الزواج من كويتي !

عادات وتقاليد الكويت تختلف عنا يالسعودييين ؟؟؟؟؟
بالعكس عاداتنا وحده وديننا واحد ودمنا واحد وحتى بعض الكلمات الشعبيه جدا نقولها ويقولونها وعادات الخليج وحده وعيال الخليج عيالنا وبناتهم بناتنا الله لايغير علينا يارب

انا كويتيه بس عندنا اهل سعودين وشكثر عندنا ماخذين سعوديات والعادات وحده ماكو شي يفرق شي بسيط يمكن
واقولج شي السعوديه اللي خذت كويتي من اللي اعرفهم ومن الجماعه تحسنت احوالها تغيرت للاحسن
ما ابالغ بس شفت بعيني نماذج
والشاطره اللي تقدر تمسك زوجها وترا البنت اذا تزوجت تبي زوجها وراح تبني معاه اسره وبيت فاهلها شي طبيعي تتعود على بعدهم وتقدر تروح لهم بالصيف والا ايام العطل شكثرها بالكويت والاعياد

اغلب النماذج اللي حوالينا سعوديات ماخذين كويتين تلقينها عايشه عيشه احسن مليون مره من عيشتها عند اهلها ربي يهنيهم هالكلام مو حسد والله بس فعلاً شي اشوفه

شكرا للي ردو

الباقيين وينكم ؟

ايه تذكرت ممكن بس بعدها عن اهلها بس المواصلات سهله ومتوفره

انا اشوف امي دايماً كانت تبجي لمن تكلم خوالي وكانت تنطر من صيف لي صيف عشان بس تروح وتشوف خواتها وجدتي وخوالي والكل لمن تخلص العطله عند خوالي وبيوم رده الله وكيلج كل خالاتي حولها ويدتي ويبجون لمن يودعونها والحين ماشاءالله طافت سنين وايد وكبرنا وتزوجنا وعيلنا وضلت بروحها بالبيت ويا اخوي لا ونيس لا اخت لا اخو تزروهم اللهم الجيران وبعض الاهل مع انه الحياة بالكويت الحمدلله زينه وسهالات بس الاهل محد يقدر على فراقهم هالشي ولا عن ديره اللي ربا فيها اذا انتي من داخلج قادره اتحملين الغربه وانج تبعدين عن اهلج اكثر من شهور توكلي على الله

نفس الشي كلنا خليج واحد وعادات وتقاليد ودين واحد والكويت احسن بوايد أشياء وفري

فيه تجمع للسعوديات شوفيه
ومن كلامهم احس متندمين ليش تزوجوا بالكويت لانهم بعاد عن اهلهم ومايعرفون احد

الله يوفق ويرزق الجميع

انا اماراتية متزوجة من كويتي وحاليا نحن مالجين

للحين مرتاحه الحمدلله منه ومن اهله وصدقيني مافي اختلاف لان خليجين فاغلب العادات وحده

توكلي على الله اذا تحبينه الريال

وشي طبيعي راح تخافين من الغربه لكن الكل يقولي راح اتعود مع الايام والحياه مستمره