|
|
السلاااااااااااااااااااااااام على الجميع..
وينكم يامدرسات……. وينكم يا امهات…. وينكم يازوجات…. وينكم ياربات البيوت
قرار اطالة الدوام الرسمي وعدم السماح لنا بالاستقاله الا بعد عشر سنين يبيله وقفة جااااادة امام هالوزارة الظالمه..
منو اللي يداوم يوميا من سبع ونص ليما وحده ونص بذمة وضمير؟؟
مو احنا يالمدرسات؟؟
وباقي موظفين الوزارات نايمين في العسل؟؟
منو اللي ياخذ شغله للبيت يوميا من تحضير الدروس وكتابة الامتحانات وتصحيح الامتحانات ورصد الدرجات؟؟
مو احنا يالمدرسات؟؟
منو اللي فوق وقفتها في حصتها تدرس ..توقف في الطابور يوميا تجيك على لبس الطالبات ولاحضور المعلمات.. وتوقف في المقصف تبيع.. وفي يوم الاشراف تصير مثل العسكري رايحه راده تحرس البنات والممتلكات.. وفي يوم المناوبة تقعد ليما تروح اخر بنت الساعه 2 ولا ثلاث؟؟
مو احنا يالمدرسات؟؟
منو اللي يدش عليها سنويا ثلاث اشخاص ولا اربعه من مدرسة اولي وموجه وناظرة ووكيلة يقيمها من طقق للسلام عليكم؟؟ مو احنا يالمدرسات.. لا وفوق هذا لازم شغلنا فيه عيب على كثر ماتعبنا فيه!!!
مو على كيفها وزيرتنا الموقرة تمشينا على كيفها.. احنا امهات ورانا عيال نجابلهم.. احنا زوجات ورانا ازواج نهتم فيهم.. احنا روح ضعيفة تبي ترتاح من بعد اسبوع شقا وتعب ونفسية وظلم وحزازيات ..
باجر اذا صار الدوام ليما ثنتين وثلث متى نرد البيت؟ الساعه ثلاث؟ متى نتغدى؟ الساعه اربع؟ متى ننام؟؟ متى ندرس عيالنا؟؟ متى نصحح امتحانات الطالبات؟؟ متى ومتى ومتى؟؟؟؟
ليش ساكتين؟؟ ليش راضيين بالمر؟؟
عشان المعاش؟؟ الوزارات الثانية تعدتنا بالمعاشات..
عشان الامتيازات؟؟ عووع مانبي ..
خايفين لا ينقطع المعاش؟؟ وليش ينقطع؟؟ انتي كويتية وموعلى كيفهم يمسون دينار من معاشج..
كلنا علينا قروض والتزامات مالها اول ولاتالي.. بس هذا مومعناته ارضى بالقليل .. ارضى بالمر.. ارضى بنفسيتي تتعب واحط حيلي بعيالي وابو العيال معطيته طااف..
لأ يامدرسات.. احنا يبيلنا نوقف مع بعض ضد القرارات التعسفية..
احنا كويتيات ياما وياما كسرنا راس عدوينا بطريقتنا الخاصه..
شنو فيها اذا اعتصمنا جدام جمعية المعلمين ولا مجلس الامة نطالب بحقوقنا..
شنو فيها اذا وصلنا صوتنا للاعلام والصحافة ..
هذا ابسط حقوقنا… مانبي زيادة في المعاش.. المعاش عمرة ماعاااش
نبي راحتنا .. نبي راحتنا..
ها يابنات يامدرسات وينكم؟؟ معاااي ؟؟