|
|
السلام عليكم
بنات انا اول مره اروح وعندي الكتيبات ودورت في النت وتعلمت المناسك الحمدالله وكل شي
بس سؤال واحد ماعرفته
شنو اهو الميقات ؟ ووين مكانه لاهل الكويت ؟ واحنا نروح بروحنا والا يودونا لان احنا بطياره رايحين لي جده ؟
والمره شنو تسوي بالميقات ؟؟
يزاكم الله خير وماراح انساكم بالدعوه الطيبه ؟؟
يصير مانروح الميقات كلش وعلى طول نروح الحرم؟؟
الميقات اهو المكان اللي يحرم فيه المعتمر
اذا رايحه سياره اهو مكان قريب من مكه اتروحين تتسبيحن وتنوين نية الإحرام للعمره
اما اذا رايحه بالطياره اتكونين متسبحه ومتطهره منا لبيت ومخلصه كل شغلج شايله الشعر الزايد وطبعا مو حاطه عطر والصابونه من غير عطر
فلما توصلون عند الميقات بالطياره الطيار رايح ايخبركم واهني تنوين نية الإحرام بس تنيون نية الإحرام تنتبهين حق جم شغله يعني ما في قص شعر ما اتقصين اظافرج ما تتنقبين اذا مغطية وجهج يعني تتبعدين عن مبطلات الإحرام اللي موجوده بالكتيب
وبعدها اول ما توصلين المطار تاخذون سياره تقريبا 45 دقيقة عن مكه واول ما توصلين اتحطين اغراضج ف يالفندق واتروحين الحرم وتأدين مناسك العمره وبعدها اتحللين من الإحرام اتقصين طرف من شعرج وبس 
أتمنى اني كنت واضحه بالشرح
عمره مقبوله ياااارب
وأسألك الدعاء لأني في أمس الحاجه إليه
الله يخليج سؤال
احنا بنزل بجده بالطياره
نركب سياره يعني ونروح الميقات ؟؟
وبعدها نرد مكه ؟؟
جذي صح
وعمره مقبوله مقدما
تقبلي مروري
الله يتقبل منك الطاعة
عمرة مقبولة انشاالله
وماقصرت الاخت قالت كل الي بنقولة جزاه الله خير
ويخليلي بنتي الي في بطني
ويرزق بنت اوسكو الذريه الصالحه يااااااااااااااااااااااااااارب
والله اشتقت لمكه
اذا خلصتي عمره قسمي شعرك ثلاث اقسام وقصي منه جزء صغير
نصيحه قصيه اذا رجعتي الفندق مو في الحرم لان المقصات الي يستخدمونها احسها وسخه ومن حرمه لحرمه<<<الا اذا وديتي مقصك معك
ترا القفازات ممنوعه والنقاب
رحت بالطياره .. في مكان معين يقول الكابتن احنا في الميقات يعني لا تحاتين راح يقولون لج
وعمره مقبوله وادعيلنا ..