اشرايكم شنو الأفضل ولادة طبيعية و لا قيصرية ؟؟؟

قوووووووه

انا حامل الحين و ولادتي بشهر 10 بس انا متعقده من الولاده احس خلاص مابي اولد طبيعي لان وايد عانيت علىالولاده الاولى كانت متعسره

حبيت اعرف رايكم شنو مضار القيصريه و شنو الاحسن و الافضل و الاريح الولاده الطبيعيه و لا القيصريه

شوفي حبيبتي مافي شي احسن من شي اهم شي الدكتوره تشوف وين سلامتج انتي والبيبي اذا طبيعيه والا قيصريه الله يسهل عليج انشالله

للرفع

طبيعي احسن
انا مادري بس احس القيصري عوار
طبعا على حسب حالتج الصحيه وصحة البيبي
واله يهون عليج
و up للافاده

هل حالتج تستعدي القيصرية ؟؟ هذا الشي تحدده الدكتورة

اني جربت القيصرية رغم اني كنت خايفة منها طول مدة حملي لاني من بداية توقعت ولادتي بقيصرية
بسبب ظروف حملي ، تعب القيصرية في الخمسة الايام الاولى ، عناء في عناء هذا غير الصغير اللي لازم تديري بالج عليه

بس من بعد ما عدت الايام صرت اقول الحمد لله قيصرية مو طبيعي لاني ما اتحمل الكلام اللي اسمعه من البنات يصير فيني
أحس ان قلبي ضعيف ما يتحمل

ارجع واقول لج حالتج الصحية ووضع حملج اهما اللي يقررون مو انتي

وان شاء الله بالسلامة

الله يسهل عليج حبيبتي اناجربت الولادتين الطبيعي الم الطلق والولاده وبس يروح لمن تولدين اما القيصريه ماتحسين بالالم وقت الولاده بس العوار يستمر تقريبا من اسبوع الى اسبوعين فاذا وضعج مايحتاج قيصري انصحج بالطبيعي

انا قيصريتين وامنيتي اجرب طبيعي بس راحت علي
والله والله الطبيعي حلو لاتقولين على الاقل الجرح يبرى بسرعه مو احنا سنه يالله

الطبيعي اسمه طبيعي يعني سهالات من الله موشرط الولادة الاولى متعسرة تصير نفسها الثانية
انا اختي مايمديها دخلت وحطولها الكمام الا اهي والدة
وانا تعذب وما ولدت طبيعي
والقيصرية ماتقدرين تسوين رياضة ترقصين تلعبين في كل حركة محسوبة عليج وابأي لحظة ممكن تنفتح الجرح

يكفيج شرها

انا نفسها

انتي اكيد مو صاحيه …….. لا لا تزعلين
بس من صجج !!!!!!!!
اكيد الطبيعي احسن
اذا كنتي خايفه بس من سالفة الالم والعوار
الحين مستشفياتنا مستوى عالي بالراحه والتخدير وابر المسكن
واختاري لج دكتوره شاطره قوليلها انا وحده مابي احس بعوااااااار
لا لا ياعمري الله لايكتب لج قيصري .

شوفي حياتي أنا ماجربت القيصري بس والله بشهادة الكل واعتراف كل الأمهات اللي اعرفهم ان الولادة الأولى مومقياس لأن الرحم لأول مرة بنفتح فراح تحسين بكل المعاناة والألم على مايفتح ..موأزيد مني أنا 12 ساعة طلقت وحطولي طلق صناعي تميت 4 ساعات يالله ولدت ….وبس عقبها نسيت كللللللل شي ..أوأبرة الظهر خطرة لأني بولادتي الأخيرة جدامي واحدة انشلت شلل نصفي بسبب غلط في الإبرة يبيلها واحد مختص وفي ناس ماتتحملها ..والله جامي تشرشحت الدكتورة اللي ولدتني ..
والقيصري تشوه شكل بطنج وغير جذيه تقعدين أول 5 أيام ماتروحين الحمام وماتاكلين ..<<<هذا اللي أسمعه من كذا واحدة …بس منسدحة يحطون لج بربيش وكيس إذا أعزج الله بتبولين يطلع البول من البربيش وللكيس وكل شوي يغيرون لج ..وماتقدرين تشيلين ولدج لازم منسدحة 4 أو 5 أيام ..وتمارين المعدة اللي ودج تسوينها عشان تروح كرشة الحمل ..راح تنحرمين منها 6 شهور بعد الولادة عشان الجرح ..والأفضل ماتحملين إلا بعد السنة وفوق والواحد مايدري يمكن انتي تاخذين مانع وحالتج حالة والله يقدر لج حمل قبل مرور السنة <<<مثل ماصار لي ألحين ..بس أنا ماولدت قيصري
حبيبتي توكلي على الله وترا أقول لج إياها وأطمنج ..إن الولادات الثانية غييييييييير وعليج أول ماتدخلين التاسع بالمشي يوميا 20 دقيقة متصلة أو مقسمة وكثري مااااااي واكلي رطب طول الشهر التاسع واليوم اللي تحسين فيه بأعراض الولادة خلي أكلج كله رطب وعسل ..راح تولدين بسرعة وإن شاء الله بنص ساعة مثل ولادتي بعبودي ..كتكوتي الله يحفظه ..بس اتبعي اللي قلت لج عليه مع الدعاء وشوفي النتيجة
والله يسهل عليج حملج وولادتج يارب ويبعد عنج وساوس ابليس خخخخخخ

السهاله من ربج وكل شي طبيعي سبحان الله سهاله

من صجججج
اكيييييييييد الطبيعي احسسن مليووون مره
عوار ساعه ولا عوار دهر
اانا جربت القيصري صارلي 9 شهور بس والله للحين
ما اقدر اكثر راحتي نفس قبل خصوصا لمن ايي انام على بطني اخاااف
الطبيعي غيييير

انا جربت الاثنين كلهم يعورون ويخوفون

طبعا الطبيعي احسن بس حبيبتي حسب حالتج وشنو الدكتوره تقولج