تعالوا عطوني رايكم بتوزيعات للبيبي

مساء الخير كروشات

طبعا كل وحده فينا شغلها الشاغل توزيع الياهل من كاكاو والصواني واللزي منه ولاعت جبودنا من الفراره من محل لي محل ولاني انا وصلت مرحله زهقت فيها قلت اروح الامارات جم يوم واشوف اشعندهم وفعلا شفت وايد شغلات تعور القلب بس غاليه من صواني واستكانات وتوزيعات وكفرات بس الصراحه شي يبرد القلب طبعا ما ابي اعور قلوبكم واحطلكم الصور كلها بس بحطلكم المحل الي تعاملت معاه وطلبت توزيع البيبي وان شاء الله راح تخلص طلبيتي بعد 3 اسابيع شوفوا عينات من التوزيع المواليد

هذا ينفع لاستقبال العروس

يتبع ،،،

هالتوزيع الي كنت ناويه عليه بس هونت بآخر لحظة

واخترت هذا بالنهايه

يتبع ،،،

ماشالله شحلاتهم
وعليج بالعافيه بس ممكن اعرف اسم المحل

الحين البالونات الي خذيتها من محل بارتي زون يم مجمع ميراكاتوونفس المجمع الي خذيت منه التوزيع

هالبالون حجمه نسبيا كبير ويوقف على ريله نفس الصوره يعني ما يحتاج ستاند

وخذيت هذا بعد

وهذيله ستيكرات ما ادري ليش خذيتهم بس اعجبوني لانهم 3D

وهذا حلاه عجبني شكله جان اخذ منه بس 30 حبه

وهالصور فوق البيعه اعجبوني حق الي فيها بنت

وفي شغلات ثانيه بس نطروني اطلعها من كراتينهم واصورهم بس صواني وصحون مو توزيع

هذا اسم المحل

بس اخر صورتين من محل باتشي

مشكوره يا عمري والله يرزقج بالذريه الصالحه

انا شطوره نطرتج متي تخلصين ورديت لوول

اول شي الله يتمم عليج يارب وتولدين بالسلامه
حلوين البالونات والسيتيكرز بس التوزيعات حلوين بس عاديين احلي شي ان مو اووفر حلو بسيط
واغراضات البنوته احلللللي سلم سلم قلبهم

ملشاءالله يهبلون هذولي من الامارة ولا الكويت ممكن تعطيني اسم المحلات الي عندهم كفرات بالامارت؟ واسم المحلات لي رحتيلهم شسمهم؟ وشكرا

ماشاءالله يهبلووووون ان شاءالله اذا استقرت حالتي بروح شوقتيني

عفيه عالشطوره

اي عاديين مو وااو بس شي بسيط وراقي طبعا بالطبيعه احلى والشغلات بالكويت شايفتهم بكل مكان نفس التوزيع واذا رحتي استقبال تشوفين نفس الشي هالشغلات ما لقيتها بالكويت

شوفي حبيبتي المحل الي فيه الكفرات بمجمع الامارات موول بس عاد لا تسأليني عن اسماء المحلات خويتج ما تجمع ولا تتذكر اسامي المحلات الي بالكويت هالدور ااتذكر الي بدبي بس اكثر الشغلات الحلوه شفتها بدبي مول من توزيع وصواني يعني مو محل ولا اثنين المجمع كله يهبل بس المشكله ان شغلهم غااااااااالي ناااااااااار يعني صينيه اعجبتني قلت اسال عن سعرها ولا يطلع سعرها 2000 دينار عادي شرقت وقمت اكح بو ربع ساعه من صدمه السعر قلت بقلبي اااااي انا ولادتي بكبرها ما تكلف 1000 دينار

ماشاء الله يقومج بالسلامه

ما شاء الله يهبلون الله يهون عليج وتولدين بالسلامه

حلو والله شفته بدبي شغلهم حلو
الله يتمم عليج