|
|
سلام عليكم
شلونكم بنات
ابي اخذ رايكم الي عندها خبره
انا بشهر التاسع الله يتمم علي ويسهل على الولاده , خالتي وامي يقولولي امشي ع البحر عشان اولد
ودكتورتي قالت ماله داعي اتسوون جذي الياهل اذا اكتمل 100% اهو بنفسه بيطلع
وانا محتاره بين راي امي وخالتي والدكتوره , وابرايكم تنصحوني امشي ع البحر ولا ما امشي؟؟؟
امشييييييي 
تسهل الولادة باذن الله
والله يسهلها عليج
تسهل الولادة باذن الله
والله يسهلها عليج
أكيد الياهل بيطلع سواء مشيتي ولا لأ بس المشي يسهل الولادة ورمل البحر إذا مشيتي عليه يقوي عضلات الريول
والله المشي معروف يسهل الولادة
بس هم في بنات ولا مشوا ولاشي وعلطول يدخلون شهرهم ويولدون وفي بنات ماشالله شادين حيلهم مشي كل يوم ويشربون شغلات تحرض الطلق وبالأخير مايولدون ألا بيومهم
والله مادري بس معروف المشي يسهل الولاده
الله يرزقج الولادة الطبيعيه السهله
الله يرزقج الولادة الطبيعيه السهله
المشي معروف يسهل الولاده والله يكتبلج الي في الخير
حبيبتي امشي لان المشي يسهل الولاده ويفتح الرحم ان شاء الله
وخاصه رمل الشاطئ لأن ريلج تدخل ويالله يالله ترفعينها فتكون رياضه
تقوي العضلات او حتى المشي السريع بالممشى زين وايد
وعسى الله يهون عليج يارب
وخاصه رمل الشاطئ لأن ريلج تدخل ويالله يالله ترفعينها فتكون رياضه
تقوي العضلات او حتى المشي السريع بالممشى زين وايد
وعسى الله يهون عليج يارب
ماكو اكثر مني شاده حيلي مشي وتوني راده من الرمل وتعبب مو طبيعي والحين يومين وبخلص التاسع وماولدت يقولون بس حق عضلاتج انه تريح بس لا تسرع الولاده ولا شي والياهل بيطلع بوقته
مشكوووورين حبايبي ع هالنصايح وانشالله امشي ع البحر لان بخاطري امشي
لمن تمشين عالبحر شوي وبتقولين تعتبت خلاص حدده يتعب بس حاولي كثر ماتقدرين والله يسهل انشالله بس روحي مكان رمل غزير وناعم
المشي يسهل الولادة معرووف والله يسهل علييج ياارب
الله يسهل علينا و عليج
انابحملي الاول خلصت التاسع وعقبه باسبوع مشيت
وشربت قبله اشياء تحمي الطلق ماصار شي
بس المشي سهل الولادة ما يقربها
وشربت قبله اشياء تحمي الطلق ماصار شي
بس المشي سهل الولادة ما يقربها
اختي صح المشي يقوي العضلات ويسهل عليج انشالله
دكتورتي كانت تقول المشي مايولد
المشي يساعد انه يسهل الولاده لانه يقوي العضلات وخصوصا اذا مشيتي على تراب البحر يوسع الحوض ويساعد واذا كنتي مفتوحه يساعدج
وكل الدكاتره ينصحووون بالمشي