|
|
السلام عليكم خواتي في الله من كل العالم
عندي لكم طريقه حلوه وسهله وسلسه تقرون فيها سوره البقره خصوصا للموظفات والطالبات وربات المنزل والي عندها مسؤوليات عيال وزوج و……………الخ
السوره عدد اياتها 286
قسميها 3 اجزاء
من اول السوره لي الايه 86
والجزء الثاني لي الايه 186
والجزء الثالث لي اخر السوره 286
كل جزء ماياخذ منج ربع ساعه تقريبا
اقري الجزء الاول الصبح لابد بيكون عندج فراغ بو ربع ساعه او نص ساعه بالدوام بدال ما يتقزر بالسوالف الي ممكن يوصل للحش وقيل وقال اقروا احسن منها اجر وتفريج هموم وتحقيق امنيات باذن الله
والجزء الثاني لما ترجعين من الدوام او المغرب
والجزء الثالث قبل النوم
طريقه حلوه وسهله
وفيه نقطه بنهايه الجزء الثاني على تقسيمتي بتوصلون للايه 186
وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُواْ لِي وَلْيُؤْمِنُواْ بِي لَعَلَّهُمْ يَرْشُدُونَ
عقبها ادعوا بكل الي تبونه بتضرع وخشوع
وترى انا مجربتها من جم سنه انحلت لي مشكله معقده بضل الله ووايد ناس جربوها اصلا والحمدلله ربي ماخيبهم
لحد يقص عليكم ويقول لكم لا اقروها بجلسه وحده ولا ماتستفيدين وماتحل امورج
ترى مو السوره الي بتحلها الله سبحانه وتعالى الي بيحل لنا مشاكلنا ويفرجها علينا بس القران وسيله للتقرب من الله
وطبعا الكل يعرف فوايد سوره البقره
والله طريقتي حلوه وسهله واتمنى تعجبكم
ومابي منكم الا انكم تدعون لي ان الله ينصرني على كل الي ظلموني واشوف فيهم يوم قريب ويحقق لي مرادي
انا عن نفسي بديت من هالايام
جزاج الله خير وجعله في ميزان حسنااتج
والله ينصرج على أعدائج ياارب ..
ويجعله بميزان حسناتج يااااارب
وطرريقتج سهههلة ما شاء الله
باااارك الله فيك
جزاج الله خير يارب وعسى الله ينصرج على من عاداج يارب ويحقق مراادج
اللهم امين
وفي ميزآن حسناتك ان شاءالله
وان شاءالله ربي ينصرك على اللي ظلموك ..