الرحم المقلوب

مساء الخير

في مره سويت سونار و الدكتور قالي ان رحمي مقلوب !!!
خفت و لمه سألته شسوي وله يقول عادي في 30% من الحريم يكون رحمهم مقلوب وان عادي ما يأثر على شي ,
معقوله هالشي ؟؟ وشنو الحل ؟

انا اللي اعرفة وشفته باختي انها راحت عند مرة ولفته لها والله يكتب لج الخير

انا كان رحمي عادي طول حمالاتي
هالمرة قبل حمالي فحصت وقالت ان رحمي مقلوب ولازم وضعية مختلفة للمعاشرة عشان احمل

وبعدها رحت فحصت وقالت لا رحمج تعدل الحمدلله

عاد شلون مادري

انا كان رحمي مقلوب وكان مأثر على الحمال فسويت عملية تكيس وبالمرة عدلت رحمي

عادي حبيبتي لاتخافين

انا نفس الشي الرحم عندي مقلوب
والحمدلله حملت

والدكتور قالي ان نسبة كبيرة من الحريم عندهم هالشي ولا يأثر عليهم بالانجاب

لا تحاتين حبيبتي هذا شي عادي ولاتلعبين بنفسج عند ردادة وغيرها خلي كل شي على الله
بس في طريقة معينة للجماع حتى يتم الحمل اكيد دكتورتج قالتلج

انا اللي اعرفه انج لازم تروحين عند حريم لانهم افهم بهالسوالف .. بس دوريلج وحده شاطرة مو اي شي … والله يوفقج

لا تخافين حبيبتى انا رحمى مقلوب وحملت مرتين ومادرى انه فيه طريقه حق الجماع لانى حملت من اول شهر بحمالى الاول والثانى قطيت الحبوب وتاخرت اشوى ورحت حق الطبيب منيه عرفت انه مقلوب بس الحمدالله حملت من غير شى

شكرا لردودكم …
بس معقوله يرجع طبيعي من نفسه ؟ اشلون ؟

لا سبحان الله وقت الحمال يصير طبيعى وعقب الولاده يرجع ينقلب

مادري سبحان الله يمكن رحمي مو مقلوب لأن نفس الدكتورة ولدتني قبل ما قالت انه مقلوب ولما كنت بحمل المرة اللي عقبها قالت مقلوب وعقبها قالت مو مقلوب

الظاهر الحلوة تخورها مادري عنها