بشهري الثاني ومافي نبض

السلام عليكم
شلونكم خواتي
اكتب لكم وانا الله يعلم بحالتي بس من الضيقه اللي فيني مادري شسوي بعمري
انا توني حامل بالشهر الثاني واراجع عند الدكتور حيان الاحمد بالشهر الاول كل شي كان طبيعي وبالسونار قالي ان حجم الجيس ومكانه بوضعه الطبيعي الحمدلله
وبمراجعتي الثانيه سوالي السونار وراواني شكل البيبي وقالي شوفي هذا الراس وتوها باديه تبرز الاطراف الايد والريل وشفتهم كانوا واضحين
وقالتي الحين بنسمع دقات القلب
وقعد يحوس ويحوس وماكو شي ويحاول وماكو فايده قلبي نعصر حسيت في شي وساته دكتور في شي قالي لا ان شاء الله بس المثانه تكرمون مافيها بول فمومبين الصوت
وقالي مابي استعيل طلعي بره شربي ماي واذا انحصرتي تعالي
طبعا طلعت ولقيت براده ماي يمكن شربت نصها بس عشان انحصر بس استغفر الله ماصار شي ولا نحصرت وتميت اشرب لما طلع الماي من خشمي
ودخلت عليه مره ثانيه وقلتله بعيد السونار قال اوكي
وعادلي اياه وكان باله طويل معاي
ولاحول ولا قوه الا بالله العلي العظيم
مالقى نبض ولا شي وتم يهديني يقولي لاتخافين يمكن حسبتنا احنا غلط لان الدوره كانت متخربطه معاي خل ننطر عالاقل سبوع او 10 ايام وتعالي نسوي سونار مره ثانيه
ماجذب عليكم بنات من يوم الخميس وانا حاسه روحي مختنقه وقلبي يعورني ومادري صج ولا يتخيلي احس ان في شي يتحرك ابطني
يدتي قالتلي اكلي بصل عالريج يمكن الياهل تعبان واذا كان ولد دايم يصير جذي ضعيف عكس البنت
والله يعلم
انا مادري ليش كاتبه هذا كله وجني قاعده اقول قصه حياتي
بس والله مو مني من اللي فيني
قلبي معورني عالياهل ومابي افقده وكل يوم استودعه الله وان يحفظه لي والله يحفظه يارب
ادعولي خواتي الله يثبته لي يارب ويتمم علي بخير

نسيت اقول لكم اني صارلي يمكن يومين او ثلاث احس بالم الدوره عالخفيف بس مافي لا افرازات ولا شي

الحمدلله على كل حال والله يثبته ويقر عيني بشوفته
اللهم امين

مشكورين ماقصرتوا
ادعولي الله يتمم علي واسمع النبض المره اليايه
اللهم امين

مشكوره حبيبتي sosowaty
ان شاء الله راح ادق عليه واكلمه عالمغص تسلمين حبيبتي