بنات الاداب تخصص انجليزي حيااكم اهني ,, عندنا استفسارات عن هالتخصص

قوة بنات شلونكم؟؟

طبعا انا وبنت خالي حاايسين بالجامعه وكل شوي لنا كلمه مره نبي نحول ومره نبي هالتخصص ومره هالتخصص ..

المهم حبيت استفسر عن تخصص الانجليزي طبعا اعتقد تحته 3 تخصصات اللي هم الادب واللغه والترجمه..

كل وحده تقولنا عن تخصصها ,, من ناحيه طبيعه الدراسه وصعوبتها ,, برزنتيشنات ,, الدكاتره ,, مجال العمل بعدين وشالفرق بين التخصصات ,, وتنصحونا فيه او لا

هلا و غلا مريومه
الله يقويج يا عسل شوفي اللي اعرفه ان الترجمه يكون مساند مو رئيسي الرئيسي ينقسم الى ادب و لغويات
و عسى الله يوفقج انتي و بنت خالج و يكتب لكم اللي فيه الخير يارب
عذريني ادري مافدتج بس اسأل رفيجاتي و اعطيج خبر ان شاء الله

بعد قلبي انتي والله منوووره ويكفي انج رديتي وبالعكس فدتيني لان توني ادري انه الترجمه بس مساند

وين البناات ماكو احد متخصص انجليزي؟؟

رفع

اهلين

حبيت افيدج انا خريجه من قسم ادب انجليزي ,, احسلج اخذي لغويات لانه دكاترتهم احسن من الادب بواااااااايد ولانه الادب صعب مادري يمكن بالنسبه لج غير ,, بس عندي اللغويات وايد احسن واسهل ومسانده لازم تاخذين لغه ثانيه انا اخذت فرنسي ,, الادب متعب وكله روايات وشعر وشنو معنى هالشعر يعني لويه .
الدكاتره الزينين مادري اذا موجودين الحين عاد انا تخرجت من ثلاث سنين بس بقولج اساميهم : كميل , هاني , هليل , في واحد اردني ثاني نسيت اسمه , مشاعل الحملي , بورسلي , لافي , جمال الجناعي
هذيل اخذت عندهم واحسن دكاتره.

انشالله اكون ساعدتج واي استفسار انا موجوده

لازم الفرنسي؟؟؟؟؟

طيب اللغويات شنو دراسته؟؟

اهلين مريومه
صاجه حبيبتي amcold اللغويات دكاترتهم احسن تو قالت لي رفيجتي اهيا مساندها انجلش و تقول ان احسن للوظيفه بعد
و اللغويات يقولون كله قواعد و شغلات جذي اما الادب كله قصص و روايات و شعر و حبيت اضيف ان الفرنسي كان حق الدفع اللي قبل اما اللي من دفعه 2024 و فوق مساندهم يكون ترجمه او شي ثاني لان الفرنسي الحين خلوه تخصص بروحه
و عسى الله يوفقج يا قمر انتي و بنت خالج و يسهل عليكم الامتحانات يارب

وعندي استفسار المحاضرات مختلطه؟؟

كان في لغه ثانيه الماني بس ماكان في مدرسين بس اذا اخذتي مواد لغويات لازم تاخذين لغه ثانيه ,, انا ليش كنت ادبي فعادي عندي الفرنسي
ومواد الترجمه الكل ياخذها الادب واللغويات
ترى لغه سهله تدرسينها عادي . اللغويات مو حفظ نفس الادب يكون فهم , عن طريقه لفظ الاحرف وعن المعاجم يعني عن هالشغلات .

حبيبتي بيتي والله ماقصرتي فديت قلبج وانشالله بميزان اعمالج انتي اكثر وحده حااسه فيني

اشرايج اتخصص لغويات واخذ مساند ترجمه ؟؟ هذا اللي قاعده افكر فيه مابي اضيع سنتين عشان الحقوق والرياضيات مانجحت فيه عشان احول الاداريه ومابي اضيع سنين عمري وانا احووس لازم استقر بشي ,, وحسيت اللغويات اقرب شي لي ومسانده ترجمه وتخصص زين والا اشرايج

مشكووره بعد قلبي وماقصرتي ..

انزين بالنسبه للوظايف بما انج خريجه ,, وين توظفتي؟؟

مريومه شدعوه يا قلبي ما سويت شي كلنا خوات و الله يعلم شكثر معزتج بقلبي
انا اقول تخصصي انجلش احسن صاجه بدال لا تحولين و تعورين راسج و ماشاء الله اهوه تخصص حلو و مرغوب و مثل ما قالت اختي amcold يعطيها العافيه ان لغه سهله و ان شاء الله ما راح تتأخرين وايد اخذي صيفي و الله يسهل ان شاء الله و عسى الله يوفقج يارب

هذي شروط التخصص و عسى الله يوفقج عسوله

– أن لا يكون الطالب على قائمة الإنذار.
2- اجتياز مادتي اللغة الانجليزية 141 و 142 بمتوسط معدل(c ).
3- اجتياز احد مقررات الثقافة العامة مما هو معروض من قسم اللغة الانجليزية ، و باللغة الانجليزية بمعدل (c ) ، وهما:
– 197 مقدمة في الأدب العالمي مترجما.
– 297 الأدب و الفنون.

العفو حبوبه , وموفقه انشالله بدراستج

انا موظفه بالنفط , ترجمه

مشكوووووووووره بيتي بعد قلبي ماقصرتي وانا خلصت 141 و 142 بمعدل c يعني عالحفه p;

ماشالله النفط حلوو مكانكم ,, يعني تنصحيني اتوكل على الله واتخصص انجليزي