|
|
السلام عليكم و رحمة الله و بركاته
بنات ٲنا مو جايه اغتاب هالمره بس حابه انبهكم. لٲني طلعت منها و ٲنا دمعتي على خدي ليش
جذي تستغل حاجة الناس بعني عشان الله ابتلانا ب تٲخر الحمل صرنا ننذل عشان العلاج هالمعالجه الشعبيه اسمها ام راضي رفيج زوجي يقول الله رزقنا من بعد توفيق الله و علاجها وطريقتها اول شهر تاخذ منج مية دينار الشهر الثاني تاخذ خمسين والشهر اللي عقبه ببلاش والرابع ببلاش واذا خلصت هالاربع شهور و ماحملتي تقول لج خلاص لا تجيني انتي علاجج مو عندي عاد انا جايتها قبل 4 شهور وعطيتها ميه دينار ومرختني وتمريخها كان بارد يعني ماني عارفه شلون بيرجع
الرحم وعطتني دوا اشربه جدامها ريحته تفوح منها الحلبه وعطتني قواطي و واحد اشربه قبل الجماع و واحد عالريوق
المهم شربتها بعد اسبوع رحت لدكتورتي وقاست هرمون الحليب ولقته ٲلف و300 ماعمره ارتفع جذي كله نازل او مرتفع شي بسيط
الدكتوره عصبت وقالت لي انتي شاربه حلبه قلت لها اي باليوم ثلاث مرات عصبت قالت الحلبه تشربها المرضعه ترفع الحليب عندها مو زين لج انتي تعانين من الهرمون والحمدلله نزل ليش ترفعينه ولمن قلت لزوجي عصب وقال خلاص اتركي الاعشاب والخرابيط وخلينا
على الدكتوره اضمن المهم وقعدت اربع شهور شهرين خذيت منشطات وشهرين تركت كل شي ماعالجت ولاخذيت اي شي. وماحملت وامس اسولف مع امي قالتىلي امي لا خلصتي مع زوجج تحسين السائل
كله نزل قلت لها اي والله كله ينزل. ختى لو انام غلى ظهري ساعه كامله مجرد ما اعدل قعدتي ولا اقوم الاكله ينزززل مني اتغرق واحط كلينكسات عشان ما اتوصخ امي قالت اكيد رحمج مايل عشان جذي مايدش
السائل قلت لها اي ام راضي اللي عالحت عندهاىقالت ىليذنفس الكلام ف حنتىعلي امي اني اروح لها بما ان علي علي الدوره
و رحت لها وتذكرتني وقلتىلها انا دافعه ميه وماجيتج بعدها تحسبين لي هالشهر ثاني شهر واعطيج خمسين دينار والله بنات قاعده اتناقش معاهاىعادي. كان تقب بوجهي وتقول ترى المعالجات واجد والاطبا واجد تعطيني مية دينار لاني بحسبهاىاول شهر ولا عطيمي خمسه حساب جيتج هذي لي ويالله مع السلامه وماتشوفين شر اما انحرجت قلت هذي طرده ولاشنو والله غصتني العبره قلت صرت انذل للناس عشان الحمل يالله صبرك و رزقك قلت لها لا خلاص ام راضي مرخيني الحين ولا طلعت دقيت على زوجي الحين يسحب ميه واعطيج بس حرام اعميه مرتين اخليه يسحب ويجيني الحين كان تعصب و تقول لا حبيبتي انا ما اعالج لين اشوف الفلوس بيدي ولا ترا المعالجات واجد قلت لها خلاص مشكوره واطلع و اخذ من زوجي خمسه واعطيهاا اول ما ركبت السياره بجيت بجيت يااارب ترزقنا من غير منة الناس. وحبيت انصحكم عنها ترا حيل حيل ماديه والله يسامحها على هالمعامله والطرده الغير مباشره
اللي ابيه منكم الحين شرايكم بالممرخات تحسون نصب ويبون فلوس ولا العلاج عندهم افضل وو بغيت. تعطوني ارقام معالجات غيرها بنات ىتكفون لان رحمي مايل والاطبا مايفهمون بهالشغلات ومشكورين مقدما
ام راضي هذي مااعرفهاا
روحي لام فيصل بجابر العلي
تمرخ
حيل طيبه و التمريخ عندها 3 دنانير حق ثلاث ايام
و علاج الحمل خمسين دينار بس يكفيج شهرين
انا قبل حملت عندها بس اجهضته
و الحين راجعت عند عياده لان دورتي متلخبطه و لازم اعدلها و اخذ منشطات
و ان ما فاد بردلها
و باجر عندي اشعة الصبغه عالانابيب
ادعيلي تكون سهالات و سليمه
الله يرزقنا و نرتاح يارب
يستغلون حاجة الانسان وبعد تنافخ علشان الفلوس المهم تعالجج وتحملين عقب تبشر بالي تبيه
اما تقولج عطيني الفلوس اول وتجعم فيج يمااا حرتني
وانا اول مره اسمع فيها ام راضي هذي
شوفي انا رحت حريم ودكاتره شكثر من ٦ سنين
ماشفت افضل من ام فيصل الي بجابر العلي
والدكتور ناهض حماديه بالمواساه
والله يعوض على قلبج ويرزقج عن قريب
حبي راشد: مشكوره ياقلبي عالنصيحه الله يجزاج خير الدكتور ناهض حماديه عنده زحمه؟ اخاف. نظام انطر بالساعات على ما يجي دوري 
قمر. الكويت: اي والله تنافخ علي وانا بعطيها ماقلت لها بس كنت بفهمها اني دافه ميه وابيها تحسب لي هالشهر ثاني شهر ويصير حسابها خمسين رفضت تبي ميه ثانيه بعد ةانا لو مكامتني بأسلوب حلو وافقت بس حسيتها تطردني بشكل غير مباشر،، وكلكم تمدحون ناهض حماديه عفيه اهم شي زحمه عمده حيل يعني امطر دوري بالساعات ولالا وانتي حملتي بعد الله على ايده؟
واي الحمدلله بفضل الله ثم دكتور ناهض حملت
واي زحمه عنده الله المستعان
واي الحمدلله بفضل الله ثم دكتور ناهض حملت
واي زحمه عنده الله المستعان
احتسبيها لله
فتحي صفحه يديده وابدي من يديد مع الدعاء والله سبحانه مايوقف يرفع مكانتج او يدفع عنج بلاء او يرفع لج درجه ليمن يمل الانسان
ربي يرزقج بالذريه قريب امين
23840860
هذا رقم ام فيصل وادعيلي
وخلكم من علاج الحريم لان كل كلامهم نفس بعض
كل البنات يعطونهم نفس التشخيص هالحريم
يا الرحم مايل او عندج تابعه…
تر الطب تطور راجعي ناهض مثل مانصحوج البنات
واذا ماعندج امكانيه روحي الصباح
وهذه لا تزعلين نفسج اللي نفسها كفايه انج ذكرتي
هالموقف عشان غيرج يستفيد