التهاب بالبول

انا اعاني التهاب بالبول صارلي سنه و8 اشهر

والمشكلة ان ولا دكتور يعرف شنو فيني على كثر التحاليل الي سويتها شفتوا المصخرة

التهابي جايد تكرمون ابول دم لهذي الدرجه بس مو كل مرة بس الي دايم معاي حرقة في البول واشكثر اشرب ماي بس ماكو فايده غير الادويه والمضاد والابر المسكنه وغير منقيات البول الي ابلعها انه يأثر فيني ولا اكو فايده

سويت مزااااااارع مو مزرعه للبول ، سويت سونار علشان يشوفون الكلا ، سويت تحليل لوظائف الكبد وسويت اشعه علشان يمكن فيني حصوات وما فيني شي سويت تخطيط لقوه دفع البول والنتيجه طبيعية وسويت تحليل بول لمرض السرطان

والحمد الله ماكو شي بالله عليكم قلولي شنو بقى ما سويته هذيلي دكاترة مابقى دار الشفى طنشو فيني ما جابلوني وانا كل نص ثانية داشه الحمام تكرمون مابقى مبارك مارحت وانطر على ومواعيدهم 3 اشهر يعني مو اموت الا اتحلل ورحت عيادتي دكتورتي نسا ولاده ومسكينه مو تخصصها هذا تخصص مسالك بولية بس الي قدرة عليه سوته ورحت دار البراء مسالك وبشرني مع ابتسامه عرررريييييييييييضة ان الي فيني رح تيم جذي طول عمري ولا اكو علاج بالله عليكم شسوي فية مو مال طقعادينهم علينا دكاترة والحين الجار الله التخصصي ولا في نتيجه

بس بقالي اني اسوي منظار بفتحه البول مابي اخاف

الي عندها دكتور متخصص لها اجر ساعدوني لأني وصلت مرحله اني اسافر برد بس وين بالله اذا بالكويت مادري وين اروح الدور اروح بره

انطر ردودكم وادعولي يمكن دعاءكم يشفيني

حبيبتى نصيحة منى سوى المنظار وشوفى واذا ماكو نتيجة لازم لازم تسافرين تشوفين اشفيج وسلامتج من الشر واللة يشافيج

اختى كثرة الالتهابات بالبول ممكن تاثر على الكليه ,, خصوصا اذا صاحبتها حراره ,,

المفروض يعنى اعرفوا على الاقل السبب ,, حاولى تتجنبين الالتهابات المتكرره بحميه

من الاملاح وكثرى من شرب السوائل وابتعدى اختى عن الفلفل والملح

وما تشوفين شر اختى ,,,,,,

وفى وايد اطباء للمسالك البوليه متخصصين موجودين بالجرايد منهم خليل العوضى

والحنيان نسيت اسمه بالضبط ,,

مشكورين وماقصرتوا

انشالة ادور على الدكاترة الي قلتيهم

لا تنسوني بالدعاء

الله يعينج حبيبتي والله حاسه بمعاناتج انا مرات تحوشني اظل اسيرة البيت تكرمينكل شوي حمام

بقولح على اشيا و انشالله تفيدج

اول شي ضروري تسوين منظار هذي صحتج و شوفي علاج بره الكويت اذا ما حصلتي اهني

ابتعدي عن البهارات و الفلفل

استخدمي عسول للمنطقة الحساسه غير معطر (انا استخدم ستيل طبي موجود بالصيدليات)

كثري من شرب الماي ولا تحصرين نفسج

ملابسج الداخلية خل تكون قطنية و غسليها بماي حار و بصابون ما يسبب الحساسة

الله يكون بعونج والله كسرتي خاطري حبيبتي صج معاناة

دان مشكوره وما قصرتي وانا جربت كل انواع الغسول وخل اجرب هذا ستيل وانشالله خير

جزاك الله خير وما قصرتي

ادعولي

الله يشافيج اتوقع د العوضي موجود في مبارك بس للامانة مادري اذا زين ولا موزين اذا مالقيتي حل مالج غير انج تشوفين احد برا الديرة

هلا حبيبتي
انا هم مثلج يصير فيني شهر و اطيب شهر
بس مع المضاد و الغسول و مدر البول يطيب
و يرد يطلعلي

