|
|
مرحيا يا زميلات المهنه
شلونكم 
بغيت اسال عن المجلس الطبي وياريت نفيدوني
انا بقدم على مجلس طبي حق بدايه السنه
شلون ومتى
اروح المنطقه الحين ولا انطر بدايه السنه
لاني الصراحه مو عارفه الطريقه؟؟؟؟ 
واتمنى انكم تساعدوني باقرب وقت
هو وراء مستشفي الصباح
رفيجتي العام طلبت مجلس طبي عن طريق سكرتارية المدرسة يعطونج ورقة طلب التحويل للمجلس الطبي توقع عليها الناظرة وتودينها عقب للمنطقة عشان يوافقون على التحويل وهناك هم يحولونج وتاخذين الموعد من مستشفى الصباح .. ونتيجة المجلس اخذي منها نسخة ووديها بايدج للمدرسة لان المناطق بريدهم يوصل بعد سنة يمدي معاشج ينخصم ويتنتف بعذر ان الورقة ما وصلت…
وبالتوفيق انشالله
|
المشاركة الأصلية كتبت بواسطة lollipop
 السلام عليكم
رفيجتي العام طلبت مجلس طبي عن طريق سكرتارية المدرسة يعطونج ورقة طلب التحويل للمجلس الطبي توقع عليها الناظرة وتودينها عقب للمنطقة عشان يوافقون على التحويل وهناك هم يحولونج وتاخذين الموعد من مستشفى الصباح .. ونتيجة المجلس اخذي منها نسخة ووديها بايدج للمدرسة لان المناطق بريدهم يوصل بعد سنة يمدي معاشج ينخصم ويتنتف بعذر ان الورقة ما وصلت… وبالتوفيق انشالله |
مشكووره حبيبتي على ردج
انزين بس انا ابي اسويه قبل الدوام شلوون
مابي ادوام لان حالتي تحتاج مجلس طبي
وتدرين دوامنا راح يكون برمضان ويبدا الكراف
ومالج شر انشالله
واي استفسار انا حاضر
لاني سكرتيرة مدرسة
|
المشاركة الأصلية كتبت بواسطة toyo
تقدرين حبيبتي اتقدمين عن طريق المنطقة التعليمية الي انتي تابعة لها تاخذين معاج التقارير الطبية التي تفيد حالتج الصحية
ومالج شر انشالله واي استفسار انا حاضر لاني سكرتيرة مدرسة |
مشكووره حبيبتي على مرورج
انزين شرايج اروح المنطقه من الحين
علشان الاجرائات تخلص امبجر؟؟؟
ولا تو الناس؟
يعني خليها منتصف الشهر القادم افضل
|
المشاركة الأصلية كتبت بواسطة روج كرزي
تكفين قولي شصار معاج لأني طلبته قبل فترة بعدين ماكملت الأجراءات.
|
انشالله حبيبتي ولا يهمج
بس اقدم الطلب واشوف شيصير
واقولج
وانشالله يوافقون عليه بسرعه
1- مراقب التعليم الابتدائي او المتوسط او الثانوي حسب مرحلتج
2- مدير المنطقه
3 المدير العام
4- تودينها قسم الاجازات و الدوام
عقب جم يوم تراجعين الاجازات والدوام تاخذين منهم كتاب التحويل للمجلس الطبي او تنتظرين يودونها مدرستج
عقب ما تستلمين الكتاب راح تروحين المجلس الطبي في منطقة الصباح و تسلمينهم الكتاب راح يعطونج موعد تقريبا عقب شهر من اليوم اللي تروحين له
طبعا في هالفترة راح تاخذين مرضيات لما اييج الموعد
اذا كنتي تبين تعتمدين مرضياتج لازم تكتبين بالكتاب طلب اجازة و اعتماد مرضيات لان راح يسون لج لجنتين
قيمة اللجنه دينارين
وتراها حدها سهاله بس الاجراءات و النطره تعل القلب شوي
و موفقة حبيبتي