|
|
السلام عليكم بنات انا حامل و الحمدلله وبعد اجهاضات متكرره الكل من حمواتي و خواتي رشحولي عاليه الفضلي بمتياز و لمن بدت مراجعاتي ما ارتحت وايد مكلفه و مراجعاتي كل اسبوع و ادخل عليها لازم سونار و اضطر ادفع
الموضوع انه قالت لي استخدم حبوب البيبي اسبرين العلبه الحمرا و الديفستون و الفوليك اسيد
و ثلاث ابر ابره كل ثلاث ايام و ابره كل يومين بس الابر بروحهم ميزانيه والله
ابره كل يوم بالفخذ ودي اتعلم اخذها بنفسي المشكله ابرة العضل ما راح اقدر اخذها بنفسي
غير هذا سمعت شكثر بنات ياخذون هالابر من الصباح طيب انا مو تابعه للصباح شلوووون ؟؟؟
اللي تعامل مع الدكتوره عاليه يفيدني انا مو مرتاحه بس ابي رايكم و تجاربكم
واللي تفيدني بخصوص الابر و العلاجات اشكرها كل الشكر د
ان شاء الله البنات يفيدونج والله يسهل امورج ويوصلج لي تمامه
بس كا علاج سمعت وايد يمدحون
مهجة البدر
سميرة العوضي
خالدة المجيبل
والله يرزقج الحمل السليم يا رب
شهر ١
روعه
روحي عند محمد رشاد
او سامي
او حسام
كلهم روعه
عاليه تاخذ دبلهم على ماعتقد
وهو اصلن المستشفى اسعاره نار
بس شتسوين لاتغامرين بنفسج
خليج عندهم
والله يعوضج خير
ليش تغثين عمرج !
اللي كاتبه الله بيصير ماراح يوقف ع علاجها
راجعي بالحكومه كـ صرف ادويه وابر من باب التوفير او راجعي عند دكتورة معروفه
انا صراحه عالية مو بالعتها والله لايحوجنا عليها
اذكر اختي كانت تاخذ ابر تثبيت من عند ماجدة اليتامى بس تاخذهم معاها وتغزهم بالمستوصف
انتي قولي لهم بدفع بس سعر محلول الابرة وبغزها بحكومة ، مو حاله ع كل غزة ابره ادفع
بعدين اجهاضات متكررة ، عنق الرحم شلونه عندج طويل ولا قصير
فيج اجسام مضاده ؟؟
وليش صارفه لج ابر؟ ليش مو تحاميل؟؟
مفعول التحميله افضل من الابرة
ماقلتي لنا شنو السبب ع الاقل نعرف ليش مكثره علاجات وابر !!
وعنايتهم افضل لين اتخلصين ثلاث اشهر الاولى
يعني شوفي انتي تبع العدان وروحي راجعي ولا تبع الفروانيه او اي مكان بالضبط مو شرط الصباح