الجنين صغير الراس هل ممكن يكون طبيعي بليز فهموني لاني تعبت

بسم الله الرحمن الرحيم

شلوونكم خواتي ..

عندي مشكله بنت عمي .. حامل بالشهر السابع سوت سونار قالولها .. ان رأس الجنين صغير وماراح يعيش ..
فلازم تجين نحطلج طلق صناعي .. وراحت وسبحان الله كانت عندها ولاده .. وولدت امس وجابت ولد والحمدلله
ولدها عايش ومافيه شي ..وشكله طبيعي مافي عيوب ..قالها الدكتور ماراح يعيش وان عاش ماراح يكون طفل طبيعي
يعني بدون عقل .. بناااات الطفل لما ولدته مابجى .. واللي اعرفه انه لجنين اول مايطلع على الحياة لازم يبجي …
بنات اهو حجمه فعلاا صغير نفس اي طفل يولد بسابع وحاطينه بالشيشه …
بناات الله يجزاكم خير اللي صار معاها هالشي تقولي بكل صراحه .. هل فعلا كلام الدكاتره طلع صح ولا في امل يكون طبيعي ؟؟؟

والله مادري

الله يشافيه و يعافيه ان شالله

الله يشافيه يارب ويصبر امه

الله يجزااااااااااااكم خييييييير واميييييييين ياااااااااااارب …

الله يشافيه حاولوااا تشوفون دكتور ثاني تجيبونه على حسابكم يشوف الولد وان شاء الله مافيه الا العافيه

حبيبتي وااااايد في يهال اول ما يطلعون لما يبجون
عاد السستر تحطلها مثل سيخ بحلجه مادري بخشمه ويبجي ..

يمكن الدكتور ما سواله جذي …

ولا اتعب نفسها خل كل يوم يكون عايش فيه تحمد ربها وتستغفر
وان شاءالله يكون ما فيه الا العافيه
واايد ما شاءالله ولدوا بالسابع

الله يشافيه يارب

ويخليه لأمه

انا أعرف وحدة ولدت بالخامس بنية …. و الحين ماشاء الله البنت عايشة و بالصف الخامس و متفوقة بعد ..

الحياة و الموت شغلة بيد رب العالمين ماله شغل الدكتور

اهم شي ادعوا له

استشيرو دكتور ثاني

الله يشافيه ويعافيه يارب

الله يشافيه ويعافيه يخليه لامه ياارب

ويصبر قلب اهله …

أول شي الحمدلله على سلامتها ، والله يبارك لها في مولودها

أختي كم حجم الراس ؟ عشان لازم اتقارنون حجم راس الطفل مع طفل في نفس عمره

والشي الثاني .. لازم مع الأيام بعد الأطباء يتابعون تطور حجم راسه ، هل يكبر أو يتوقف عن النمو ؟

أختي الطفل اللي يتوقف نمو راسه مع حجم المخ يصنف تحت بند صغر حجم الجمجمة والمعروف بالميكروسوفلي
وهذا الطفل نموه طبيعي في كل شي الا انه مع اهتمام الاسرة له وبتطوره نموه العقلي يمكن يصل الى مرحلة بطئ التعلم أو صعوبات التعلم

شكل الطفل اللي ينولد بصغر حجم الراس مؤلف عند الأطباء ، ومميز ،، يعني سبحان الله مثل الداون سندروم كيف اشكالهم متشابهه
نفس النوعية الميكروسوفلي لهم ميزة في الولادة ان شكل راسهم متقارب

لكن عليكم تتأكدون بعد

وهذا موقع يشرح لكم بشكل أوضح

https://www.childclinic.net/neurology/microcephaly.html

وهذه صورة مولود بصغر حجم الجمجمة ، و معظمهم لهم نفس الشكل في هالعمر

بس هالدكتور اللي قال لها طفلج ماراح يعيش وان عاش مافيه عقل ، مع احترامي للأطباء خسارة فيه كلمة كلمة دكتور
وهو اللي مافيه عقل اللي يكلم أم والد في السابع بهالطريقة ويزيدها معاناة ، شو الأطباء وين دارسين بالله
وبعدين شو مافيه عقل
بسم الله على ولدكم ان شاء الله ماعليه الا العافية ، مايشوف المعاقين ذهنيا مبدعين وقدروا يثبتون وجودهم
لو انا اشتكي عليه على هالأسلوب
خله يمر على مراكز المعاقين ويفهم شو معنى الاعاقة وذوي الاحتياجات الخاصة

والله يبعد عن مولودكم الشر ، ويقر عين ووالديه ويريح بالهم بطفل سليم ومعافي ، وعليكم بمواساتها وتخفيف همها
وان شاء الله تطلع ويا ولدها بفرحة وراحة بال

كل شي بيد رب العالمين وهالدكاتره ما عندهم شغله غير تخرع بهالاوادم

استغفر الله يا ربي .. والافضل انها تعرض ولدها على اكثر من دكتور لا تسكت

وتدعي ربها … ان شاء الله ما يضيع تعبهاااا

والله يشفيه لها يارب

الله يشفيه يارب

الله يجزاج كل خير والله كلامج حلووو ويريح وعسى ربي يوفقج ويسعدج ان شاالله .. وهي وابو الطفل يبوون ولدهم يعيش حتى لو فيه شي يقولون نبيه يعش
مستعدين نربيه احسن تربيه .. بس هم نفسيتهم تعبانه لانهم يبون طفل سليم .. والحمدلله على كل حااااااااال

وماقصرتووو يابنات الله يجززااااكم خير .. بس انا امس وحده تسولف لي تقول بنتهم صار معاها نفس الشي الدكاتره قالولها
ان بنتكم راح تعيش معاقه .. بسبب صغر حجم الراس وطلع كلامهم غلط والبنت جات متعافيه .. وانا صار عندي امل بسبب هالسالفه ..

ما فيه الا العافيه انشالله
مرات وايد الدكاتره بدون ضمير يخرعون الام و الابو بس عشان التجارب
خل تتوكل ع الله ما يخيبها