اللي يشتغلون بالتأمينات

سلام عليكم
ولا عليكم أمر بغيت أسال شلون شغل التأمينات؟
معاشهم؟ طبيعة شغلهم؟ كراف ولا لا؟
أنا جامعية جم تقريبا يصير معاشي
وجزاكم الله خير
واللي تجاوبني الله يرزقها الجنة

وعليكم السلام و الرحمه

التأمينات مكان راقي و حلو

للجامعيات على حسب التخصص و حاجتهم يا ادارات و دوامهم من 7:30 لما 2
او على الكاونتر و دوامهم من 7:30 لما ال 1

بالنسبة حق معاشالجامعيات فوق ال 800

ان شا لله اكون فدتج حبيبتي

dan ما تدرين شلون دوام الإدارة القانونية و، وشنو مميزاتهم ، وجم رواتبهم

dan اني انتظر

لا والله حبيبتي ما عندي فكرة بس اهم يعطونهم دورة بالبداية

و اكيد لهم كادر قانونين

حبوبه بعطيج اسم وحده نكها zyona اهي خريجة حقوق و سوت مقابلة القانونين بالتأمينات عشان تدخل الدورة

راسليها على الخاص و ان شالله تفيدج

احنا كنا مسوين موضوع عن التأمينات و اهي كانت مشاركة معانا

عاد أنا مدرسة!!
انشالله الله يكتبلي و انتقل و افتك من التدريس!!!

ممم والله ما ودي اضيق خلقج حبيبتي بس اهم ياخون حديثين تخرج على الغالب

استفسري احسن عشان تطمنين

dan

بلشووو دورت القانونين ؟؟؟؟ ولابعد ومتى تبلشت دورتهم ؟؟

مشكووووووووووووورة حبيبتي ما قصرتي
عسى الله ينولج كل إلي ببالج
قولي آآآآآآآآآآآآآمين

بنات شلونكم ؟؟ انا توني متخرجة من جامعة الكويت وتخصصي عام نفس شهر 8 تخرجت والحين طلع قبولي بالتربية وأنا مابي التربية فأبي أقدم في التأمينات شلون أنطر الإعلان في الجرايد ؟؟ ولازم واسطة ولا عادي وأنا نسبتي حيل عالية فيعني بسرعة يقبلوني ؟؟ بلييييييز بنات أبي ردكم .. ساعدوني .

التامينات تنزل اعلان الوظائف و الدورات بالجرايد

و اهم نزلو اعلان حق القانونين اول يسوون لهم دورة بعدين يقبلونهم بالوظيفة

بس هالكلام كان شهر 12/2008

ونطروا الاعلان الياي بالجرايد

والله يوفقكم

والادارة القانونية دوامهم 7.30 لي 2 وطبيعة عملهم البحث القانوني و هالسوالف