استفسار عن قرحة عنق الرحم ؟ الله يخليكم جاوبوني حدي خايفه !

عادي حبيبتي بعضها مع العلاج يروح واذا ما راحت تكويها بس ما راح تحسين بشي

انزين مع العلاج هذا يروح ؟؟
وهالمرض خطير حيل ولا عادي
والكي بمستشفى الخاص بجم يسوونه
الله يجزاج خير جاوبيني

لا تخاافين انا توني مسويتها قبل جم شهر اهيا بسيطه ولا تحسين بولا شي كي بارد وتحط لج تخدير موضعي وعندها بالعياده ونفس سرير الفحص ومدتها بالضبط ٣ دقايق وبس واهي تسولف معاج وسعرها ٥٠ بدار الشفا عند د نجوي مصريه
وتطلعين من لحظتها بس تقومين عادي ما جنه سويتي شي كلش بس انه اسبوع ينزل منج مااي وصخ لازم تحطين كتكس وانا منعتني عن الجماع الين الدوره الثانيه يعني تقريبا شهر لان اهيا تسويها لج اخر يوم دوره اذا غسلتي وبعدين تخليج ممنوعه الين الدوره الجايه وبعدها عادي بالعكس اختصري وسوي الكي لان العلاج بالغالب مامنه فايده حتي الكي اسرع واحسن ااي نسيت بعد تعطيج بعد الكي تحاميل لمدة يومين وعلي فكرة القرحه عبارة عن التهابات اهملتيها الين تقرج الرحم حافظي علي نفسج المرات اليايه وتري تمنع الحمل من تسوينها شهرين باذن الله تحملين

انا كنت اعاني من تقرحات بالرحم وتاخر الحمل عندي ونصحتني الدكتوره اسوي الكي والحمدالله بعد العلمليه بشهرين حملت على طول

ولاتخافيين العمليه سهله وماتشوفين شر ان شالله

رداً علي سؤالج القرحه مو مرض خطير ولا شي عادي تصيب اغلب الحريم شي عادي نوع من انواع الالتهابات

يآآآبعد عمري والله
الله يريح قلبج والله دنيا وآخره مثل ماريحتيني
حتى سعرها حلو توقعت ان سعر العمليه اكثر
مشكورة يالغاليه وتسلمين

تسلمين يالغاليه والله ماقصرتي
الله يريح بالج دنيآ وآخره

امبيه ما تتخيلين شكثر فرحت من شفت ردج
انا ماعمري رحت لعيادات مثل هذي
ويوم رحت انصدمت من هالمرض
والحمدلله مثل ماقلتي طلع شي عادي
الله يريح قلبج ان شالله مثل ماريحتيني