|
|
السلام عليكم انا ابي اقولكم اللي حصل معاي بالدوام وابي رايكم
طبعا انتوا عارفين ان لكل قسم ميزانيه واحنا ميزانيه قسمنا 150 تنصرف تحت بنود وشغلات توصلنا مع النشره
ابتدي السالفه اول السنه ياتنا معلمه جديده بالقسم وصرنا 3 انا القديمه وهذي السنه السابعه لي ووحده قبلي مامداني اعرفها لان العام كانت ندب والسنه اللي قبلها مرافق مريض المهم الجديده قالت انا بغير وبجدد الغرفه قلتها اوكي انتي مع الثانيه قطواا عدلوا غرفتكم (ملاحظه انا غرفتي بروحي لان اول ما تعينت سويتها كلها من الالف الى الياء)
طبعا الجديده كانت تشتكي من اللي معاها علشان موراضيه تدفع غصب دفعت ……عدلوا الغرفه ومدحتهم الناظره والموجهه وخلصنا…….
صار عندنا اجتماع التوجيه جميع معلمات مادتنا اخذنا من الميزانيه 50 علشان تاجير كراسي ومفارش لان اللي عندنا ماتكفي والناظره ورفيجاتنا قطوا للضيافه واحنا معاهم وخلص الاجتماع
دقت الموجهه تبيننا نستلم عهده من المخازن فكانت بتروح الجديده لا انا ماقدر اروح لان بوقع الفاتوره بالتوجيه بعدين جوني اهم الثنتين قالت الجديده انا اخاف اروح بروحي ماعرف والثانيه قالت انا اروح اجيب الفاتوره واشيل حصصج اسغربت الفزعه؟؟؟؟؟؟؟؟
المهم والكل راح يخلص شغله
ولاتجيني الجديده وتقولي فلااااااااااااااااانه انتي مو قلتي ان الناظره عطتج 50 وساعدت بالبوفيه غير باجي الاقسام ليش ساحبه من ميزانيتنا 50 وين وديتي الفلوس؟؟؟؟؟
قلتلها شنو ؟خير ؟ماسمع؟
انتي صج ماتستحين شايفتني بواقه على دشه الوكيله قلتلها الله يابج انا اخذت منكم فلوس قالت لا توي زافتهم قلتلهم ان انتي ماخذيتي شي انا اللي حاسبت الرجال وفوق هذا داشين عالناظره مودين لها فواتير مختومه من التوجيه على شغل غرفتهم بقيمه 300 والناظره استغربت والوكيله تقول انا بعد استغربت فواتيرهم اكثر من الميزانيه قلتهم اشمعنه اقدم وحده فيكم عمرها ماجابت لنا فواتير لان هذي غرفتها وملزومه باركانها واللوحات ملوتها
ولا اثاري الخوات علبالهم ان انا ماخذه الفلوس حق غرفتي طبعا الجديده قاعده تتعذر وتتاسف وانا بموت من القهر والثانيه ماشفتها كان عندها حصه اخيره طبعا انا بغيت اسكت بس قلت لاختي السالفه لاتسكتين ودقيت عالموجهه ولا الموجهه تعصب حدهاااااااااااااااااااااا لان الاخت اللي راحت تاخذ الفاتوره ماقالتلها ان المبلغ300 والموججهه اساسا ماكانت موجوده فقالت للسكرتيره تختمها تقولي الموجهه انا قلت اكيد الفاتوره بقيمه 10 ولا 20 شاريين شي لقسمكم مادري ان فواتير الغرفه اذا ماعندهم محد قالهم يسوون وانا فباديه السنه قلتلهم ترى التوجيه والناظره بقدرونكم لان انتوا جدد فعلى راحتكم خلصوا الاركان المهم قالت انا جايه الاحد بفهم ناظرتكم اني ماعندي فكره عن هالمبلغ اساسا ميزانيتكم 150 جايبين فواتير ب300 وبعلمهم شلون يتحجون ويسوون جذيه
عاد ناطره يجي بكره طبعا الجديده ماتدري شتسوي بس تساحلني وتقولي انا غلطانه طعتها مافهمت قبل لا اتصرف قلتلها مشكلتج عيل تسووني بواقه جدام العالم اللي وحده من البنات موقفتني تقولي شسالفه ال50 اللي ماخذتها
ادري طولت عليكم بس ابي رايكم الاغلبيه بالبيت قالولي لاتسكتين هذي سالفه سمعه شنو بايقه فلوس خل يتادبون ويوقفون عند حدهم انا ابي رايكم يابناااااااااااااات
لو مكانك اكيد ما اسكت اهم شي السمعة والامانة
صج ناس ماتستحي مافي شي يترس عيونهم
ثانيا بما انج انتي القديمة المفروض انج توضحين ان فلوس الغرفة تكون من فلوسهم مو من الميزانية علشان تكونين حاطة النقاط على الحروف ولانج تعتبرين مشرفة القسم
ثالثا بما ان السالفة صارت تجاوزات بالميزانية فلازم يصير اجتماع بينكم علشان يبينون شاللي صار بالضبط وانتي تبلغين الموجهة بالاحداث كلها منقولة بوجهة نظرهم طبعا بعلم الناظرة
