بعد مداومتي لسورة البقره

بنات

انا قريت فضل سورة البقره وقررت اقرأها ولي الحين اسبوعين وشووي وتركت كل شي يغضب الله وحافظت على الاذكار والرقية يوميا خامس يوم من قرأتي لها خطبوني اثنين بيوم واحد وقلت الحمدلله بركات هالسوره

المهم يابنات واحد من هاللي خطبوني قالوا حنا جايينكم وقبل الجيه بنص ساعه دقوا اعتذروا !!!!!والثاني بعدهم ماتكلموووا بشي
وهالشي مو اول مره يحصل
واموري يابنات من بعد مالتزمت بالرقيه وسورة البقره كل مالها تتعسر تعبت نفسيتي وارتفعت حرارتي واضطريت اترك كللل شي كنت اسويه كل ماجيت برقي نفسي تكاسلت وتضايقت حسبنا الله ونعم الوكيل حسبي الله ونعم الوكيل انما اشكو بثي وحزني الى الله
شنو اسوي يابنات اكمل ولا اتركها ولا وش اسوي وهاللي يصير طبيعي ولا انا اوسوس

كان وددي اكممممل 40 يووم بقراءتي لهالسوره المباركه

ادعولي

السؤال الي يطرح نفسه ..

هل نيتج .. انج تقرين السورة لفضلها العظيم مرضاة لربج؟

ولا لهدف معين تنطرينه وتهدينها؟

ماني فاهمة ليش متضايقة اختي ..

الله مايصرف عنج شي الا وتاكدي مليون بالأمية انه خيره لج!

وايد قعد توسوسين .. كملي قراءتج ومافيج الا العافية واللي الله كاتبه بيصير سواء بعد اسبوع ولا بعد سنتين ..

ي حياتي ي سحابة لاتكونين من الناس اللي تعبد الله على حرف تسوين شي وتبين له مقابل سوي كل شي لوجه الله تطلبين رضاه وغفرانه وتأكدي اذا الله رضى عليج بيعطيج بدون ماتطلبين
بعدين ي قلبي استمري ولاتتركين اللي كنتي تسوينه .أنا صارلي أكثر من ثلاث سنوات أقرأ البقرة والحمد لله على كل حال ما أستجد شيء بحياتي .والفترة الأخيرة صرت أقوم فيها بقيام الليل
وتعبانه ويشهد الله ..جاهدي نفسج ي أختي ولاتخلين للشيطان مدخل بعدين تبارك الرحمن من اسبوعين وصارت خطبة تأكدي ان الفرج قريب حييييييل بس الشيطان بيشغلج
استمري والله يكتبلج مافيه الخير والسعاده

الله كرييييييييييم والله ماادري هالشي طبيعي ولا لا

لا يشهد ربي اني ابي رضا الله وماتركتها عشان اللي بالي ماتحقق لالا تركتها لاني هاليومين وايد صخنت
وانا عارفه فضلها وبركتها مستحيل اتركها بس اتكاااااااااااسل : (

