الي قاعده الحين اتساعدني ضروري ضروري ولدي مسخن

يعطيكم العافيه

امس طعمت ولدي الساعه 11 الظهر
تطعيم الي يكملون 4 اشهر الي طعم بالحلج او ابرتين بالفخذ
جمدتهم له بماي دافي ساعه كامله وا كل 4 ساعات اعطيه ادول

بس توه قست حرارته 37.8 يعني مرتفعه شسوي توني معطيته ادول الساه 4 او الحين الساعه 5 يعني مشى مفعول الدوا هذا بجري او مو عارفه شسوي اوديه الطبيب ولا شسوي

انا استخدم مقياس الادذون مال براون

سويله كمادات ماي بارد

واذا عندج advil لاطفال تقدرين تعطينه

مو ادول لأ ادفل

وما يشوف شر انشاءلله

الشر ما اييج بس اقدر اعطيه ادفيل او توني قبل ساعه معطيته ادول
او 37.8 يعني مو زين صح ؟؟

لا عادي انا اسوي مع عيالي جذيه

ولا تخافين ريلي دكتور وسألته قبل لا اكتبلج

تقدرين تعطينه ادفل واهو اقوى من الادول

بس ما تقدرين تعطينه الحين ادوول مرة ثانيه لان لازم يكون اقل شي 4 ساعات

وحتى الادفل اذا عطيتيه الحين لا تعطينه الا عقب 4 ساعات اذا مازال مسخن او 6 ساعات

طمنينا عليه

مشكوره حبيبتي الحين بحطله كمادات ماي بارد او اخلي ريلي اييبه ادفيل

حبيبتي من خبرتي بعد الادول اذا ما نزلت الحراره سويله كمادات بس مو ماي بارد حيل علشان ما يلتهب صدره او حنجرته حطي ماي فاتر من الحنفيه بالفوطه وحطيها على يبهته وحرارته للحيل معقوله لا تستعيلين بالطبيب وانا احب اعطي تامبرا لليهال الصغار ……..والله يشفيه لج ولا تنسين تشربينه سوائل وايد لانها تخفف عليه بعد

مشكوووووووووووووره حبيبتي او اشوه نبهتيني لان ولدي راعي صدر بعد

مايشوف شر ولدج انشالله …

حبيبتي نطري شوي بس خليج على الكمادات و حطي مع الماي عطر جونسون لأنه ينزل الحراره بسرعه جربي هالشي الحين قبل لاتعطينه اي دواء و انشالله ماكو الا العافيه حبيبتي ….

لا تعطينه الا الكمادات حرارته مو وايد واذا استمرت اكثر ساعتها تحميله

حبيبتي لا تحاتين هذا الرقم مو مرتفع وايد المهم خليج علي الادول ودهني مكان الابرة بشوية فكس تدليك خفيف وان شاء اللة اليوم العصر تروح الحرارة لان سخونة التطعيم حدها يومين

الي اعرفه تحطين مع الماي كلونيا علشان ينزل حرارته