اللي تعرف احد فيه مرض الصرع او التشنجات او كان فيها وتعافت يريت تدخل

السلام عليكم

اتمنى من اي واحده تعرف احد قريب عليها اسمالله عليكم فيه مرض الصرع او التشنجات تفيدني بنوع العلاج؟ وكل شي

لانه ولد عمي عمره تقريبا 17 سنة وفجاة ظهرت عليه الاعراض وودوه حق دكتور سهيل الشمري وقال انه هذي اعراض صرع بس نوع خفيف او تشنجات وعطاهم علاج حبوب مره باليوم

يقولون دائما اسال مجرب ولا تسال طبيب … وبما انه المرض ماله اسباب والعلاج بيدالله وحده

فيريت الافادة ؟؟

خصوصا وانه في حريم وريايييل مشالله تزوجوا وعايشين حياتهم لكن عانوا او مازالوا يعانون من الصرع

فهل في اعراض قبل النوبة ؟ وعلاج زين ؟؟؟

يريت معلومات تفصيليةخليجية

والله يشافي كل مرضانا امين يارب

والله ماادري

انا اختي فيها وتاخذ حبوب لاتسأليني شنو ماعرف اسمهم

قبل كانت تطيح على طول ومتكرر

اما الحين خف واااااااجد ولازم ماتنسى الدوا والا تطيح علينا والحمدلله متزوجه وعندها 3 عيال الوضع طبيعي عادي
واختي اللي فيها عين ومع القرأن خفت حيل بس ماراح الصرع

خليه يرقي نفسه حيل ويدعي خصوصا احنا بشهر الخير

شوفي حبيبتي
لازم مايطالع تلفزيون وااااااايد إنام مبجر
لازم مايكون يوعان الليت العالي إأثر فيه
لازم تودونه الطبيب في دكتور وايد زين إسمه دكتور رياض بمستشفى إبن سينا إختي تعالج عنده
الحمدلله صارت إطيح 4 مرات بالسنه
قوه بنات انا فينى مرض الصرع كان خفيف وبعدين تطور وصل اطيح وايد وماقدر حتى اوقف الحين اتعالج بمستشفى الاميري عند دكتور اسمه شوكر وايد وايد زين ويعطيج الحاله والعلاج من اول زياره والحمدالله وايد خفيت حتى طيحاتى خفت وايد بس شنو الزعل موزين على بسرعه اتاثر والحمدالله امارس حياتى عادي والحين اخذ علاج اسمه حبوب لامكتل وطبعا على تدرج عطانى اياه ووايد ارتحت معاه بس ملختفت طبعا مرات تمر على نفضه خفيفه على حسب ولد عمي فيه المرض بس معاه من صغر ويتعالج بمستشفى ابن سينا عطوه علاج بس وايد تدهورت حالته كان عند دكتور اسمه رياض بالنسبه لى انا مارتحت له بس الحمدالله مشيت مع الدكتور اللى بالمستشفى الاميري على فكره هو مستشار
الرقيــه الشرعيـــــه علاجهـــا بإذن الله ..

وحده من جماعتنا كان معاها صرع وتشافت بعد الله ثم الرقيه الشرعيه ..

بس لاااااااااازم موااضبه على القراائه ..

هلا بك اختى الله يشفيه

وعليه فى اكل البندق مره يمدوحه للصرع والشحنات الكهربائية

جزاكم الله خيييير وامييين يارب

يررررررررررررررفع

الله يشفيه ويشفي جميع مرضى المسلمين
الله يشفيه ويشفي جميع مرضى المسلمين وعليه بالرقيــه الشرعيـــــه والدعاء
امييييييييييييييين يارب الله يسلمكم من كل شر يارب خليجية

رفع

ررررفع
لا حول ولا قوة الا بالله
اعرف وحدة ولدها صار فيه نوع من الصرع لما كان عمره 8 سنوات و كان من النوع اللي بس يصير له و هو نايم و كتب لها الدكتور علاج و قالها هذا النوع يصيب الاطفال و يروح مع البلوغ يعني احتمال لما يصير عمره 19 سنه احتمال يروح منه. لكن اهله مع عطوه العلاج يخافون له اثار سلبية و دعوه له و هو معاهم بالطواف حول الكعبة .. و لله الحمد تشافى خلال سنتين بس يعني حتى قبل البلوغ و بدون علاج ..
اغلب حالات الصرع تكون بسبب العين اجارنا الله منها
عليكم بالرقية و قراءة القران و ماء زمزم
انا بنتي فيها الصرع بس للأسف حالتها كل يوم تزداد سوء وتاخذ 5 أدوية ومو نافع كل يوم اشوف فيها شكل من التشنجات جديد وتعالج بالاعصاب عند دكتورة أسماء وبنتي عمرها 5 سنوات بس الواحد يقول الحمدلله على كل حال
دامج عندسهيل الشمري

لا تسالين غيره

وهالنوع اللي ييي حق ولدج باذن الله يروح لانه ياي على كبر

ولا تغيرين الدوا الا باستشارة الدكتور سهيل

لانه الصرع انواع ولكل نوع دوا خاص فيه

والصرع يعتمد وااايد عالحالة النفسية

يعني يوم الي يكون الشخص متضايق تصير له نوبة صرع

اسال الله العظيم ان يشافي مرضانا ومرضاكم …الهي امين

الة يشفية ويخلية لاهلة
اناخالتي نفسة ومتزوجة وحياتها عادية
بس تاخذحبوب مدى الحياة من وهي بسن 14 فجاة طاحت علينا
وتعرف اذا بتجيها النوبة تحس برجفة وتحس بظلام فديت قلبها اللة يشفيها ويشفي كل مريض
اللهم آآآآآمييييييييين

فكرتين عن“اللي تعرف احد فيه مرض الصرع او التشنجات او كان فيها وتعافت يريت تدخل”

  1. سلام عليكم اخواني خواتي انا فيني صرع من 8 سنين وكنت اطيح والحمدالله اخذ علاجي وما اطيح ولا شي والصرع ترا انواع واشكال فا لا تخافون والي يبي شي اي معلومه ما راح اقصر معاكم انشاءالله راسلوني على ايميلي او واتساب mahditaher94@gmail.com
    0096556666400

  2. jaseem53@yahoo.com
    انا مريض صرع من عمري تسع سنوات و الحين عمري ٣٦ و الحمدالله سويت عمليه و قمت منها بالسلامه بفضل الله و اي واحد يبي يعرف معلومه يكلمني على الايميل و ان شاء الله افيدكم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top