|
|
السلام عليكم
بنات شلونكم ؟ ان شاء الله احسن مني ؟
بنات أنا حدي يائسة وتعيسة وحالتي النفسية صفر وتعبانه حييييييييييييييل و وين ما أطقها عويه
انا طالبة بجامعة الكويت كلية التربية تخصص لغة عربية م/ث المفروض سنة ثالثة بس انا متأخرة يعني سنة ثانية مجتازة ((48))وحدة وعندي (( إنذار انخفاض معدل عام )) يعني إذا ما رفعت معدلي هالكورس راح يفصلوني … أنا حاولت أشد حيلي بس الدكاترة ما يساعدون ولا يقدرون كله يحبطوني وادرس ادرس واخر شي انصدم بالامتحانات كله درجاتي زفت كل يوم ارد البيت ابجي من القهر … دكتور يعطينا امتحان شفوي مو تحريري (( شنو احنا طلبة بكلريوس مو ماجستير عشان يعطينا امتحان شفوي )) ودكتور ثاني ما عنده كتاب ولا مذكرة تعتمدين على شرحه بالمحاضره (( احنا مو متعودين على جذيه )) … الخخخخخخخخخ
والله كرهت الجامعه اكرها اكرها بدكاترتها بطلبتها بمواقفها …. انا كنت شاطره بالثنوية نسبتي 88% بس لما دخلت الجامعة تخسبقت احس اني ما اعرف ادرس كل سنة اقول يمكن اتأقلم واندمج مع المجتمع الجامعي بس ماكو فايده اصلا حتى ما عندي صديقات بالجامعه البنات اشكالهم غلط جنهم يايين عرس مو جامعة … احس نفسي بالمكان الخطأ ..
درجاتي مو زينه يعني مطرودة مطرودة
قولولي شسوي الله يخليكم ساعدوني والله قاعده اكتب وابجي
اذا طردوني وين ارووووح ؟؟ وين اولي ؟؟؟؟
تكفوووون لا تخلوني ماعندي احد ينصحني
.gif "Eh S(11)")
أسفه انا بالثنويه
يمكن الجامعيات يفيدونج
بنااااااااااااااااااات ردووووووووووو عليها مسكينه
واذا انتي كلش يائسه من الجامعه الحل الاخير انج تعادلين موادج وتعالي كليه التربيه الاساسيه فيه شكثر بنات عندنا محولين من العلوم والله الحين معدلاتهم حيل مرتفعه
بس أنا اقول هذا حل أخير يعني شدي حيلج اول وبذلي الاسباب واذا كلش ما قدرتي حولي حرام يضيع عمرج جذي بدون فايده
اول شي ذكري الله وهدي..
انا مثل راي النور…
بس قبلها استخيري..
والله يوفقج..
انا كنت عربي متوسط و ثانوي و حولت ..
يعني اقدر افيدج انشالله لاني عارفة بعض اللي تعانين منه ..
بس انتي الحين ما عليج الا انج تشدين حيلج و لا تهقين مساعدة من اي دكتور خاصة دكاترة التربية صارمين و البنات شطار
العربي انا درسته ما واجهتني صعوبة الا بالنحو ( القواعد ) و بيني و بينج القواعد حفظ مو فهم .. و تقدرين تييبين لج مدرس خصوصي .. اما باجي المواد من شعر و هالسوالف انتي شدي حيلج و حفظي عدل و ركزي بالمحاضرات .. صدقيني ما كو شي صعب اذا انتي حطيتي فبالج انج تنجحين و ترفعين المعدل .. و في مواد تكون سهلة و ضرورية مثل مدخل علم اللغة و المواد اللي تتكلم عن الشعر الجاهلي .. هذيل استغلي الفرصه و ييبي فيهم درجات تعوض اخفاقج بالمواد الثانية .. و لا تيأسين و حطي فبالج انج ترفعين المعدل و لا تقولين هذا عربي و صعب و جذي لان هالكلام الحين ما ينفع و لا بيغير شي .. جابلي شوي و بتلقين الحل انشالله .. و قولي اللي درسوا العربي و نجحوا فيه انا مو اقل منهم و لا اهم احسن مني اللي عندهم عندي من مخ و صحة ..
و الله يوفقج و يعينج و يعطيج على قد نيتج انشالله 
انا تخصص لغه عربيه بكلية التربيه الاساسيه ,, اصلا انا داشه مو برغبتي بس الحين الحمدلله كملت فيه وهذا ثالث كورس لي وانشاءالله بحيل الي ماتنام عينه راح اكمل مع اني باول ماده لي تخصص خذيتها واهي بلاغه عربيه سقطت فيها بس هذا ماخلاني أيأس وبالعكس خليته دافع لي وعلى قوله بطاطا الي درسوا عربي ونحجوا مو احسن منا !
شدي حيلج وصلي صلاة استخاره ودرسي اول باول وحطي ابالج ان ماكو شي صعب وانشاءالله راح تقدرين
واي خدمه تبيني اقدمها لج دزيلي علىالخاص وانشاءالله انا وياج نساعد بعض والله يوفق الجميع
النور
رونه
بطاطا
HDaWee
Filakawyia
البنوته
مشكووورين خواتي ما قصرتووو جزاكم الله خير
انا مع فيلجاويه لازم ادور على مكان اتميز فيه وصحيح إلي قالته البنوته سبب اخفاقي اني مو حابه التخصص لأني مو أنا إلي اخترته
أنا استخرت وقررت بحول تربيه اساسيه بس هم خايفه
قبل لا تسوين اي خطوه من ناحيه التحويل اول شي روحي اسألي
عن الكليه اللي تبين تحولين لها وشوفي البنات واسأليهم عن طبيعه الدراسه
والدكاتره اهم شي ..
وصلي صلاه الاستخاره وتأكدي اي خطوه راح تسوينها
ان الله كاتبها لج
والله يوفقج
ولا تنيسن تعلمينى شنو راح تسوين احنا في انتطارج