تجربتي : نحت الخصر وشفط الدهون عند الدكتور سامح صادق

مرحبا فيكم بنات يمكن مواضيعي اغلبها متشابهه بس ترى المحتوى يختلف واتمنى فعلا تستفيدون من كل موضوع انكتب بواسطتي عن شفط الدهون,طبعا قبل لا اكتب اي شي حابه احطلكم رابط موضوعي "شفط الدهون بتقنيه الفيزر"بس علشان يكون الموضوع هني متكامل ويجيب على اي سؤال يخص تجربتي وهم انا على استعداد للافاده باي سؤال يخص الموضوع سواءا من خلال هالموضوع او الموضوع اللي على الرابط:

https://q8yat.net/showthread.php?t=283753

والحين نتكلم عن موضوع النحت اللي اجراه لي الدكتور,طبعا من خلال اللي طلبته من الدكتور ومن خلال اللي اهو شافه من تضاريس بالجسم قرر الدكتور يشفطلي دهون من البطن والظهر طبعا هذا شامل الخصر وهذا اللي يسمونه النحت : المحيط كله يتغير شكله ويصيير اصغر طبعا مثل ما شفتوا من خلال تجربتي اللي كتبتها مسبقا انا الحمدلله ما كملت شهر بس قياس الخصر فرق معاي من قبل العمليه لي اليوم 20 سم ولله الحمد والمنه وهذا ترى بدون رياضه وحركه طبعا هذا الاسلوب الدكاتره الحين صايرين يتبعونه"النحت" كنوع من انواع التجميل مو بس للسمينه حتى لضعاف مثل ما انتوا شايفين بالتلفزيونات هالمغنيات والمذيعات ..طبعا انا دكتور سامح شال مني 10 لتر وشوي بما يقارب 10 كيلو يعني واكثرشي شال من منطقه البطن والظهر ناهيكم عن منطقه الفخذ بس الفرق كان ملحوظ اكثر بالخصر والظهر ,طبعا ابي احطلكم صوره الدهون اللي سحبها الدكتور من جسمي

اتمنى القا منكم تفاعل يشجعني استرسل

يااااعمري والله والله فرحتلك شفتي ؟؟؟؟؟؟؟؟ شفتي كيف تغلبتي عوجعك والايام الصعبه؟ الحمد الله يارب يلاااااااااااااا كملي شكلك صار أحسن بشكل ملحوووووووووووظ؟ باللبس تغيرت مقاساتك؟ وحركتك رجعت متل أول؟

سوري حبي
بجم العمليه وجم يوم نمتي عندهم ؟

مبروك عليج حبيبتي
وناسه جم كلفج النحت و وين سويتيها
انا بخاطري اسوي انا مو متينه وزني 59
بس ودي انحت جسمي واشيل الكرش و انحت الخصر اكثر
بانتظارج حبيبتي
اي و نسيت اقولج عادي اللي مو متزوجه تسوي نحت

ألف الحمدالله عالسلااامه حبيبتي .. وعساااااااااااااااج تصييييرييييييين كما الرييييييييييشه .. وتحققيييييين كل اللي ببالج .. انا توني مسويه شفط و شد بس بغيت اسألج عمليتج نفس عمليتي ولا النحت غير ؟؟ انا سويت شفط حق فخوذي و خواصري وزنودي و شد حق بطني؟؟ النحت نفسه ولا غير؟؟ إذا غير قوليلنا شنو اهوه ؟؟ خل نستفيييد .. و على فكره تره 10 لتر وااااااااااايد زين و رااااح تحسييييين بفرق كبيييييير بفتره قصييييييييره .. انا دكتوري شال مني 9 لتر و خلال 20 يوم بس نزلت 10 الحمدالله الحمدالله الحمدالله هم وانزااااااح وعسااااااااهم مايردوووووون ياااااااااارب ..

