالوقت اتحسين ابشعووور حلووو .. ويوم يا وقت طلعت الراس وقف بره بالممر وكان يسمعيا وانا اصارخ لان شوي كانت ولادتي متعسره فحس فيني عدل وفعلا بعد الولاده يتغير شوي احساسه انا احس ان ريلي قام يخاف علي اكثر .. والله يسهل عليج يارب ويهون عليج ويرزقج بالذريه الصالحه

انا ريلي كله معاي بالعكس خليه يدش صج كلام البنات والله راح يحبج اكثر لا تلوع جبده ولا شي جان ما شفتي دكتور نساء ريال ولا شفتي دكتور تزوج حجي فاضي خليه يمج يساعدج يقرا عليج يمسك لج الكمام

ذكرتيني بروحي طول فترة حملي وانا محتارة يدخل لو لا لاني كنت خايفة ان مايتحمل وبعد من السوالف اللي نسمعها اللي لاعت جبده واللي طلق مرته بس زوجي كان مصر ان يدخل وفي يوم ولادتي شافني شلون اتالم وكان مساندني وماسك يدي كانت يده تطمني وتعطيني معنويات بس لما جت حزة الولادة نقلوني لغرفة الولادة وكان ماشي وراي وانا عالكرسي على اساس ان بيدخل معاي بس جات ممرضة وماخلته يدخل وانا بغرفة الولادة كان الجو بارد فكنت ماسكة البطانيه بقوة عشان لا تطيح عني
مع اني ولدت بس ماشفت لا الراس وهو يطلع ولا الحبل السري ولا المشيمة ولاشي والسبه البطانيه يعني كاني ماولدت فانا مثلك الحين اقول المرة الجايه اخليه يدخل معاي لو لا