بنتي كملت السنه شنو تاكل؟؟؟؟؟؟؟؟

حبيبتي…….خلاص بنت مؤهله تاكل مثل الكبار……الحمدالله انا عندي بنت وولد…..ومن يكملون 6 شهور اوكلهم نفس اكلنا بس مهروس..ومن يكملون السنه عادي ياكلون نفسنا…بيض….سمج….دجاج…لحم….وحتى العيش……….وكليها حرام عليج…..خلي جسمها يبني نفسه صح

مشكوووووووووووووووووووووووووره حياتي

بس المشكله بنتي ماتعلج الدياي ولا اللحم مع العيش تطلعه بره او تيمعه بحلجها

تحب تاكل المعكرونه باللحم المفروم

عطوني افكاركم

قطعي الدجاج صغار صغار يعني نتف……وحطيه مع العيش والبطاط……….حاولي تهرسينه باصابعج ووكليها…..بعدين صدقيني…اذا بتاكل بروحها مراح تاكل…….اكلي معاها…….سوي توست مع الخلطات………تدرين عالي اللي بو3 وبو6 سنين ياكلون خلطت التوست مع الدجاج والسبانخ…….صدقيني اذا شافتج بتاكل….شوي شوي معاها وبتاكل….. ولا اشوي لهم الهمبرغر والكباب وغيره….ترى انتي مكبرة السالفة…….اكلي ووكليها نفسج……وطبعا لا تنسين الفواكه قشريها وعطيها بدال الكاوكاو والبطاط

شوفي عزيزتي لازم الطفل يحتاج بهالعمر الى خضروات وفواكه ولحوم وحبوب .. فانتي شنو تسوين ؟؟

اذا بنتج فيها امساك اول ماتقعد عطيها فواكه مثلا مووز خلطيه بالطحانه مع مشمش وهالسوالف واذا بنتج عادي مافيها امساك عطيها العصر هالوجبه ..

الغدا ( اشتري من الجمعيه صحون افخاذ دجاج ) واذا بغيتي سويلها فخذ فوحيه ساعه وعقب قطي عليه بالجدر خضار مثل كوسا سبانج جزر قرع وكوب صغير عيش او معكرونه . وملح شويه واذا استوا شيلي عظم وطحني كله بالمكينه يصير مثل الشوربه الثقيله ..

هذا غداها ..

العصر تقدرين تعطينها رووب بالفواكه او بسكوت وحليب او توست وجبن او لبنه ..

العشا اذا ماعطيتيها بسكوت وحليب عطيها بالعشا لانها محتاجه حبوب قمح ..

واذا معطيتها العصر عطيها نفس وجبه الغدا ..

طبعا بين الوجبات تكون رضعه حليب وهكذا ..

يعني باليوم الواحد لازم تعطينها جميع المجاميع عشان صحتها تصير زينه

مشكوره حبيبتي ماقصرتي

شدعوه 19 دشوا وبس ثنتين ردوا علي

الياهل لازم يتعلم من هو اصغر على الاكل بس مو قبل ال6شهور مفروض البداية من 6شهور تفوحين لها خضار و تهرسينه وبعدين شوي شوي تضاف له اليدام وبعدين العيش و بعدين الدقوس وبعدين المرق تسلسل المسأله وعلى ال8 الى 9 شهور يبتدي ياكل الياهل اغلب الاكل بس السمج بعد السنه ولازم ما تطحنين الاكل طحان بالخلاط بس اكتفي بالهرس شوي لان الياهل خلاص ما يقدر بعدها بالاكل و العلاج عدل الا بصعوبة وبما ان اسم الله عليها بنتج اكملت السنة عطيها كل شي عادي بس حرصي على انج ما تعطينها خرابيط مثل الحلاو و الكاكاو و العلوج والشاي و البيبسي ترا كله خراب لبنية الاسنان سواء مسننه و لا مو مسننه

اشتري كتاب الطفل السليم للدكتورة ريم

موجود فيه كل الأكلات حق الطفل ليمن عمر 12 سنة

مثلاً عطيها :

ريوق: كورن فليكس و حليب – توست و جبن – بيض و طماط و خبز
مع عصير برتقال

غداء: دجاج/لحم/سمك و خضار و عيش – باشيميل و خضار و دجاج

عشاء : معكرونية و جبن – معكرونية و خضار – روب بالفواكة – سيريلاك – شوفان و حليب – بسكوت و حليب

الحين بنتك تقدر تاكل نفس أكلكم بس بدون فلفل أو بهارات حادة

لا حرام عليج اهيه مو مثلكم هالكبر تحتاج تغذيه
انا قمت اطبخ علشان عيالي
لما تسوين لها خضار حطي لها صدر دياي وبعدين خلطي معاهم بالخلاطه
وسوي لها للحم مفروم ما يبي شي
عطيها مرتديلا ونقانق قصيصيه صغاار صغار

مشكوووووووووووووووورين حبايبي