|
|
مرحبا بناات شخباركم
بنات انا تشجعت اسوي عمليتي عند دكتور بشار رباح وماشاء الله وايد يمدحونه
سفرتي يوم الاربعا بعد 5 ايام
عندي كم استفسار للي سوو العمليه واتمنى ما تخذلوني فالرد ادري بكم نشميات وما تقصرن 
السؤال الاول : بالنسبه لإبرة السيلان او البنج المهم يدخلون ابره في ايدي 
اخااااف منها
مافي طريقة ينوموني فيها قبل لا يدخلون الابره في ايدي ؟
يعني لو في اكسجين منووووم انااام بعدين يحطون الابره بيدي
ادري بتضحكون 
بس جد جد اخاف والله لان سبق ودخلوها غلط وطلعوها وردوا دخلوها وايدي تيبست اسابيع وتعقدت
والي سوت عنده ,, الي يحط الابره في ايدج ,, يعووور ولا لا ؟ ايده خفيفه ولا لا ؟
السؤال الثاااني : بالنسبه لبعد العمليه ,, اكيد يحط جبس وشاش والخ ,,, يعني يحط شي كبييير ولا شي بسيط وصغير
لان شفتكم كاتبين انكم تروحون السوق وعااادي الحياه حلوه هههههه
يعني لو كان الشاش والجبس كبير بستحي اطلع لكن لو شوي وصغير يعني معقوله اطلع ^^ خخخخ اراعي مشاعر الجمهور هههه
السؤال الثالث : لما ارجع من سوريا اكيد خشمي مجبس ,, منو يشيل الجبس انا ولا لازم اروح لمستشفى ؟
ودكتور بشار هو الي يحدد لي المده الي اخلي الجبس على خشمي ؟ ولا شلون اعرف المده ؟
السؤال الرابع : انا بسوي العمليه يوم الخميس ,, وبرجع دبي يوم السبت ,,, الفتايل والشاش الي بيدخله فخشمي يوم العمليه متى راح يشيلهم ؟
يعني برجع دبي فيهم ولا بيشيلهم قبل ؟
السوال الخامس : خشمي متى بقدر اتنفس منه تقريبا ؟ ههههههه متى استعيد التنفس من خشمي لان صعب وايد اتنفس من حلجي ريجي بينشف
السؤاال السادس : تحت العيون يصير لوزن ازرق وبنفسجي وحاله ,,, هالالوان متى تطلع ؟ لان عندنا بدبي جل يشيل هالالوان نفس اليوم
فاذا بتطلع الالوان في سوريا عشان اوديه وياي
ووووبس
ادري طولت عليكم بس يعني احاتي والله وابي اتطمن الله يطمن قلبكم يارب
تكفوووون ابي ردودكم ^^
اخااااف منها مافي طريقة ينوموني فيها قبل لا يدخلون الابره في ايدي ؟
يعني لو في اكسجين منووووم انااام بعدين يحطون الابره بيدي
ادري بتضحكون
بس جد جد اخاف والله لان سبق ودخلوها غلط وطلعوها وردوا دخلوها وايدي تيبست اسابيع وتعقدت والي سوت عنده ,, الي يحط الابره في ايدج ,, يعووور ولا لا ؟ ايده خفيفه ولا لا ؟
(( الإبره هذي مهدي + منوم … البنج يحطه بخشمج بعد ماتنامين .. ماتعور بثانيتين يحطها وانتي اللي ناااااااااايمه على طول .. انا خوافه بس الانسان لازم يتحمل واللي يريحج انه مو بنج عام الحمدلله فلاتخافين توكلي على الله ))
السؤال الثاااني : بالنسبه لبعد العمليه ,, اكيد يحط جبس وشاش والخ ,,, يعني يحط شي كبييير ولا شي بسيط وصغير
لان شفتكم كاتبين انكم تروحون السوق وعااادي الحياه حلوه هههههه
يعني لو كان الشاش والجبس كبير بستحي اطلع لكن لو شوي وصغير يعني معقوله اطلع ^^ خخخخ اراعي مشاعر الجمهور هههه
(( مو جبس لزاق كبير وثقيل وشاش تحت فتحات الخشم .. اللزقه كبيره بس عادي يابنت الحلال انا رحت وطلعت جنه العيد والله وشعلي من النااااااس ديره مو ديرتج على شنوو منحرجه هههههههههه ولاتراعيين مشاعر احد اهم شي راحتج ))
السؤال الثالث : لما ارجع من سوريا اكيد خشمي مجبس ,, منو يشيل الجبس انا ولا لازم اروح لمستشفى ؟
ودكتور بشار هو الي يحدد لي المده الي اخلي الجبس على خشمي ؟ ولا شلون اعرف المده ؟
(( ثاني يوم من العمليه تروحين له المستشفى او العياده وانا افضل العياده تدشين بسرعه يشيل لج اللزقه الكبيره اللي على خشمج ويشيل لج الفتايل وماتعور ولا شي ويحط لج لزقه صغيره مجكنمه .. وااللزقه تتم اسبوع او اسبوعين بالكثير على حسب الحاله .. ولو فيه غرز تشيلينهم بعد معاه .. انا شلت اللزقه فالبيت لان خشمي دهني وهي بدت تطيح قصيتها وقطيتها .. والغرز بمستوصف الفردوس .. وبس ))
السؤال الرابع : انا بسوي العمليه يوم الخميس ,, وبرجع دبي يوم السبت ,,, الفتايل والشاش الي بيدخله فخشمي يوم العمليه متى راح يشيلهم ؟
يعني برجع دبي فيهم ولا بيشيلهم قبل ؟
(( جاوبت فالسؤال اللي فووق 
))
السوال الخامس : خشمي متى بقدر اتنفس منه تقريبا ؟ ههههههه متى استعيد التنفس من خشمي لان صعب وايد اتنفس من حلجي ريجي بينشف
(( من ثاني يوم عمليه بعد مايشيل الفتايل تتنفسين طبيعي وشوي شوي يتحسن اكثر واكثر بس اهم شي البخاخ والترطيب علشان خشمج مايسكر بعود اذان واخذي وياج مره من الحواج حطيها في بطل واشرب منها وشميها ))
السؤاال السادس : تحت العيون يصير لوزن ازرق وبنفسجي وحاله ,,, هالالوان متى تطلع ؟ لان عندنا بدبي جل يشيل هالالوان نفس اليوم
فاذا بتطلع الالوان في سوريا عشان اوديه وياي
(( انا ماطلعتلي الوان شي لا يذكر كأنج مرهقه .. اذا تبين اخذيه وياج بس احس ان ماله لزمه وانتي براحتج بس انا ما طلعلي الوان عادي ))
ووووبس
ادري طولت عليكم بس يعني احاتي والله وابي اتطمن الله يطمن قلبكم يارب
موفقه يارب [/SIZE]
بس بالنسبه للزقه انا بعد خشمي دهني يعني صعب صعب يحط لزقه لان كل ساعه لازم اغيرها -_-
وووصح انتي قلتي بس شاش كبير لكن في كم وحده سووت اظن مس فلووور وحطالها جبس -_-
الله يستر والله
انا كل شوي اقرا تجاربكم عشان نفسيتي ترتاح لما اخاف
ومن حاله لحاله تفرق يمكن انا لزاق غيري جبس لان يمكن علشان عدل بالعظم عرفتي؟
والله يسهل امورج توكلي على الله وصلي استخاره
انا بعد عظم
ان شاء الله راح اوافيكم بالمستجدات
وان شالله تشوفين نتيجه ترضيج