المهم
فمت ما اروح الطبيب من يصير فيني و احس فيه
على طول اسويلي مراميه و اشربها مثل الجاي
سويلج كوب كبير و شربيه كله
انا بصراحه كنت اتحسن من اشربه
جربي
وانشالله الله يشافيج يا رب

انت متزوجه و الا بنت ؟

حبيبتى جربى الشعير وادعيلى الله (يشفينى من الربو)
غسلى الشعير الكمية كوب وبعد الغسيل حطيه عالشولة مع مقدار كوزبين من الماى ولما يغلى خليه يبرد وبعدين صفيه وشربيه عالريق وقبل النوم والللللله يومين وما فيج شى ونا دايما الوالده تسويلى بس احس بحرقة او عوار تحت صوب بطنى واسوى تحليل يقولون التهاب
بس ادق عالوالدة وتسويلى واشرب 3 او 4 مرات والله الحمدالله مافينى شى لان من الله الشعير في ماده مطهرة وتقتل الجراثيم وعلى فكرة اذا كان بالثلاجة وبارد تشربينه جنه ماااااى مافى اى طعم

ام فهودي انا متزوجه وحتى ريلي سوى تحلييل بالحيوانات المنوية يقول هذا يبين اكثر من البول تكرمين

والنتيجه انه مافي شي يني كل النتائج انا مافيني شي ولا حتى ريلي عيل من شنو العوار انا مادري محد مكتشف من شنو

بس عاد انا احب المرامية اموت فيها انشالله اجرب

ام كوكو مشكوره والله حتى الشعير احبة بس بشوربه عجيييييب ان شالله اجرب الطريقة على العموم انشالله اليوم بروح الطبيب وهذي اخر محاوله معاي وبسوي تخطيط البول وادعولي انشالله ما يعور لأنه بربيش او مادري شنو بيحطه داخل فتحت البول ادعولي

والله مشكورين وما قصرتوا

انا بنت وعرسي ما بقى عليه شي وتوها صارت فيني السالفه هذي شفتوا القراده وأحس روحي بتطلع وانا ابول وقاللي الدكتور التهاب قلتله شنو السبب قال ممكن تكون الميه اللي بتشربيها مش نظيفه

اهنيه جان استوعب ان صارلي شهر اشرب ماي اكوافينا (عشان مقري فبه) وقلت ماكو الا هالسبب لان طول عمري اشرب من البراده اللي فيها فلاتر ماصارلي شي .

انا صارلي اكثر من 7 سنين وانا اعاني من هذي المشكله ودرت على كل اطباء الكويت حق مسالك بوليه بس طبعا ما فادوني بشي.. ورحت حق دكتور فوزي طاهر ابل وسوالي منظار وقالي شنو مشكلتي انه الجهاز البولي الي عندي وايد حساس واي فايروس يضربه يعني بسرعه وقالي انه فيني التهاب مزمن .. والحمدالله والشكر لله على نعمة الصحه والعافيه

على فكره المنظار حق هذا المكان يسونه بتخدير عام يعني ما راح تحسين بشي

د. فوزي ايل وايد شاطر
انا اعاني من المشكله بعد
الله يعينج

والله اختي مره صار فيني التهاب بالبول وتكرمين لارحت الحمام ابجي من كثر الحرقه
فاوحده نعرفها قالتلي فوحي شعير وشربي مايه وصج يهبل والله
جربي مو خسرانه شي

اييييييييييييييييييييييييييييييييييييي يييييييييه اييييييييييييييييييييييييييييييييييييييييييييييه
ذكرتيني باللي صار فيني شهر وانا حرارتي 39 و 40 الدوام سكبته ومرضيات و وجهي يلوع الجبد
وسويت تحاليل الدنيا ومنهم وانتو بكرامه تحليل التهاب البول ويقولي الدكتور مافيج شي لازم دخول انتي الظاهر فيج فايروس وانحاش واروح الخاص واوريه تحليل البول جان يقول انتي زين عايشه للحين انتي فيج التهاب حااااااااااااااااااااااااااااااااد بالبول قلت له وريت دكتور الحكومه وقالي مافيج شي يعني شوفو اطبتنا لاي درجه وصلو مايعرفون درجة الالتهاب 0000000000000000000000000
على قولت امي اطبتنا هذول صعايدة خيطان لبسوهم بوالطو وجابوهم