|
|
السلام عليكم ورحمة الله وبركاته
بنات انا ابي تنصحوني او تقولون لي تجاربكم شلون تفوقتوا في الجامعه وجبتو معدل عاالي بليززز ابي نصائحكم ابي اجيب معدل عالي ومشكورين
خلي في توازن بجدولج مثلاً : ٣ مواد تخصص ومادتين عامة
واهم شي اخذي عند دكاترة زينين اهم شي انه الدكتور مو عنصري ولا ظالم
وحاولي تاخذين عند دكاترة امتحاناتهم سهله
واذا المادة موحدة اخذي عند واحد يفهمج المادة
وابتعدي عن اللي يشجعونج ع الغياب والكسل
و خلصي واجباتج وتقاريرج اول باول
كنت ملتزمة بالحضور حتى لو مالي خلق لأن كل يوم مالي خلق 
وهالشي وايد فادني لأن اللي ماتغيب اغلب الدكاترة يرفعونها قريد
كنت ادرس حسب المادة اذا نظامها فهم مااخلي درس ماافهمه عشان مايتكود
واذا نظامها حفظ اقسم واكتب اللي يركزون عليها الدكاترة خاصة الامثلة عشان تثبت اكثر
والبرزنتيشن مااخلي الخجل يوقف بطريجي يعني كنت اهتم فيه واتشجع وحرام في بنات يضيعون مليون درجة عشان الخجل
والبحث كنت اشتغل فيه مبجر و اسلمه قبل الموعد عشان اذا في استفسار او تعديل اخلص بسرعة
وهم واجباتي على طول اسلمها عشان لي يه وقت الامتحانات اكون خالصة من كل شغلي
وكنت اكتب بالنوت كل مادة وشالمطلوب و كل يوم اخلص من شغلة لين ما كل اسبوع اكون مخلصة شغلي تمام
وهم كنت ملتزمة بقوانين الدكاترة
يعني سوي المطلوب عليج و التزمي بالحضور وان شاء الله بشري بالمعدل الحلو