الليزر لشعر الجسم – أفيدوني

هلا اختي انا بفيدج انا كنت استخدم علاج كرتزون وسببلي زياده شعر بالوجه بس مو كل وجهي وكان بعض الشعر سميك حيل رحت للدكتوره وقالتي المتين بيروح بسرعه مع الليزر لاكن الخفيف شوي وانا صراحه حسيت بالم قوي بس الحين فيه الليزر الضوئي سريع ومايالم وبالنسبه للمنطق الحميميه لا مما يضر ابد انا بنفسي سمعت الدكتور وفيه بنات هنيه بالمنتدى مجربين هالشي وبالنسبه لاحسن عياده البنات يفدونج لاني مو من الكويت واتمنى من الله يسهل امرج

نسيت اقولج بالنسبه لعدد الجلسات على حسب الحاله والدكتوره نفسها تقررر

شوفي انا من زمان اقرى الشعر القوي يروح اسرع
بس زنود الشعر وايد خفيف بس راح بسرعه واسرع من اي مكان ثاني!!! ف قمت ما اصدق هالشي
بس جم جلسه وايد يختلف من وحده لي الثانيه وهم من مكان لي مكان بالجسم
انا اسوي عند الحساوي كلينك بس اللي مو عاجبني انه لازم تنطرين اسبوعين علما يطيح الشعر وما يطيح كله بالنسبة لي ماعدا الابط و شعر الزند يطيح كله
الالم على حسب الجرعه اذا كانت قويه يعور بس اهيا تخفف الجرعه ليما تناسب تحملي

سووي احسنلج واذا خايفه جربي قبل
بالنسبة للمنطقه الحساسه انا اخاف من الناحيه الشرعيه بس طبيا ماعتقد ثبت او حتى في بحوث لمخاطر الليزر
يانا سالت مرة دكتوري قالت عن الليزر بشكل عام قالت ماكو دراسات اثبتت اضرار بس يمكن لانه الليزر توه يديد يعني نحتاج فتره طويله علما نحكم عليه
وماعتقد له علاقه او يسبب عقم يعني اه مفروض بس يأثر على الجلد
الاشباء الكيماويه او الاشعاعات مكن تسبب عقب

اذا قصدج ipl انا جربته هوا مو ليزر بس نفس وظيفته يطيح الشعر
بس جربته على ايدي لانه اول جلسه ليزر ما طاحت لي ولا شعره ! اول شي حطتلي طبقه شفافه جنها جلي وعقب تحط الجهاز فوقها
جربت جلستين بس عقب كملت ليزر لانه الليزر تقدر تزيد الجرعه اكثر

شنو فرق ال ipl عن الليزر؟
انا سويت ليزر فادني بس حق الشعر القوي الخفيف ما يروح

بنات ترى في عيادات يعلمونج اتسوين ليزر حق نفسج للمنطقه الحميميه يعني
عشان لا احد يشوفج ولا تخافين انحرام او تستحين وانا ودي اجرب صراحه خصوصا اني على ويه زواج بس متخوفه اذا يضرني ويسبب عقم اوشي لاسمح الله