اللي يبون يعرفون عن عملية تكبير الصدر اقروا عمليتي

السلام عليكم قبل لا أسوي عملية تكبير الصدر حبيت أسوي بحث عن الموضوع طبعا ما لقيت في المواقع الكويتية مواضيع كافية فشفت المواقع الاجنبية و لقيت أجوبة حق وايد أسئلة مثل google and you tube بس بغيت القى مواضيع من بنات كويتيات مسوينها فالكويت و ما لقيت هني الا موضوع الأخت ايكارو اللي عنوانها اتحدى كيم و بس

…. فقلت أحط لكم تجربتي عشان ما تتكرر مشكلتي أني ما القى إيجابات لأسألتي و لا أعرف وين أروح وحق منو أروح
طبعا بلشت بالاستشارات رحت حق 3 دكاترة د. عبد الناصر خلاف, د. صابرين الزامل و د. عادل قطينة

كملي اختي معاج شنو صار معاج بالظبط وشسم الدكتور الي سوالج وهل حسيتي بألم وجم الميزانيه يعني جم كلفتج العمليه؟وهل تنصحين فيها ولالا

ايي صح كلامها جم كلفتج واشلوون في الم ولالا ؟

عند اي دكتور

انا متابعة معك

اوكي اكمل لكم رحت حق د. عبد الناصر خلاف استشارة و فتح ملف ب 25 دينار قابلت الدكتور فحص صدري و قالي بحيطلي مقاس 340س س لكن بصراحة ما عطاني الوقت الأأسئلة يعني بسرعة بسرعة بيخلص من الاستشارة يعني يادوب قعدت عنده 10 دقايق الى ربع ساعة مارتحت له حيل بس صديقتي مسوية عنده شفط و تمدح شغله بالشفط المهم قالي سعر العملية شغل ايده 1000 دينار و سعر المادة 300 و شيء و الستيان الطبي 75 و المستشفى 500 و شيء المهم كلع على بعضه 1900 دينار قلت خل اروح استشاري ثاني

رحت حق صابرين الزامل نصحتني فيها صديقتي الثانية تقول زينه المهم رحت و نفس الشيء فتح ملف وا ستشارة ب 20 و دخلت الدكتورة حيل حبوبة و نفسيتها حلوة و قعدت معاي ساعة الا ربع تشرحلي و تجاوب على أسئلتي وايد ارتحت لها و قالت لي بتحطلي مقاس 290 س س انا قلت لا ويد صغير بس قالت مو مشكلة تعالي على يوم لبسي سبورت برا و جربي السيليكون داخل السبورت برا عشان تشوفين شنو تبين بالظبط و حسيتها مريحة بس قالت لي بتحطلي السيليكون فوق العضلة لكن انا كنت ابي تحت العضلة لانه تحت العضلة افضل من عدة نواحي اول شيء من ناحية تكوين الكبسول حول المادة المزروعة و الكبسول هذا ساعات يسبب تشوه للصدر فتحت العضلة افضل زائد تحت العضلة شكله طبيعي اكثر زائد ان في المستقبل ما يترهل الصدر بسرعة مثل اللي فوق العضلة فهالشيء خلاني افكر ليش بتحطها فوق العضلة بس مثل ما قلت لكم ارتحت لها و قالت شغل ايدها 1000-1200 و المشد ب 10 دينار و المستشفى على حسب اهي تسويها بالهادي سعرهم 300 و شيء و بالسلام او المواساة ماذكر ب 500 و المادة هم ب 300 المهم التوتل من 1500-1700 عند دكتورة صابرين الزامل و كنت خلاص عزمت اسويها عندها و حطيت موعد العملية

اب اب ناطرينج حبوبه

حبيبتي لازم قصتج تكون كامله مو اجزاء

يعني كتبي قصتج كامله جذي نستفيد اكثرر

يلالالالا كملي نبي انعرف التفاصيل شنو صار معاااج وشسويتي

ناطرينج

كملي

حبيبتي أحلى سماء كل وحدة واسلوبها في عرض موضوعها انا اسلوبي جذي و حابة اني اشوقكم

