|
|
بنات عفيه انا خليجيه وعندي شهادة ثانويه ادبي ابي ادرس بمعهد التمريض على حسابي
بليييييييز الي عندها خلفيه تعلمني عنوانهم وين بالضبط ومتى يبدا التسجيل وكم رسومهم وشنو نظامهم بالدراسه
up
up
up
تقدرين تدشين " كليه التمريض – دبلوم " وهي غير المعهد
لانه اقل كفاءه وخاصه بالتوظيف
معهد التمريض يختلف عن كليه التمريض
سواء بالمواد اللي تدرسينها او بالمسمى الوظيفي
وحتى المعاش بعد !
انا اشوف من الافضل انج تسجلين بالكليه " تبع التطبيقي الشويخ "
التسجيل حالياً مفتوح للي عندهم شهاده تاسع ومادون
اما للي عندهم شهاده ثانويه عامه على شهر 7 ان شاءالله يبلش
فـ مبنى 7 العديليه : )
بس نصيحه لوجه الله اذا كنتي مو حيل مع الانجليزي لا تدخلين !
لان المواد كلها انقلش وخاصه التخصص اما الاختياريه في بالعربي اللي اهي ثقافه اسلاميه وعلم نفس
اما الباجي كلها انجليزي وترى المواد شوي فيها صعوبه :
كنت مسجله فيه عام 2024 قعدت فيه سنه وشي وسحبت اوراقي مع العلم
اني شاطره بالانجليزي بس استصعبت دراسته وخاصه انه مطلوب عليج ميداني !!
انتي شوفي شنو الانسب لج ولا تستعجلين اسألي قد ماتقدرين
عشان ماتسجلين وتتوهقين وترى الخليجيين مسموح لهم التسجيل مره وحده بس
بالتطبيقي يعني لو سجلتي وبغيتي تسحبين اوراقج ماتقدرين تسجلين بأي كليه ثانيه
ضمن التطبيقي اللهم الكليات اللي على حسابج الخاص ..~
موفقه يارب واسمحيلي ع الاطاله ~
والتطبيقي حبيبتي بس حق الكويتيات
اما المعهد اللي تتكلمين عنه لكل الجنسيات