اسعار عمليات التجميل بتايلند حدها عجيبه!!!!!!!!

بنات لكويت مساكم الله بالخير! هليام قاعده احوس بالنت وادور على المستشفيات الزينه! الي بره الديره!
المهم عزمت اسافر تايلند الاسبوع الياي,فقلت بنفسي خليها طيحه بزلقه نفس مايقولون!سياحة وتجميل.اتصدقون عمليات تجميل لخشوم على 1600 دولار! حسبتها بالدينار جن تطلع 460دينار!
عملية تجميل وشد لعيون 240 دينار!
بوتكس=150 دينار!
شد ونحت وجه =2400 دولار!
وكل هالعمليات باحسن مستشفى ببانكوك واسمه:yanhee international hospital bangkhokوللعلم فيه كل انواع التجميل. طبي واختاري!وانشا الله اكون افدت اي وحده فيكم!

ما أدري أحس مخاطره من قلب ..؟؟

وبعدين بترجعين تعبانه من عمليات التجميل المتعبه .. ( شفط أو شد صدر أو إلخ ..

ماراح تكونين متفيجه للسياحه .. و إذا خليتيها أخر يومين .. شلون بتقعدين بالطيراه .. بتكونين تعبانه ما أدري ..

خايفه ..

بعيده لأن .. لا صار فيج ماصار شلون بتجيبين حقج ؟؟؟؟

زين روحي إيران جنة الله بأرضه تسوى عندي تايند مليون مره ..

والدكاتره هناك .. تخصص .. لا تقولون بوطقه انا جربتهم ..

بس مو تجميل .. علاج ..

والله شفت دكاتره مثل تمرسهم ما شفت ..

كل دكارته الكويت و لندن قالو كلام ..

وأهم قالو كلام ثاني و دكاتره الكويت يضحكون على كلامهم .. يقولون خرابيط ..

أخرتها .. طلع حجيهم الصح ..

قبل سنتين رحت للمستشفى هاييتى للتجميل لان كان عندى اثار الكلف ومسام
مفتوحه بس قالى لازم جلسات ليزر على الاقل 4 وبين كل جلسه اقل شى اسبوع
بس المشكله ان طيارتنا بعد 15 يوم تقريبا فما غامرت خفت
بس اسعارهم خياليه صراحع غمازه 400 دينار وايد وغيره يبياها ميزانيه
انا بصراحه ودى بس يبيلى سنه اجمع
موفقه بس لما تردين قولى لنا بالتفصيل الممل رحلتج وموفقه

ما انصحج تسوين برا الكويت

استغفر الله كل ادواتهم امراض وبلاوي

واغلب المستشفيات والعيادات مو مرخصه

الواحد يقط فلوس على نفسه وبديرته افضل من يغامر بعمره

نفس البنت اللي سوت شفط في مصر وردت مشلوله طلعت العياده مومرخصه

عاااد موضوعج يييه بوقته انا ودي اروح هناك اسوي ومفكره يقولون شغل عدل بس عفيا عطيني فكره عنه لما تردين بسررررررررررررعه ابي اعرف وفيديني اكثر شنو سمعتي عنه وشلونه نظيف سامعه احد سوا هناك

واي عاد تايلاند؟!!!

يخرعوون

شفتي حلقه خالد عبدالجليل عن المريض اللي يعالج بمستشفى بديره اسيوية شسووا فيه!!

اللي ياخذون سريرة ويمشون فيه بالشاارع!!

اتوقع ديره اسيوية

امبيه يخرعون

لاتغامرين ماتدرين شنو مستوى نظافتهم وتعقيمهم حتى لو كاان مستشفى راقي عندهم

انا مسويه خشمي بسوريا ب555 دولار ارخص بكثير من تايلند وروعه كل الس شافه قال لي ممتاز

https://www.q8yat.net/showthread.php?…1#post10846671

حبيبتي اذا بتسوين عملية تجميل بتايلند روحي مستشفي الامريكي التايلندي يمدحوووووووووونه وايد نظافه شغل عدل واسعارهم معقووله ارخص من الكويت دشي على القوقل وشوفي بالصور لان هذي المستشفي دايما يروحلها كبار الشخصيات وهم سألي وتأكدي اكثر

والله لو شنو ما اسوي شي بتايلند

والله لو شنوو ماافكر لاني رحت وانصدمت وخسرت كل شي على الفاضي بالمواقع حجي ولي رحتي طلعولج الف شغله فيج وسعر ثاني ماتفرق عن الديره الا ب 200 او 300 دينار سعر تذكرتج وغير اقامتج

والله من راياي ماكو على الكويت لو أدفع اللي أدفعه كافي انها ديرتي والعمليات فيها امان الحمدالله والمبلغ اللي بيفرق حسبي فبه تذكرتج وسكنج ومواصلاتج هذا غير العنوه ماادري هذا راي الشخصي

المشكلة مو السعر
المشكلة النتيجة
اقط الالاف وتطلع النتيجة صح
ولا اروح للرخص وعقبها افتر على كم عيادة تصلح اللي اخترب
يبا استخيري ولا تغامرين

والله سمعت وايد ناس يمدحونة واصلا تايلند معروفة اكثر الجنوس وانتي بكرامة عندهم بس شوفي اشكالهم تقولين موصج ان كان ريال واشطر دكلترة عندهم

وحبيبتي لاتخافين ولااحد يخرعج انا دايما اقول هذي الاية (لن يصيبكم الا ماكتبه الله لكم) قعدتي بديرتج ولا رحتي برة المكتوب لج بصير بصير واسم الله عليج من كل شر وموفقة حبيبتي
بس طمنينا عليج اول ماترجعين

حمدالله على السلامة حبيبتي بس بتعرفي مع اني مو كويتية بس كتير صعبة اعمل عملية برا الكويت كتيير بخاف عملت ليزك و منخاري هون سبحان الله