الثعلبه . تجاربكم ونصايحكم الله يعافيكم

السلام عليكم…

شلونكن يالغاليااات

الله يسلمكم بنت خالتي عمرها 12 سنه شعرها قام يحت وصار فيه بقع فاضيه في فروة راسها من وره

راحت لـ بو حمره وشخصها على إنها ثعلبه أعوذ بالله وبدا معاها كورس أبر الكورتزوون

أبي تجاربكم بنات وإللي تعرفونه عن الأعشاب وعصير الثوم وعصير البصل

وشنو الأفيد مع طريقة الاستخدام

ونسألكم الدعاء

انا ولد عمي كان فييه ثعلبه وراحت الحمد الله

كلا بفضل مرره عطته دوآ وتشافى بس ما اعرف المكونات

السلام عليكم
خالتي كان فيها ثعلبه
فكانت تاخذ فص الثوم وتقطعه الى نصفين
وتفرك منطقة الثعلبه خلال 3 ايام نبت الشعر ولحين شعرها اكثف من اول ماشاء الله
وانه عطتني وصفه لتساقط الشعر وجربتها وخلال اسبوع بينت النتيجه وهي:
ثوم مع زيت زيتون وليمون قليل يخلط بالخلاط وتدلك به فروة الراس وانه ضفت عليها زيت الخروع
كل يومين لمدة ساعتين
والله يشافي كل مريض

مثل ما قالوا الثوم شي عجيييييب لنمو الشعر
والصراحة اختي كان فيها وكانت تفرك الثوم بمكان الثعلبة وماشاءالله الحين ما فيها شي

شوفي اختي انا بنتي فيها ثعلبة نصيحة لا تجربين اي علاج ثاني مفعول الابر راح يبين ان شاء الله بس يحتاج الي وقت وفي تونك ينصرف في مركز اسعد الحمد وايد زين مثل مفعول الثوم ولازم تاخذ حبوب هير فيث وايد زينة وبالليل داهن اسمه betnovate وهذا فيه كورتيزون وما تنصرف الا بوصفة طبية وان شاء الله تخف واهم شي النفسية

ما قصرتوا بنات الله يعافي كل مريض

وبارك الله فيكم

مافي أفضل من الثوم عن تجربة مع بنتي اللي عمرها سنتين

الثوم مثل ماقالوا البنات

انا صار لولدي وبصراحة ما استخدمت اي شي من العلاجات والاعشاب بس عزمت وقرات سورة البقرة كاملة في بطل ماي كبير وقلت لولدي كان عمره 3سنوات هذا ماما قران ودوا اذا شربت منه ومسحنا علي الجرح يروح بسرعة وخليته كل ما جا بيشرب يسمي ويقول يارب شافيني انت الشافي حتي تعود عليها والحمد لله وصرت كل ما بغي ماي عطيته ومسحت به علي مكان الثعلبة وكان عندي يقين بالله انه بيختفي واختفي ولله الحمد والله ما طول كان حجمها تقريبا اصغر من الخمس فلوس بشوي وبعد تقريب 10 ايام صارت المنطقة سبحان الله وردية فااااتح وطلع منبت الشعر مثل النقط الحمر سبحان الله ….تري اغلب الثعلبة عيون الناس وبعدي عن الكورتيزون …وانصحج تقرين سورة البقرة وقت السحر افضل مع الدعاء واستخدام الماي بعد صلاة الفجر مباشرة لان بهالوقت سبحان الله مستوي نشاط الكورتيزون بجسم الانسان عالي جدا جدا جدا ويكون باقل مستويات نشاطه ما قبل الساعة التاسعة صباحا وبهالحالة الجسم ما يحتاج الاستعانة بزيادة كورتيزون من برا وهذا يخربط الكورتيزون الطبيعي اللي بالجسم فيعطل ويتلف الاجهزة اللي بالجسم ….واذا عندج اسئلة انا بالخدمة بس طرشيلي عالخاص للتذكير فقط…

واااااسفة علي الاطالة

عدل كلام البنات ما لج غير الثوووووووووووووووم
م

وانا معاهم الثوم

روحي الاستشاري عبدالله المشاري وايد شاطر والله

مرت اخوى فيها مسكينه بس راحت عالجت عندموسى جبر قزها ابره وحده ماشاء الله مااحتاجت اكثر دكتور شاطر والحين طلع شعرها