|
|
قوه بنات بغيت اسمع نصايحكم وأبي حل حق مشكلتي…..؟؟؟!!!
>> عمري 19 صارلي تقريباً 5 اشهر متزوجه وساكنه بيت اهل ريلي
ومشكلتي مع خالتي ام ريلي….
اهيه بالبدايه واايد كانت زينه وياي وتعاملني عدل بس الحين تغيرت معاي 180 درجه بدون سبب ؟؟
أسلوبها معاي تغير صارت حيل حاده وناشفه وياي وايد قمت انجرح منها قلت ميخالف وطوفت لانها حسبت أمي
بس صارت تشيش ريلي علي ، وريلي يي ويزفني او يقولي ليش سويتي جذي امبي والله على أتفه الأسباب قاعده تسوي
مشاكل بيني وبين ريلي مرتك سوت جذي مرتك قالت جذي الخ……..
ومن الموافقة اللي صارت..
مره صادف زوارتنا بيت أمي وانا كان عندي وايد هدوم يبيلهم أوتي وكان ظهري حيل يعورني وما قدرت اسويهم
وأمي قالتلي اذا عندج أوتي يبيهم عندنا خدامتين بدال مايقعدون جذي خل يسون لج أوتي استأذنت من ريلي وريلي
قال عادي انزين وانا بيت أمي جان أدق خالتي على أمي وتقولها عيب على بنتج اطلع أهدومها وهدم ريلها بره البيت
علمي بنتج ان مايصير جذي أنا أهني حدي ان صدمت منها جان أمي ترد عليها وتقولها عادي حبيبتي ما فيها شي
اذا يابت ملابسهم عندنا خو ماحاطتهم بشارع ما فيها شي اذا خدمنا ساعدوها إحنا عندنا بدال الخدمه خدامتين وماعندهم
شغل وغيره من هالحجي المهم انه أمي ردت عليها اليوم الثاني جان تكلمني خالتي وتقولي انها ماتحب أني اطلع الهدوم
بره البيت وانا رديت وعدت لها كلام أمي وان عاليي عندنا عادي وانه أنا كلمت ريلي وأهوه راضي جان تنصدم وتقبلي شلون رضا!!! وبعدها سكتت صار اليوم الثاني ولا طلعت رايحه مكلمه ريلي عن هالسالفه وان انت شلون ترضا وان اهيه
ماتحب وجذي جان يي ريلي ويكلمني عن السالفة جان أقوله بس انت كنت راضي جان يقول أنا قتلج عادي لأني مالي خلق مشاكل وعوار راس وقالي لاتحاولين تعاندين أمي او تحطين راسج براسها ترا والله بتشوفين مني شي ثاني قتله بلعكس
والله أنا احب خالتي وفوق راسي ماقلت شي بس انت كنت راضي جان يقول والحين غيرت رايي المهم ان السالفة صارت كبيره بسبة خالتي.gif "Eh S(2)")
والحين مطلعتلي سالفه يديده أنا تلفوني النقال خربان وريلي تأخر. على الغدا فكنت ابي أدق واسأل وينه فرحت تحت علشان أدق من تلفون البيت والتلفون كان بغرفة خالتي طقيت عليها الباب جان أسمعها تصارخ شتبييييييييييين
امبي أنا أهني اخترعت جان أقولها خالتي بغيت تلفون البيت جان تسكت….. ماردت علي ظليت مده ناطرتها عند الباب
تعبت وانا ناطرتها جان ارد أطق الباب جان اسمع صوتها على الخفيف انها قاعده تصلي جان أتضايق لانها تدري أني
ابي التلفون جان تحرقني وتصلي جان اتنرفز جان اصعد شقتي وصكرت باب الشقه حيل بدون ماحس صار بليل أنا كنت نايمه جان يي ريلي جان يقولي انتي طاقه باب أمي حيل وبتكسرين الباب علشان بس تلفون حتى بدون ماتسلمين ع أمي
