تكفون بنتي كاسره خاطري.تحس بالوحدة ساعدوني شسوي

السلام عليكم ورحمة الله وبركاته

خواتي كويتيات…يا ليت تردون على موضوعي

انا عندي بنت اليوم كملت سنتين…وكاسره خاطري…………حيل
اليوم قالت كلمه صج عورت قلبي وبجتني………….تقول يمه انا ابي ناااااااااااااااااااااااس

الموضوع وما فيه يا بنات اني كنت ساكنه الجهرا ونقلت للمنطقه العاشره وحتى دوامي نقلته وعندي اجازه راح اداوم شهر اربعه او خمسه…
المهم…بنتي حاسه بالوحده…ووقته معاي ومع الخدامه بس بنتي ملت تبجي وصايره عصبيه بنتي بطبعها اجتماعيه وتموت بالجهال…البنت ملت من الروتين يا مشغلين الرسوم او تلعب بالعابها
البنت تبي اللي يشاركها
وما تبيني او تبي الخدامه تقول ماما انا ابي ناس طلعيني برا بالشارع …تخيلوا
بتقولون طلعيها…والله اطلعها…بس ما اقدر بشكل يومي..زوجي دوانيه ودوام ويرح لابوه بالمستشفى يقابله…مو دايم يودينا
والناس اللي انا ماجره عندهم حرمه كبيره عندها حفيد بس دايم عند امه بالشقه او طالع…وانا استحي انزل بنتي..من الذوق انها تنزل مره بالاسبوع مو كل يومين ثلاث….مو حلوه المره كبيره وما تحب الازعاج
بتقولون وديها مشيها مع السايق..ما عندي سايق…لان انا ساكنه اجار وين اودي السايق؟؟
وانا كنت اتدرب وللاسف صاير لي حادث وتو شايله الجبس ما صارلي خمس ايام مقدر اتدرب الحين..يبي لي وقت
اليوم احتفلنا بعيد ميلادها ما اجذب عليكم راحت بالزاويه وقالت مابي happy birthday
ابي بيبيات؟؟؟ يعني جهال..
يا ربي ما اعرف احد بالمنطقه من وين اجيب لها جهال……شريت لها حيوانات ابيها تستانس…خافت منهم باللي ما قامت تنام..وتخلصت منهم
يا ربي مو عارفه شنو اسوي…ما فيه مكان مثل الحضانه فتره مسائيه يتقبل جهال؟؟….بنتي والله اكتب لكم وهي لاصقه بالتلفزيون قلت شنو تسوين قالت المس ناس…تلمس الممثلين اللي بالتلفزيون…تبي تحس بوجودهم

تكفون ساعدوني؟؟؟؟؟؟……..مابي بنتي تتعب نفسيا حرام توها صغيره على الهم والحزن

يعني انا صج ما اعرف احد بس اقدر اسولف بالتلفون اقدر اشبك على النت…اقدر اطبخ اضيع الوقت…
بس الجاهل تبي اللعب…..تبي تشوف نااااااااااااااااااااااااااس……تبي تنطلق..منحكره

لهدرجه بنتج حاسه انها محكوره !

وديها القهوه الشعبيه ولاكويت ماجيك على الاقل ساعه خل تلعب وتشوف اليهال زوري اهلج اكيد عندج خوات عندهم عيال خل تلعب معاهم

وفي حضانات بس مادري وين مكانهم وحاولي تشترين لها اللوان وكراسه خل تشخبط لانه ساعات الياهل محتاج يطلع حرته بشي

نزليها الحوش واشتريلها قاري خل تلعب بالحوش وان شاءالله اتيبين لها اخوو

حبيبتي صح كلام منووولة شركيها بحضانة خل تحتك من يديد مع اليهال وان شاءالله تتحسن حالتها وماتشوف شر وعسى الله يخليها لج

walla glbi tg63 kalm manol 9a7

يختى طلعيها ليش حاشرتها بالبيت هالياهل ملت وديها عند أهلج خليها يمهم تنام يوم يومين وحتى ماتثقلين عليهم ودى خدامتها معاها حبيبتى بروحها بروحها مايمها احد حبيبتى والله

يحيااااااااااااااااااااااااااتي تبي نااااس

صج الرووح تبي الاورووواح

حبيبتي ماااااااااالج الا ادخلينهااا حضااااااااااانه واذا عالروحه في باصات و وياهم ابله

وان شاالله الله يرزقكم باخوان لهااا يترسوون البيت

الله يخليهااا لج

حبيبتي بنتج اجتماعية وبعدين عمرها مناسب حق الحضانه وديها اي حضانه قريبة من بيتج والله راح تحسينها تغيرت والله يخليها لج ان شالله ويبيلها اخو او اخت عشان ماتحس بالوحدة والله يعينج

انصحج دخليها حضانة اطفال الصبح

وشدي حيلج ويبي لها بيبي ثاني

امبيه حرام صج كسرت خاطري ..

اختي ليش ما تخلين ريلج يوديج تزورين اهلج لما يطلع .. عالأقل تقعدين معاهم احسن مما انتي وياها تقعدون بروحكم بالبيت ولما يخلص ياخذكم والله قوليله ما فيها شي ..

في حل بعد قعدي معاها كثر مكاتقدرين ولعبي معاها

وااي وعليه معذوره بنتج اذا احنا الكبار نزهق من القعده بروحنا شلوون اليهال اللي يحبون يلعبوون مع اللي من مقادهم

بعد عمري كسرت خااطري

وديها الحضانه احسن على الاقل تشوف اليهال وتلعب وياهم وانتي بعد لا تقصرين طلعيها بين فتره وفتره ولعبي وياها

حضانه ولا زوري اهلج ولاخليها تبات اذا في يهال ولا بيت حمولتج بالعطله تنام عندهم

حملي ييبي لها اخو او اخت احسن حل

وديهااا بيت أهللللللللج وبيت خواتج اذا فيه يهال