الله يسمع منج ويكون الفرج قريييييييييب يااارب يااااكريييييييييييم

انا مع الاخوات

الله يشافيج ويعافيج ويرزقج بالزوج الصالح والذرية الصالحة وكل بنات والمسلمين يارب
عادي حبيبتي الي يصير لج ، تعب قديم ويطلع او عين وتتشافين منها بس لاتوسوسين بالعين والحسد وايد لان مشيئة الله قبل كل شي
قوي ايمانج بالله وجددي معنى التوكل على الله في حياتج ، قولي بقلبج كل يوم ((( توكلت على الله )) وردديها ليما تحسين لها حلاوة بلسانج ، اقري كتب عن حسن الظن بالله وحسن التوكل عليه وراح تشوفين خير باذن الله ، والزواج رزق مكتوب عند رب العالمين ، يؤخر لسبب لايعلمه الا الله ، المسلم لازم يقوي صبره ورضاه بالقدر والتوقيت الي يختاره رب العالمين اهو الخيرة ، اذا رضيتي بالقدر راح يتغير ، مرة قريت حق واحد من العلماء كلمة ((( إذا وقع من العبد الرضا ، رفع عنه البلاء ))) قوي ايمانج وصلتج بالله ومتأكدة باذن الله راح تكونين عروس قبل رمضان ان شاءالله
شوفي هالموضوع ،، يمكن تقدررين تطبقينه ،، سهل وبسيط ،، وصدقيني كل ماقلته لوحده تطبقه ربي يرزقها ،، ولاتقولين بجرب واشوف يمكن ينجح او لا 00 قولي راح اخطو خطوة لجدام ومتأكدة ان ربي بيرزقني ويوفقني ،، الحالة النفسية والتفكير الايجابي لهم دور مهم في حياة الانسان 0
https://www.q8yat.com/t1120299.html

حيااااااااااااتي كلامج مريييييييح جزاج الله خير

توكلت على الله وحده حسبي هو ونعم الوكيـــــــــــــــــــل

ربي يحفظك ياعلوووش ويعطيك حتى يرضيك

واكيد راح اطبق اللي قلتيه بحذافيره ان شاءالله بس كم مره اترووش بالطريقه اللي قلتي عليها ؟؟؟ ولمدة كم يوووم بالله ردددي.

حكاية قلب

جزاج الله خير حبيبتي على التنبيه

( سحابة مطر) يا قلبي تعوذي من الشيطان قاعد يلعب بعقلج استغفري وتوبي الى الله ان الله غفور رحيم

وبعدين احنا نعبد الله عز وجل لا تضايقين اذا ما خذيتي شئ بالدنيا لا تنسين ورانا الاخرة يوم القيامة وصلاة وقراءة القران في ميزان اعمالج

ورانا عذاب قبر والاخرة

لا تفكرين بالدنيا فقكري بالاخرة

وبعدين كل يصير للانسان خيرة والله سبحانه الاعظم يحب للعبده الخير

(( اللهم اغفر للمؤمنين و المؤمنات ))

قولو (( أأمييين)) ياخواتى

الله يحفظج ويريح قلبج يارب ويعطيج كل الي تتمنيه
جزاج الله خير على الدعوة
اي ،، خليج قوية وصاحبة قول وفعل ،، فكرج ايجابي ومنطقج ايماني توكل على الله
وان شاءالله بتشوفين الخير كله ،،
الطريقة 7 ايام ،، تصلين الفجر وتقرين في الماي ،، تتسبحين فيه
وبس ،، بعدين عيشي حياتج ريلاكس، ولاتفكرين وايد بالزواج وراح يجي بروحه ان شاءالله
استمري على حسن الظن بالله
واذا قدرتي اقري البقرة كل 3 ايام مرة
وحطي شوي من الماي المقري في علبة بخاخ مع ماي ورد ورشي غرفتج
واذا تقدرين عتبة باب بيتكم
القرآن كله خير وبركة

أختي مفروض تستمرين عليها. حتى لو تعبتي أنا الأسبوعين. اللي قريتها فيه يشهد الله
أني كنت أنام مرتاح نومه كامله غير الراحه النفسيه وأقوم على صلاة الفجر بوقتها اختى داومي
على الرقيه والأذكار و دايم رددي هالدعاء ( لا إله إلا انت سبحانك أني كنت من الظالمين ) والاستغفار وإن شاء الله
تتيسر أمورج ويفرجها ربي على كل مسلم ومسلمه
ويرزقنا توبه نصوحه لا ظلال بعدها ….

حبيبتى سحابة مطر داومى لاتنقطعى من كتر ماتكرريها تحفظيها ثم ان اخذها بركة وتركها حسرة
الشيطان الان شافك بنعملى شىء كويس ماراح يهداله بال الا لما يوقفك انتى بقى مايهدالك بال الا لما تهزميه وفقك الله