جان أقوله لاحبيبي والله أنا طقيت عليها الباب شوي شوي جان اهيه أتصرخ علي وتقولي شتبيييين أنا اخترعت جان أقولها على طول خالتي بغيت التلفون من الخرعه نسيت اسلم ولمن شفتها ماردت جان اصعد فوق جان يقول اي وصكرت تي باب الشقه حيل لانه كل البيت سمع صوت الباب جان أقوله بون ماحس صكرته جان يقولي اي الحرامي مايقول عن نفسه أنا
حرامي جان أقوله والله صدقني جان يجمعني ويطلع وبليل لمن صار وقت النوم جان ألقى عند باب غرفتي تلفون البيت ببكره مع بلاكاته جان انصدم وأقول حق ريلي شنو هذا جان يقولي سالي نفسج كل من سوالفج وتحت راسج ارتحتي الحين…
مادري شلون قلبت السالفة علي ؟
ابي أنا حدي متضايقه بنات تعبت منها على قد ماكنت احبها صرت اكرهاا غير هالسوالف قاعده تسوي اكثر والحين اهيه. زعلانه مني وريلي متضايق بس أنا ماراح أتأسف منها لأني ماغلطت اهيه اللي قلبت الموضوع علي وريلي مصدقها
بس أنا ملاحظه انها واايد تغار مني علشان ولدها ماخذه كل الجو مني صج صرت اكرها أبيكم تساعدوني وتفيدوني….
لالا اتطنز حبوووبة لاتزعلين
شوفي حياتي واظح انج حيل صغيرة ومو معتمدةعلى نفسج
فهذا شي طبيعي كون عمرج 19 انا وعمري 23 ماعتمد على نفسي واايد
وهذا اللي غير عليج خااالتج وخلاها تنقث منج خصوصا انج ديتي اثيابكم لبيت اهلج
عشان تضربينها اوووتي
المطلوووب منج
انج تحوووفين زووججحووف وتشيلينه بيدينج الثنتين بحيث انها ماتلقى حجة عليج
وحتى ان لقت حجة عليج زوجج بتشهدلة اعماالج وشطاارتج وهذا كفيل بانه يخليه
يتقاضى عن معاتبتج
حزتها بتشووف ان معاملة زوجج تمااام وطنش تقوول ماكوو فايدةة (وهذا هو المطلوووب
والله يوفقج وترى مهما يكن لاتشيلين عليها حسبت امج اهياا
تغيرت عليها خالتها مرة وحدة قامت تشيش ريلها عليها
وتقط عليها نغزات
وبحكم كبر العمر حق خالتها وتجربتها بالحياة وبماأن بنت خالي صغيرة عمر تقريبا بعمرج
كانت دايما اللي تفوز اهي خالتها ودايما المشكلة تقلب على راس بنت خالي ……..
حتى ان بنت خالي بدت تكره خالتها وبعد مدة كانت بتوصل المشاكل للطلاق…..
تقول بنت خالي وقفت شوي وتأملت وفكرت وقلت مايصير جذي ريلي
وااااايد زين ويحبني وانا اموت فيه وخالتي وحدة تغار على ولدها وغيرتها مريضة اخلي غيرتها تخسرني
حياتي مع ريلي وتخليني اتطلق ويخترب بيتي……….
تقول قعدت أحوف ريلي حوف شقتي كل يوم ارتبها وانظفها حتى لو تكيسلت اغصب نفسي
واخليها زي الوردة دايما شابة هالبخور وهالعطور ريحتهم تاصل لي تحت مرتين باليوم
ريلي ملابسه عندي اهم من ملابسي مستحيل مايلقى الكبت مرتب وملابسه كاملين وملابس دوامه
مرتبين حتى دلاغاته وانتي بكرامة اول بأول أرتبهم………..