الف مبروك والحمدالله على سلامتج اختي جم كلفتج العملية والدكتور وين اي مستشفى

الحمد اللة على السلامة

شلونج بعد العملية تقدرين تتحركين عادي وفي الام؟؟ تقدرين تسوقين؟ يني ينفع اسويها بالويكند واروح بعدهلا الاحد الدوام؟؟؟؟؟؟؟

هلا حبيبتي انا شكثر احبج واحس تشجيعج طالع من القلب تسلمين ,والحمدلله مثل ما قلتي الواحد يمر بايام صعبه بس بعون الله يتغلب عليها,والله شكلي وايد تغير اليوم بالدوام فيه وحده شهقت قالتلي فلانه ضعفتي وااااااااايد بطنج راح وقامت تخزني بحيره انا قمت اقرى المعوذات وما اقدر اقولها مسويه شفط ,وبالنسبه للمقاسات صوب البطن فرق وايد بس من تحت لا عادي يعني بس صار شكل الجسم وايد مغري لوووول وحركتي اليوم بالذات صارت واااااااااااايد مريحه وقمت اتقلب بلفراش ابشرج لوووول لان امس عقب جلسه المساج بالعياده حسيت بفرق كبير ويا رب يتغير وزني بشكل ملحوظ

عمليتي كلفتني 1500 ال 3 مناطق كل منطقه ب 500 هذا حق الدكتور بروحه,المستشفى ياخذون منج سعر العمليه لانج بتسوينها عندهم من 200_400 دينار حسب جم ساعه مده العمليه وتكاليف الاقامه طبعا فدفعت للمستشفى تقريبا 1000 دينار يعني كامل 2500 وقعدت بالمستشفى 4 ايام يمكن غيري يقعد اقل ليله وحده مثلا فتكلف اقل بس اذا العمليه حق اكثر من منطقه بالجسم لازم تباتين لان بتكونين وايد تعبانه يعني اذا بس منطقه وحده ممكن الواحد يطلع بنفس اليوم

الله يبارك فيج ويسلمج,كلفني مع الاقامه 2500 بمستشفى السلام,بالنسبه للشفط وهالامور تكون نتايجها افضل بالنسبه للي اوزانهم اقل بس انا اقول مدام ما فيج شي لا تعبثين بعمرج نصيحتي شاوري المختصين بالطب والدين وبعدين قرري ولا تنسين الاستخاره ,بالنسبه طبعا للنحت لانه شفط دهون فعادي تسوينه وانتي مو متزوجه لانه ما فيه شد الشد اهو اللي صعب اللي ما يابت عيال لان مع الحمل يكون خطر على الجسم يتمدد بعد الشد هذا اللي اعرفه وسلامتج

الحمدلله على السلامة والله يهنيج بالجسم اليديد صراحة شجعتيني بس مو الحين ودي اسوي بعد ما احمل بالياهل الثالث والأخير انشالله السنة الياية بس بغيت اسألج اذا ماعندج مانع جم وزنج قبل العملية؟ والدكتور موجود بالسلام؟ جم رقمه؟ والنحت جم فتحة يفتحون؟ وهي مثل الشفط؟ لان امي ودها تسوي .

حبيبتي حمد الله على سلامتج و انشالله تضعفين على صحة و عافيه آمين يارب

عاد كنت قاعده ادور موضوعج بقسم ثاني و اشوه لقيته اهني و على الناس حبيبتي ديري بالج من عيونهم ترا والله الناس عيونهم ماترحم دايما ارقي نفسج و اذا اسألوج قولي لهم انج قاعده اتسوين رجيم التمر او اي رجيم و قولي لهم تمشين كل يوم و هم اتسوين جلسات مساج علشان اتوخرين العين عنج لأنه في ناس اتصير عينهم بالشي بس من يدرون انه نتيجه هالشي شويه فيه تعب يطيح من عينهم ….

الحمدلله على سلامتج

وزين سويتي

الواحد نفسيا يرتاح

وتزيد الثقه بالنفس

حيييييييييييييييييييييييييييييييييل

انا لما سويت تجميل للصدر

صرت مالبس الا البديات والذي منه

ههههههههههههههههههههههههههههه

شنو كانت عمليتج تكبير ولا تصغير ؟! ..

ووين سويتيها عند اي دكتور وبجم .. صارو نفس اللي ببالج ولا لا ؟

بليز قوليلي عن تجربتج اذا تقدرين ..

اسفه اذا ضايقتج بسألتي والله محتاجه تجاربكم مادري عند منو اروح

وعليج بالف عافيه حبوبه : )