السستر اللي تقز ابر التخسيس بالبيت

حبيباتي فيه اخت قبل فترة قالت ان في وحه تييهم البيت تقز ابر التخسيس يمكن الميزوثيرابي و رخيصه ممكن تخبروني عنها

لا تسوين شئ بالبيت احسن شئ عند دكتور وتخصص تجميل بعد

مثل مااقالت كرسبي لا تبدعين فبيتكم ؟ رووحي دكتوور متخصص بعد مو حيالله

من صجج انتي ما تخافين يضحكون عليج ولا تعقيم ولاشي الا هالشي يبيله دكتور مختص

صج تخرع الي تجي للبيت
ماتدرين شنو فيها هالابر
ديري بالج

يااختي العزيزه ديربالج من الابر ممكن تنقل لج امراض انتي في غنى عنها احسن لج روحي حق اي عياده ترتاحين لها وكسبي عمرجترى الفلوس ولا حسارة العمر

ديري بالج حبيبتي

لاتدورين الرخيص دوري الزين والمعقم

اي والله ديري باللج ما شفتي اللي تفخت ويها وشنو صار فيها الفنانه سينا الفارس
اللي حطوها مع خالد العبدالجليل بتوا الليل

ديري باللج لا تدوين الرخيص

ماعندي فكره حبيبتي وتأكدي منها بالاول

على سالفة ابر التخسيس
انا والله شاهد على كلامي سويت تفخ خدود عند صالونه بالسالميه وحده اوكرانيه جتني بالبيت وانتفخ وجهي وقالتلي العوار يخف باسبوع مع اكل المضاد
المهم كل يوم يزيد وجهي وباقي على طلعتي من الاربعين 12 يوم
ولما شفت نفسي مو قادره اتحمل الوجع اللي جاني لدرجة النوم ما اذوقه وادق عليها تقول بيخف بس اصبري
رحت لاخصائي تجميل بالهادي اسمه الشافعي ولما شاف وجهي قال الحين لازم نسحبلج الماده قبل يلتهب
ويووووووووه يووووووووه بغيت اموووووووووت من السحب والله كرهت نفسي
وقالي لو ناطره شوي جان جتج غرغرينا بس زين لحقت على نفسي وقالي النفخ انسيه نهائيا ولا تدخل اي ابره بوجهج لان علطول راح يلتهب وجهج
وعطاني كريمات لان طلعتلي بقع سوده بوجهي والله لا يوريكم احاول ارقع نفسي بالمكياج بس عشان ما يشوف زوجي البقع
والحين بس ادور كريمات او امبولات لنفخ الوجه بس للاسف ما حصلت شي
وللاسف قعدت سنه وانا اعالج نفسي لين خفت البقع مع ان والله كانت بشرتي صافيه بس حسبي الله عليها
فنصيحه لوجه الله لا تفكرين بالرخص وبالطرق الاسهل لأ مالج الا عياده انظف واضمن لج ومو اي دكتور دويلج دكتور شاطر

الي تجي للبيت
ماتدرين شنو فيها هالابر