تقول عكس قبل كنت كسولة ومسكت خالتي علي هالممسك تقول بيتي كل ماتدشه خالتي او ريلي يكون نظيف
ومرتب ويفتح النفس …………………
وثاني شي سويته واهو الأهم كل ماتقط علي قطة او كلمة حتى لو ريلي مو موجود ابتسم لها تقول
وصلت فيها الحالة الى ان تغلط على ناس يعزون علي تقول وامسك روحي مااعصب ولاشي وكأني
ماسمعت ……. وتقول مستحيل اسبها او اتكلم عنها او احرش ريلي عليها ومستحيل افتح موضع يخصها
جدامه اللهم ابين نفسي شوي حزينه شوي بس ولما يسألني شفيج اقول مافي شي حبيبي شوي
متضايقة فهو يحس ان هالشي مأثر علينا ……
تقول اهي تسوي جذي عشان اعصب عليها وريلي يطقني او يطلقني ……… وتقول وانا ماكأني اسمع ولا كأني اشوف
شي دايما انزل عندها كل يوم عشان ماتحرش ريلي علي بس اني ماأطول اقعد عندها ساعة ساعة ونص
واصعد فوق اقول برتب الشقة خالتي اسمحيلي………..
وتقول بنت خالي ريلي دايما شايلته فوق راسي ودايما مبتسمة له وصاينته وقايمة بكل واجباته وم مخليه عليه قاصر …..
وتقول ولما تحرشه أمه علي أقول أفهمه الموضوع واحلفله بدون ماأغلط على أمه وأبرر لها واقوله وي
خالتي شكلها فاهمة غلط حبيبي بروح اخذ مابخاطرها ….. ووالله اروح يمها واقول بقلبي بحتسبه اجر لي وهي مرة عيوز
باخذها على قد عقلها وارح يمها وابوسها على راسها واقولها تامرين على شي خالتي ……
تقول المهم ريلي صار مايصدق احد ولايلومني على شي ولايسمح حق احد يغلط علي صج اني تعبت مدة سنتين بداية
حياتي الزوجية بس عقب ارتحت وريلي حاطني فوق راسه ………..
هذا اللي صار حق بنت خالتي بالضبط تعلمي منها حبيبتي
والله يعينج ويسخر لج ريلج ويكفيج شر من له شر …….
الهدايا لها دور كبير
عورتي قلبييي! =/
هاذي تغار منج غيره مو طبيعيه، وعايشه باوهامها و وسواسها وتفكير الناس الجهله القديمه
انه مرت ولدي بتخرب ولدي علي وغيره من الحجي الفاضي
سبحان الله الخاله لي تدخلت بحياة الصبي ومرته لازم مشاكل
امبيه الله يعينج مادري شقولج! خلي علاقتج سطحيه وياها
واي شي تسوينه، لاتسوينه جدامها لاتخلينها تراقبج
اي شي تبينه مو جدامها كلش. خلي خصوصياتج لج بروحج
لاتقولين لها، لاتسوين شي جدامها لاتخلينها تشوفج
اهيه مو مشاركتكم بحياتكم امبيه شتبي هاذي
انا امهات الازواجات مادري ليش يسوون جيه
الله يهديهم بس
لو كل وحده تفكر ان اللي بتسويه ببنات الناس بيستوي ببناتها كان ماسوت
بس خلج عاديه لا تتقربين منها عن المشاكل ناس مثلي تطلقوا بسبه ام الزوج الله يكون بعونج وصبرج
وطلعج في بيت خاص وتفتكييييييييييين
حاولي تخففين طلبات وتسايسينها
وتكسبين زرجج بتعاملج الراقي
ومع الوقت رح يعرف من الصح والخطأ
فوفو
خليج في حالج ولا تطلبين منها شيء و طيعيها علشات زوجج
الحمدالله والشكر
عمري ماشفت خاله تعامل جنتها مثل ماتعامل بنتها
الله يهديها ويعقلها
انتي تميلحي وتحيلقي
وودي لها هدايا
عشان تسدين حلجها
كلما دخلتي عليها عطيها شي
