الجامعه العربيه المفتوحه

مرحبا بنات

سين سؤال عن الجامعه العربيه المفتوحه

انا ادبي يصير ادرس تخصص الحاسوب او اداره اعمال او التربيه ؟؟

والحاسب الالي درااااسته صعبه او لاا

لان قالوا حييييل صعب وانجليزي

ما احب الانجليزي ولا يحبني

اللي عندها اي معلومات عن الجامعه بليز تفيدني

والله يوفقكم ياارب

افااا ولاا رد

وينكم بناااات

اي يصير تدريس ادارة اعمال وتربية بس حاسب الي ماادري والله

الدراسه كلها بالانجليزي ماعاد التربية والتربية حاليا مصكرينه

الدراسة موصعبة ومستواها حلو وكل البنات الي اعرفهم مايعرفون يس ونو والحين مشالله عليهم تخرجوا وتوظفوا

لا احد يحبطج قدموا والله يوفقج

شوفي حبيبتي اذا بدرسين تخصص حاسب الالي ما يصير لان تخصصج ادبي لازم تكونين علمي

او طبيعه شغلج اذا كنتي موظفه على الحاسب الالي تاخذين شهاده من جدوامج بان عندج خبره بالحاسب الالي ما تقل عن سنتين

واذا انتي ما تحبين الانجليزي فالدراسه راح تكون صعبه عليج لان الدراسه بالانجليزي ونظام بريطاني يعني صعب لا تستهينين فيه

وبحالتج هذي مالج الا انج تقديم على تخصصات التربيه لانها تدرس بالعربي ويقبلونج لان تخصصج ادبي

اول شي تقدرين ادشين اي تخصص وتخلصين المواد الاختيارية والعامه بعدين تحولين حق الحاسو ب … بس لازم معدلج ماينزل عن النقطتين

واذا ماتحبين الانجلش لالالالالالازم تحبييينه وتموتين فيه بعد لووول عشان ادشين الجامعه وانتي مرتااااحه وتحبين الدراسه عشان ماتلوع جبدج بعدين … وتتحلطمين نفس البنات … فلازم تحبين الشي عشان تقدرين تكملين فيه وتنجحين …

وبعدين مكان موضوعج غلللللط عشان جذي مو رادين عليج واايد

انا احترت ناس تقول انجليزيهم صعب ناس تقول الغشيم بالانجليزي يمشي !!!

يصير الوحده تدخل تخصص تربيه وماتصير مدرسه ؟؟ ولا الا مدرسه ؟؟