تجربتي مع الدكتور احمد المسلم

السلام بنات مبارك عليكم الشهر

هاذي اول مشاركه لي حبيت اكتب تجربتي عن عملية شد البطن والظهر ونحت الخصر أنشاالله تستفيدون منها
بالبدايه كنت حابه اسوي هل عمليه من زمان ورحت عند دكتور وكنت وايد ضعيفه بس عندي تشققات من الحمل قالي الدكتور ماينفع اسويلج العمليه مافي جلد ولا شحم عشان اقدر اشده لج ماينفع خاب املي وسنين عايشه وعقدة هل بطن والتشققات معاي حتى ريلي كنت استحي اوريه بطني ،، مع الوقت زاد وزني وصلت 71 وصار عندي كروشه وخصري صار فيه زوايد ورفيجتي كل شوي تقولي جسمج كان روعه وخربتيه ومتنتي !! كان في بالي اسوي بطني من زمان بس قلت اسويها بلبنان بس حسبت تكاليف السفر والعمليه بيطلعون اكثر وقررت اشوف وادور دكتور شاطر بالكويت وكلمت وحده من رفيجتي قالتلي في دكتور اسمه احمد المسلم مسوي حق وحده ناحت جسمها نحت وصايره مو طبيعيه وخصرها مثلث وشغله روعه ،، انا بالبدايه دورت على كذا دكتور وكذا اسم بالمنتديات ومنهم دكتور احمد المسلم وطبعا في اللي مدحه واللي ذمه واللي مطلعه اشاعه عنه انه يتحرش بالمريضات وعينه زايغه وكلام وايد طبعا خفت بالبدايه بس اخيرا قررت وبتشجيع من رفيجتي اخذ موعد واشوف لو ماعجبني مااسوي شي وهاذا اللي صار رحت الموعد والدكتور كان قمه بالاخلاق وباله طويل ورد على كل اسألتي وطمني وارتحت له وكان محترم معاي وايد ،، قالي بيسويلي شد للبطن ونحت الخصر والظهر 2200 قلتله اوكي بس انا مسافره بعد اسبوعين يعني ابي اقرب موعد لاني بطول بره قالي احاول ادخلج الاسبوع الياي كوني جاهزه يمكن يوم السبت تدشين عمليات انا فرحت وايد وبنفس الوقت كنت خايفه حدي من البنج والعوار وبصراحه ما كان عندي امكانيه ادفع 2200 دقيت على السكرتيره وقلتلها حوليني على الدكتور ابي اكلمه ،، قلتله دكتور مو قادره على المبلغ وماابي اسوي ظهري ابي بس بطني وخصري قالي ماتفرق وايد 1700 قلتله هل مبلغ اوكي ماابي ظهري قالي اوكي بعدها اتكلت على رب العالمين وصمت يوم الجمعه ورحت السبت الصبح جهزوني وجا عندي الدكتور يخطط بطني وخصري وخطط ظهري بعد !!! قلتله دكتور انا كلمتك ماابي ظهري مو قادره عالمبلغ قالي لاتحاتين ماراح ادفعج شي بسويه لج من عندي عشان اضبط شغلي ويطلع الشكل المطلوب مت من الفرح ودعيت تضبط العمليه وبالفعل سويتها وربي ماخيب املي فيه وقومني بالسلامه والحين صارلي شهر ونص والنتيجه مووو طبيعيه ماتوقعت راح تكون النتيجه بهل شكل صار جسمي عجيييب خصري مو طبيعي ماشاالله مع انه هاذي مو النتيجه النهائيه بس لي الحين انا طايره من الفرحه وصبرت ونلت الحمدلله رب العالمين وااااايد فرحانه وانصح بهل دكتور اللي اكثر من رااااائع وربي يوفقه ويفرحه مثل مافرحني وربي يشهد علي غرضي من هل تجربه افيد البنات اللي حابين يسوون عند هل دكتور وحابين ياخذون بتجارب وتصايح من البنات اللي مجربينه ومعلومات عنه ولا لي اي مصلحه ولا قاعده اسوي اي نوع من الدعايه والترويج له واهو مو محتاج للدعايه ماشاالله عليه عيادته متروسه حريم ورياييل وانا عن تجربتي احمد ربي سويت عنده العمليه اهو دكتور ممتااااز واكثر من رائع وفنان وربي يوفق الجميع وكل وحده حابه تسوي ربي يرزقها على نيتها ويوفقها وتفرح مثل ماانا فرحت
واخيرااا مشكورين انكم طولتوا بالكم علي واتمنى التوفيق للجميع حبيباتي

الف الحمدالله على سلامتج وقوليلنا تطوراتج ويومياتج

حمدالله على سلامتج

الحمدلله عالسلامة انا شفت 3 من رفيجاتي مسوين عنده

انزين حبيبتي شلون على الجرح مبين ولالا
انا مفكرة اسوي بطني بس انا مو متزوجة وخايفة من الجرح

انزين حبيبتي شلون على الجرح مبين ولالا
انا مفكرة اسوي بطني بس انا مو متزوجة وخايفة من الجرح

الحمدلله على السلامة حبيبتي

الدكتور احمد المسلم يمدحونه حق شد وشفت البطن
بس يذمونه كثييييير حق شد الصدر

صج ان موضوعج قديم ومشاراكاتج بس ١ لكن مصدقتج١٠٠/١٠٠هالدكتور فنان وشاطر وموخساره في الفلوس والله يوفقج وتتهنين باللوك اليديد������

مرحبا بنات عنوانه لو سمحتوا وكم يأخذ علي عمليه البطن بس وفيه مشد طبي وكم شهر تقدر تشيله الوحده وفيه عذاب في البس وفيه ألام الله يخليكم ابيه لصديقتي ضروري الله يوفقكم ويتمم عاي الجميع بالصحه والعافية