الرحم مفتوح 1سم هل هذه علامه قرب الولادة

شلونكم حوامل…. ادري عورت راسكم بسوالفي و كلكم ودكم اولد عشان ترتاحون

كانت الدكتورة معطيتني موعد طلق اصطناعي اليوم بس لما رحت قالت الرحم مبطل واحد سانتي و اجلت موعد الطلق الصناعي ليوم السبت…برايكم وخبرتكم هل هذا ال 1سم علامة قرب الولادة وشنو اسوي غير المشي عشان اييني الطلق

الله يهون عليج و يسهل ولادتج

عنق الرحم عادي يكون مفتوح 1 – 2 سم بالشهر التاسع

الأشياء اللي ممكن تسوينها :

المشي
شربي حليب و حطي فيه ماي زهر و زعفران
اكلي رطب وايد
الدارسين مفيد عند بداية الطلق فقط
( حقيقة علمية ) خلى بو الشباب يشد حيله شوي وايد
لأنه سبحان الله السائل المنوي فيه مادة prostaglandin و هي المكون الرئيسي لتحاميل الطلق الصناعي

و الله يسهل عليج

والله كنت احسبه حجي عيايز اثره حقيقه علميه مشكوووووووره على المعلومه

lailalaila ….

انا نفسج كلا طلق صناعي بس دكتورتي كانت تعطيني الطلق اذا لقت الرحم مفتوح حتى لو 1 سم

الله يهووووون عليج وتولدين بالسلامه حاولي تمشين حتى لو بالبيت واكلي ارطب وانا سامعه عن الخروع بس ماجربته .

1 سم عادي
انتي من تدشين التاسع ينفتح الرحم
بس الولاده الصجيه من الست وفوق
و4 سم تروحين الطبيب
وممكن تضلين اسبوعين عالواحد سم

كلام mrs sugar عن ابو الشباب صح 100%..وعن تجربه..ههههههههه!!!

الله يهون عليج يا الغاليه..مابشرتينا عن الوالده عساها ان شاء الله تمام..

حبيبتي مو انتي مره كتبتي امج بتسافر علاج؟؟ اشلونها الحين

شوفي الي انا اعرفه امشي على تراب البحر وكثري المشي والرطب
وعلى قولتهم ابو الشباب

والله يهون عليج يارب

حبوبة انتي بجر ولا لا انا يوم كنت بجر قعدت مده 1سم و بعد يومين يمكن فحصني الدكتور وقال 3 سم واستغربوا خواتي يوم قالي روحي وتعالي عقب 3 ايام طالما انج ماحسيت بطلق وماصار طلق ورحتلة عقب 3 ايام وبط جيس الماي وعندها يحمي الطلق … فا اذا انتي بجر عادي ترى بس اذا لا ماادري لاني انا مثلج حاليا والدكتور بيفحصني وانا ماابي انتي بشرينا عنج وخنشوف منو تولد قبل انا ولا انتي

شكرا على تفاعلكم خواتي…بالنسبه للوالدة سافرت امس و معاها اخوي العود و مرته و الله يستر ودي اولد اليوم قبل باجر عشان اروح لها بس اخوي اتصل فيني اليوم وقالي ان الدكاترة هناك طمنوا و قالوا انشاءالله بتصير زينه…و مشكورة على سؤالج بالغاليه

لا عادي تقدرين تولدين ا سانتي لانه انا 2 سانتي بس لما رديت البيت انبط الماي علي وولدوني الله يسهل عليج شربي دارسين وخلي ريلج يشد حيله معاج وامشي على تراب البحر بس خلي مشيتج طويله وفتحي ريلج ويارب يسهل عليج

انا الرحم 1 سم من السابع وظل شهرين

بس دامج بالتاسع ان شاء الله قرب الموعد

مشكورين خواتي و انشاءالله بجرب نصايحكم

هذا ثالث حمل لي وانشاءالله يسهل ولادتج انت بعد وولادة كل الحواملبس انشاءالله انا الخميس اخر موعد لي و بكون طفت شهري و الدكتورة قررت لي طلق اصطناعي السبت بس هالمرة مو بكيفيغصب عني

نطري ولا تروحين المستشفى ولا يلعبون فيج آنه بس أدش شهري أكون مفتوحه 3سم إلا آخر الشهر لايقصون علييييج الدكاتره ويقولون لج تطلعين على مسؤوليتج ترى الخاص والحكومة كلهم خرطي

سمعي كلام مجرب حاولي تتحركين بس

الله يسهل عليج انشالله اهم شي المشي وابو الشباب

انا اول حمله لي كملت شهري كله وعطتني 4 ايام فوقهم وكنت فاتحه 2سم
بس امي الله يسلمها وعافيها خلتني اتبخر من تحت بجاي ورق ومادري شنو المهم يطلع دخان عشان يفتح الرحم وايد والحمدالله ماصار الفير الا الطلق حامي علي

وبولادتي الثانيه من صار لي 20 يوم انا تبخر وشربت خروع وطول الليل عوار ورحت المستشفى الصبح ودخلوني ولاده

الله يستر من الثالثه توني داخله شهري ادعووولي