الرحم مفتوح بس ماكو طلق .

السلام عليكم
بنات انا توني داشه التاسع اليوم
وعلى حسبة الدكتوره يوم الاحد ادش التاسع
المشكله ان من اسبوعين نزلت علي نقطة دم وحده
وبعدها باسبوع بالضبظ نزلت علي بقعة دم وافراز بني ومخاط
هذا كان يوم الاحد
ومن الاحد وانا ماخليت مستشفى كلهم يقولون انتي بعدج بالثامن ماراح نولدج
عادي انا مورافضه هالشي بس خايفه
فحصوني قالوا مفتوحه صبعين ونص والراس نازل بالحوض -2 ومن الاحد لي اليوم
وانا تنزل علي افرازات بنية ومخاطية تكرمون قالتلي الدكتوره هذي سدادة الرحم نزلت ؟ انزين
هالشي طبيعي ان سدادة الرحم تنزل باسبوع ؟ انا على ولدي الاول ما صار فيني كل هذا بس انفتحت صبعين ودخلت ولاده وولدت طبيعي بالاسبوع 37
وفوق هذا كله البيبي وايد صغير وزنه كيلوين بس
بنات عفيه طمنوني متى راح اولد ؟ طبعا مافيني طلق الا شي بسيط
وشنو الاشياء اللي اخذها تحمي لي الطلوق
ترا انا شربت دارسين وشربت منقوع حلبه وشمر وكمون وحية سودا وحبة بركه
بس ابي اشياء اتحمي الطلق وتفتح الرحم بسرعه

عادي قلبي ماجتج بوادر ولاده انطري مو شرط الرحم فاتح يعني ولاده

ان جتج بوادر ولاده روحي اولدي والبوادر هي

يجيج طلق وعوار

ينزل ماي

ينزل دم

تعديتي شهرج

اما مفتوح بس عادي انا بالتاسع ومفتوح الرحم قبل اسبوع اربعه صانتي وعادي اكيد الحين اكثر ونصيحه لاتستعجلين وتربين اي شي خلاص نطرتي ثمان اشهر بقالج ايام ادعي الله السهالات والتيسير

لا تحاتين دام الدكاتره طمنوج

اصبري شوي ممكن يجيج العوار بعد اسبوع او اثنين
او بعد ايام
وترا كل حماله تختلف عن الثانيه.

ولا تشربين شي اذا بدا معاج عوار ولاده شربي كوب كف مريم
و عصير أناناس kdd بس انا خفت وشرب نص العلبه
شربي حليب حار مع شويه زنجبيل ودارسين
وعسى ربي يسهل ولادج
بس ترا كف مريم عجيب
وعليييييج بالتمر

حبيبتي المسك الله يسهل عليج يارب
اذا الدكاتره طمنوج ماكو شي خلاص تطمني واذا الرحم مفتوح عادي ترى شي طبيعي
روحي الحين مستفشى الي تابعتلج العدان او الصباح وسوي تخطيط للطلق وشوفي شنو يقولون او مايقولون
الله يسهل عليج

الله يجعل لج ساعه فرج قريب ياختي ولاتنسيني في دعائج

الله يهون عليج حياااتي

الله يسهل عليج حبوبة
مع التحية…..

عليج بالحليب وحبة سودا ان كان فيج ولاده بيسهلها

لا تشربين شي
و الله يسهل عليج يارب

مو انا فيني طلق 60 ومو منتظم ونزل مني دم وكل يوم ينزل مني افراز بني مع دم هذا اللي مخوفني

كف مريم ماجربته ان شالله بجربه وبسوي حليب بدارسين مشكوره ياقلبي

سويت تخطيط كل شي اوكي الحمدلله والله كريم مشكوره ياقلبي

الله يسلمكم مشكورين بالرد واكيد ماراح انسى حبايبي من الدعاء بس خل اولد افتك مت من التعب هالحمله وايد تعبتني لانفسه ولاصحه كل فيني هبوط كل مكان ادشه يغمى علي قاعده بالبيت ماطلع الا قليل حتى تجهيزي مو مثل البشر ومن اول شهرين فيني نزيف لين الخامس وقف وابر وحاله والله صج اكسر الخاطر لول
الله يسهل على كل وحده ردت علي سواء بدعوه او نصيحه

عسسسسسسسسسسى ربي يسهل علييييييج حبيبتي اكلي تممر واشربي كف مريم

يمدحونه حييييييل