المهم يا بنات اكمل لكم الموضوع قررت أسوي العملية عند د.صابرين الزامل بس قلت لكم سالفة فوق العضلة خلتني اتردد المهم قلت هذا صدري و بدفع عليه مبلغ و بيتم معاي فترة طويلة يستاهل استشارات اكثر فخذيت موعد عند دكتور عادل قطينة اكيد امدوحو لي و الكل يعرفه و سبحانه الله اصلا كنت ماخذة عنده موعد و كنسلته و نفس يوم الموعد دقيت قلت لهم خلاص مابي اكنسل بيي الموعد رحت و هم فتح ملف و استشارة 25 د.ك قعدت مع الدكتور و شرحلي عن العملية و مكان الشق و وضع السيلكون تحت او فوق العضلة و شنو ممكن تكون مضاعفاتها المهم بالنسبة لشق الجرح في 4 أماكن يا من الاباط و هالشيء مو وايد زين لانه هالمنطقة فيها غدد يا من السره بالمنظار لكن هم هالطريقة مو عملية و غير دقيقة او شق في الدائرة حول الحلمة او شق تحت دائرة الحلمة في ثنية الصدر و اذا كانت الحلمة صغيرة مايصير من دائرة الحلمة فالخيار الانسب لي كان تحت في ثنية الصدر و طبعا قالي راح يسويها تحت العضلة لانها افضل انا هني ارتحت حسيته فاهم و بالنسبة للمقاس جربت السيلكون و نصيحة اذا رحتوا استشارة لبسوا سبورت برا عشان راح يخيلكم اجربون المقاسات, المقاسات يعني السيلكون الصجي اللي بينحط داخل صدرج اجربينه فكونوا مستعدين ما تحتاجون زيارة ثانية مرة وحدة, المهم جربت المقاسات و اخترت 350 س س لكن الدكتور قالي حطي 375 س س احسن قلت لالالا كبير قال لا داخل الصدر يطلع مثل ما تبين انا كان مقاسي small b فاذا حطيت 375 س س يصير full c و هذه المقاس الي انا ابيه مو كبير حيل و لا صغير حيل مرتب, وجاوب على كل أسئلتي و عطاني وقت كافي للاستشارة و طبعا مو اهو اللي يقول سعر العملية لا عنده ممرضه اهيا تقعد معاج و تقولج عن السعر و تحطلج موعد العملية شغل ايد الدكتور 1500-1400 الستيان الطبي 35 دينار الفحوصات (فحص الدم) 25 دينار بس تقدرون تسوونه اي مستشفى حكومي ابلاش و يطلع عقب يوم, يسوي العملية في مستشفى المواساة و سعر المستشفى 400-600 دينار يعني التوتال تقريبا 2000 و خردة و انا اخترت دكتور عادل لانه معروف و سمعته زينه و ماحبيت اغامر بدكتورة مو وايد معروفة و محد يعرف شغلها الا ناس معدودين على الاصابع و دكتور عبد الناصر مارتحت له وايد مثل ما قلت لكم, المهم حطيت موعد للعملية عند الدكتور عادل قطينة و رحت سويت التحليل و قعدت اعد الايام لين يا وقت عمليتي, و احب اقولكم معلومة مهمة ترى مو شرط تشترون الستيان او المشد الطبي انا حسيت ما يسوى ب 35 و بلبسه شهر و بقطه و شكله اييب المرض كلش مو حلو فاسشرت الممرضة قالت عادي اي ستيان سبورت برا ضاغط او ستيان حمالته عريضة من غير حدايد يفي بالغرض شريتلي واحد عادي بدينارين و سبورت برا ب 6 دنانير يا بلاش

بالنسبة لمدة العملية مدتها ساعتين و طبعا قالي الدكتور السيلكون تحت العضلة فترة و عملية الشفا اطول و اصعب من فوق العضلة لكن نتايجه في المستقبل افضل

الحمدلله على سلامتج

الحمدالله على سلامتج بس بقيت اقولج جم سوالج العمليه التوتل وسولج شد ولا بس سلكون وشلون الالم وما قصلاتي

احححححححححححح
اي شي يتعلق بالصدر اخاف منه
يعن العمليه مافي اثار جانبيه؟؟
اسمالله علينا وعليكم ما ايسوي الخبيث
انه الصراحه ودي اسوي
صدري
وفخوذي

اخخخخخخخخخخخ
جانزين انام واقعد واشوف نفسي مليكان

<<<<< قوييييييييييييييييييييييه