|
السلام عليكم
طبعا اغلبنا يعاني من السمنه وعدم التحكم بالوزن
وانا تعبت من الرجيم والتخريب
وبعد ما دورت وبحثت.. قررت اني استخدم شي مساعد
جربت الريداكتيل وبغيت اين..صار فيني رقعه واكتئاب
والاعشاب كل نوع..ما بقى روز ماري والا مراميه والا جاي رويال والا جاي الفلبن (اللوعه)
تقريبا جربت كل شي ما نفع
بقى شي واحد
القهوه Dyna Svelte
يقولون تسد الشهيه!! انا قلت الحق الجذاب لحد الباب واليوم الله هداني وشريتها
وبجربها +رجيم..وبقولكم النتايج أول بأول
لعل وعسى نلاقي حل حق هالشحوم والزوائد
جني طولت عليكم….
عموما بحط لكم الصور
واللي عندها سؤال تتفضل
وشكرا
اختكم الرشيقه / جولي
انشاء الله تصيرين رشيقه
اذا صج نفعت معاج قولي لنا علشان نجرب
اهيا المفروض 3 اكواب باليوم
وانها تسد الشهيه
طبعا يمنع استخدامها قبل النوم..يمكن علشان تسهر!!
المهم انا شريتها المغرب وشربت كوب واحد..ما قدرت انطر لي باجر
والساعه تسع تعشيت ..(عشاء الرجيم)
وسلامتكم
للحين ما بين شي..يعني ما حسيت انه نفسي مسدوده..بس انا باخذها وياي ب السفر علشان ما
انسى روحي بالاكل.
ونبي نسمع تجارب البنات..اللي استخدموها بليز!!
وانشاء الله تصيرين رشيقه
بس لا تنسين تتحركين وتمشين تري الحركه بركه
وسعرها 11 دينار
وسلامتج
موفقه
وناطرين الاخبار الزينه
و اتوقع الاخت خنساء قالت انها تشرب قهوه قبل الاكل عشان تسد الشهيه .. بس ما ادري هالقهوه و الا غيرها .
الله يسمع منج بنوته…وانا استخدمها مع الرجيم
زيـنـه
ما فيها ظرف اهيا غرشه كبيره مثل النسكافيه… وسلامتج
فروحة توحة
تسلمين يا عمري… وشاكره مرورج الحلو
بجرب طريقتج..اليوم حطيت وياها نص قفشه كوفي ميت ..لاعت جبدي
amal-el7elwa
الله يسلمج
طعمها باااايخ ويلوع الجبد
بس اللي عندي اكياس صغار
والله شربت منها مرتين بس
والحين انتهت صلاحيتها وهي مقطوطه بالكبت !
يابنات الكويت فزعتكم وين ألاقي ها القهوة الي تتكلمون عنها DYNASVELTE الله يوفقكم ارسلوا لي عنوان عشان اشتريها والله إني من سنين وانا ادور عليها ومالقيتها دخيلكم لا تهملوا رسالتي وإذا تلاقيها في الكويت شلون اطلبها فزعتكم فزعتكم
أنا سعوديه من مدينة جده وهذا رقم جوال ارسلوا لي عليه عن طريق الواتس إذا اقدر اطلبها وتوفرونها لي والله ادعيلكم من قلبي
وقولوا لي سعرها مع التوصيل محتاجه تقريبا ١٠ علب ?????