بخصوص النفاس

السلام عليكم
شلون الكويتيات

ودي اعرف وين تايد فترة النفاس بشقتها والا ببيت اهلها
ومنو فيكم تأيد بشقتها وابتدا من اي بيبي تقعدين بشقتك

أبي همتكم كويتيات

حبيبتي كل وحده وظروفها
اللي تلاقي راحتها فبيت امها
واللي تلاقي راحتها فبيتها
وعلى حسب الضروف من عدد اليهال ودواماتهم
في عوامل واااااااايد تتحكم بالموضوع

حبيبتي كل وحده وظروفها
اللي تلاقي راحتها فبيت امها
واللي تلاقي راحتها فبيتها
وعلى حسب الضروف من عدد اليهال ودواماتهم
في عوامل واااااااايد تتحكم بالموضوع

اكيد للظروف احكام لكن على حسب الوحده واهلها وزوجها ورايهم فالموضوع

بالنسبه لي عند الماما اكيد لانها بتهتم فيني اكثر من نفسي وكثره العيال تلعب دور يعني ممكن الوحده اذا عندها اكثر من 2 تتنفس بشقتها بحكم عيالها ولويتهم ومدارسهم وجذي وكل واحد علي حسب ظروفه وبث

انا افضل ببيتي
ماحب بيت اعلي ازعااااج
ماشالله عليهم اروح لهم ازوهم ساعتين راسي يصدع

في بيتي اريح واحسن اغراضج جنبج وشغلج عندج

اكيد عند اهلي امي بتضبطني وتهتم فيني لو بتكل على نفسي اصير سمردحه خخخخخ

بس يتغير الوضع اذا عيالي صاروا بالمدارس حزتها اتنفس في بيتي الشكوى لله

والله انه ساكنه مع حمولتي وين اتنفس عندهم حدها صعبه

لو ساكنه بروحي اكيد فبيتي بس طالما انه معاهم نفاسي يكون عند اهلي

للحين ماجربت

كل شخص وظروفه
يعني اذا عندج اكثر من 3 وقادره تقومين بنفسج ومعلمه خداامج كل شيء خليج في بيتج >>>> اذا عيالج يدرسون

اما اذا عيالج شويه 1 او 2 لا خليج عند امج تنفسج عدل وبنفس الوقت تعرفين حالات الحريم بالنفاس وريحه الادويه والاكل فنصيحه خليج عند اهلج

دمتي بود .. ♥

عند اهلي طبعا

مع اميمتي فديتها وفديت قلبها

انا اختي بنفاسها

تركت بيت زوجها خارج البحرين
وسافرت بس عشان تقعد عند امي
انا اللي يم امي اكيد عندها
اريح واحلى وتهتم فينا
واي احد يزورنا اييني فبيت اهلنا

الله يطول لنا بعمرها يارب

اكيد الاهل ولا الريال شذنبه يشم ريحت حلبه ورشاد وماتتسبحين يبا ببيت اهلج عفني محد بشامج خخخخخخ

تم التصويت

أكيد بيتي لأنو تعودة عليه
أغراضي كلهم عندي