ويعتذرون لج —– لانه فيه ناس ما تستحى ؟
ولازم انهم يعتذرون لج جدام كل المدرسات
هذي سمعتج حبيبتي ولازم انج تحافظين عليها
|
المشاركة الأصلية كتبت بواسطة @ الرسامة @
 اولا المفروض ان اللي تبي اتجدد تاخذ راي الثانية وتكون واضحة وياها لان شكلها ماكانت راضية واهي مو مجبرورة تعدل الغرفة اذا ماكانت راضية
ثانيا بما انج انتي القديمة المفروض انج توضحين ان فلوس الغرفة تكون من فلوسهم مو من الميزانية علشان تكونين حاطة النقاط على الحروف ولانج تعتبرين مشرفة القسم ثالثا بما ان السالفة صارت تجاوزات بالميزانية فلازم يصير اجتماع بينكم علشان يبينون شاللي صار بالضبط وانتي تبلغين الموجهة بالاحداث كلها منقولة بوجهة نظرهم طبعا بعلم الناظرة |
هلا فيج اول شي اشكرلج مرورج
وترى اهم الثنتين متفقين انهم بعدلون بس الثانيه ماودها تدفع والجديده تشتكي ان اهي دفعت اكثر وتالي اتفقوا
وثاي شي انا موضحه لهم ان اي شغل لغرفتج هذا مجهود شخصي ماله شغل بالميزانيه وتحجوا بهالكلام بالاجتماع
وثالث شي لا نيتهم الله اعلم فيها علبالهم ان الفاتوره لي لغرض شخصي بغرفتي لكن توضح لهم العكس توهقوا
طبعا من داومت الصبح والجديده بغرفتي تساحل وتجيس النبض لان اهي اللي سوت السالفه ونقلت الحجي وسوت نفسها ماتعرف شي وقطته براس الثانيه لما شافت ان انا ما باذني مااااي جان تنكر كل كلامها وتصف مع اللي معاها ويسوون روحهم ان اهم جدد ومايدرون عن النشرات والقوانين لان انا ما ابلغهم وان انا فهمت غلط بس ربج كشفهم الحمد لله ياااااااااارب ان الموجهه قالت شلون ماتدرون انا بنفسي معطتكم النشره بايدي وسوينا اجتماع تنويري بمدرستكم وتكلمنا عن هالامور والناظره قالت انتوا اللي ييتوا وعطيتوني فواتير اكبر من ميزانيتكم والقديمه كانت تمدحكم وتدافع عنكم بس اليوم معصبه عليكم وايد ليش ؟
جان اقول دام اللي نقلت الحجي نكرت وتحلف جذب هذي انسانه ما اتناقش معاها(الجديده نكرت انها حشت بالثانيه ان قطت كل شي عليها وتقول كله منها انا مالي شغل وان اهي تشيشني عليج وقالتلي انج ماخذه الفلوس مادري شلون طاوعتها تخيلوا نكرت كل الكلاااااااااااااام وتحلف جذب والثانيه تقول لا انا ماقلت عنج شي انا اخذت الفواتير لان كنت براوي الناظره ان احنا نشتغل…..من الوهقه قامت تقط خيط وخيط)
قلت وتحلفين جذب خلاص خلاص لاتكملين انتي النقاش معاج انتهى بس الزين والطيب معاكم جذيه تسوون فيه ولا وحده غيري لاهي ملزومه تعلم ولاتعطيكم نماذج تحاضيرها ودفاترها ولاشي بما انها اشراف داخلي تقول كيفهم لكن انا قلت لا حرام انا اخذت فرصتي خل اعطي الجدد بس انتوا ماتستاهلون طبعا هم ولا كلمه وتفشلوا وعطتهم الناظره والموجهه حجي وانا طبعا اعتذرت للموجهه والناظره قلتلهم انا مفتشله على هاللويه بس سمعتي تهمني وعيب اللي سووه ولازم كل واحد يوقف عند حده
وربكم ماينصر ظالم على مظلووووووووووووم الحمدلله يارب الحمدلله
لاتسكتين عن حقج وانا اختج ولازم يعتذرون جدام المدرسات وخصوصا اللي قالتلج شنو سالفه ال50 اللي ماخذتهم
والله يعينج واحمد ربي على النعمه اللي انا فيهااا
الواحد لما يسمع بلاوي الناس تهوون عليه بلوته
وأهم شي سمعت الواحد
حرام يشككون فيج
موفقة يالغالية
وطلعي كل الحجي عشان كل وحده منهم تعرف ان اي كلمه تطلع منها محاسبه عليها
وسالفه البوق هذي اكيد انت محد يشكك فيج لانهم عارفينج ومو يديده انت عليهم
وطلبي من الاداره تكون تكون الميزانيه بيدج وانت الي تتصرفين فيها وباذنج لانج اقدم وحده
بس لا تسكتين وتخلين السالفه تعدي ,, لازم تجتمعون كلكم والله معاج ان شالله
حسبي الله ونعم الوكيل
صج مايستحوون مو كفوو تساعدينهم ولاا بشي
اهم ماعليج سمعتج وزين الناظرة والموجهه بصفج
بس ديري بالج لاتنقرصين منهم مرة ثانيه
لا تسكتين وخليهم يعتذرون لج
صج ناس ما تستحي