بنتي فيها حفى يخرع شنو الحل؟

بنتي عمرها ثلاث شهور وطالع فيها حفا موطبيعي بالمنطقه وحتى ورا

بعد صاير لونه احمر على ابيض حتا وانا امسح يطلع دم

حطيت نشا

وسودو

ومسحت بفازلين

وقطن مبلول

ووووووو غيره

ماكو فايده

لاتقولون ماتغيرين حفاظتها

والله اغيرها كل ساعتين

تكفون شنو الحل

فيسودين الاحمر اخذيه من الصيدلية
جربيه
الله يشفيها يارب

ودي اساعدج بس ماعرف شو الحفى لاني مب من الكويت

كــــثـــري عـــلـــى الــمــنــطــــقـــه زيـــــت زيـــتـــــووون مـــره وثــنــتــيـــن
يــــوم ويــــومـــيــــن لـــيـــن تــــبـــاااان الـــنــتــيــجـــــــــــه واللــــه يـــشــفـــيــهــا

مشكورين عالرد

حطيت لها زيت زيتون ونشا

هم مااافااااااد

وديها الطبيب خل يعطيها كريم

الله يشافيها

انا فهمت انه الحفا يعني الاحمرار والتسلخات بمنطقة الحفاظ
ماعتقد انها كلمة كويتية

روحي الطبيب يعطيج علاج لها

الله وشفائها كنت بقولج نشا. وديها الطبيب امكن يعطيه غسول

ودييها الطبيب

الحفى = تسلخ بمنطقة الحفاظات

وكلمة كويتيه بحته

لا تضيعين وقت
حرام البنية تعاني
اخذي الفيسودين
الاحمر
من اول استعمال بتحسين بالفرق

حرام وديها الطبيب

وتقدرين تحطين كربم ميبو وايد زين

ولااااتمسحينها كلش ع طوول غسليها لان في يهال يصير فيهم حساسية من كلينكس جونسن

بس الاحسن تودينها يمكن فيها بكتيريا او فطريات وماراح يروح الا لما تعالجين السبب*

أفضل يشوفها الطبيب و إذا كان التسلخ موب وايد فأنصحج تخلطين ملعقة نشا مع ملعقتين ماي وحطي على المنطقة يبرد عليها ويخفف مرتين إلى 3 مرات وتقدرين اتشربينه لها اشوي لان النشا يبرد من داخل الجسم ويطفي الحبوب أو الحساسية إذا كانت بالجسم ويمسك البطن إذا كان فيه اسهال
نصيحة وحدة سورية واتقولي دايما تستخدمه لعيالها وإن شاء الله ما منه ضرر لانه طبيعي
والله يشفي بنتج واتشوفينها دوم بخير وعافية

حبيبتي بنتج فيه فطريات تقولين فيها لون ابيض وديها الطبيب وبعدين خلاص بنتج عمرها3شهور لاتمسحينها غسليه بالحمام احسن لان كثرة المساح تجيب الحفا والنشاءممتاز للحفى انا ام ل7والحمدالله عيالي ماقط اشتكو من الحفى تدرون ليش اذا شفته بدا فيهم على طول نشاء وماامسحهم اغسلهم بالماي بس حتى الصابون مااحطه عشان مايسبب لهم حساسيه ونصيحه لاتحطون كريمات وخرابيط خلو المنطقه ناشفه واذا شوفتو الحفى بدا على طول نشاء لين يسلم