استغفر الله ياااربي الحمدالله و الشكر, اقوووول بس عن التشيحط, ماسوت عليكم مواضيع

و يلي تكتبين موضوع مايدخل مزاااجي تعالي بضحك عليج ولا ليش تجين انا بفتح موضوعج لانه مو عاجبني و بضحك عليه لماااااااااااااااااااااااا ينشق حلجي من الضحك

هو صحيح مو عاااااجبني بس بدخل اتطمش و بسويلي قرووووووووووووووووووووووووووب للصخريه و الطنااااازه و بقعد اقطع فيج انا وياااهم تقطع و باااااكل لحمج اكل و موضوعج بنتفه اناااا وقرووووب المصخره ألي ويااااي تنتف

تدررررررررررررررين ليييش ؟؟

يااااا مسكينه يلي كاااتبته عشان تدورين احد يرشدج ولا يشاركج فرحتج يلي تبين نصيحه بس أشكااالي مو كفو ينكتب عندهم شي عشاااان ابي ربي يبليني و اطيح بنفس وضعج و لما البناااات تنتفني تنتف من المصخره و التهزا سااااعتها بحس و ربي بيذكرني فييييج

و على فكره هو صحيح انا مااااا عشت معاناتج ولا عشت فرحتج ولا حسيت بطيبة قلبج ألي عمة بصيرتج بوجود نااااس من أشكاااالي
بس شسوي اذا مو عااااجبني موضوعج كيييييييييييييفي بقعد اطنز و بضحك انا و قروبي الي كل يوم و الثاااااني كااتب موضوع ينصح البنات فيه بالخوف من رب العاااالمين ومن انه ربي يبلي الانساااان وهالله هالله بالخالات و هالله هالله بالحموات و هالله هالله بالازواااج و هالله هالله فيني و السااااامع يقول اميييييييييييين

يوووووووووووه ذكرتني اب خالتي نوير موصيتني تقولي يااا بنيتي شر البلية ما يضحك و الي جاج يبي منج نصيحه نوريله دربه و قوليله بدوووون جرووووح و قروب و مصخره وتهزء و تذكري قول رب العالمين ""ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن ولاتلمزوا أنفسكم ولاتنابزوا بالألقاب بئس الإسم الفسوق بعد الإيمان ومن لم يتب فأولئك هم الظالمون ""
ولا تنسييين ياااا بنيتي دعوة مظلوم مستجاااابه و تخرق السبع سموااااات و قول محمد صلى الله عليه و سلم :
(اتقوا دعوه المظلوم فإنها تحمل على الغمام يقول الله :وعزتي وجلالي لأنصرنك ولو بعد حين) و قال (اتقوا دعوه المظلوم فإنها تصعد الى السماء كأنها شراره)
و تأأأأأأأأأأاكدي يااا عوينتي انه من سخرتي منه و من استهنتي بمشكلته ومن شجعتي الناااس على الضحك عليه فهو مظلوم و انتي من تكونين ظلمتيه و خااااااافي من رفعت ايده و من ترديده حسبي الله ونعم الوكيل
ساعتها شنو بيفد ضحكج و شنو بتفيد مصخرتج و اتقي الله بخلقه
الله يذكرج بالخير يااا خالتي نوير والله انج تقولين درر

نغزه :
قال رسول الله صلى الله عليه وسلم (( قل خيرن أم أصمت )) وقال (( خيركم من ترك الجدال و لو كان محقا ))

ملااااحظه:
قد يقع هذا الموضوع إلى هجوم عنيف من (ألي بالي بالكم) حاله حال اخوانه بس خالتي نوير تقول من سبك حبك