ارتخاء بعضلة الرحم !

السلام عليكم ورحمة الله وبركاته
خواتي أنا صارلي سنة و4 شهور متزوجة ولله الحمد ، في بداية سنة 2024 حملت واجهضت على شهرين ومن يومه ؤانا النفسيه زيرو ، أكلم أمي وخالتي يقولون لي تو ناس ليش مستعجلة ، ورجلي متشفق على البيبي ولحد الآن مارحت لطبيب أشوف نفسي أو أرجع ، ومن ناحية ثانية انتظر ديوان الخدمة أبي آتوظف وأملي هالفراغ + مشاكلي معا زوجي زادت ، استغفر واتعوذ من بليس وافكر أنها عين بس أسكت وأملي بالله كبير وأيماني جدا قوي والحمدلله ، قبل فتره رحت لأم سعد بصليبة جدا ممتازة وفحصتني قالت معاج ارتخاء بعضلة الرحم ،. بس حبطتني يوم قالت انتي راح تحملين بإذن الله بس راح يجئ فيه شيء أو مشوه أهني قلت لاهي ممتازة ولاشاطرة وزاد إيماني بالله وغندي أمل قوي ، اللي بعرفه شنؤ سبب ارتخاء العضله أمي تقول بسبب الحركات الجنسية اللي تسوينها معا ريلج ، وخالتي تقول لاتشيلين شيء ثقيل ودزينه وانتي تسلمين ، أبي من أصحاب الخبره يفهموني من شنؤ ارتخاء الرحم ! هل هو من الإجهاض اللي صار معا العلم أجهضت بدون تنظيفات ألحمدلله ، واكون شاكره وممتنة لكم ودعو لي بالذرية الصالحه لأني فعلا خاطري فيه ؤالله يرزقكم جميعا ..

معقولة محد عارف ..

الله يطمنج ان شالله

بس تاكدي من دكتور احسن

حبيبتي انا اللي اعرف الارتخاء يصير عادي ومعرضتله اي بنت بس يفضل تروحين لدكتوره تعطيج فيتامينات وفولك اسد قبل الحمل بثلاث شهور واذا صار حمل يسوولج ربط لانه الارتخاء يسبب اجهاض ولازم وقتها تكونين مرتاحه ومثبتات اول ماتعرفين انج حامل و ساعات دكتوره يبلشون مثبتات قبل الحمل لازم دكتوره وخلي كلام الحرمه على جنب روحي للدكتوره وقوليلها انج اجهضتي وانج شاكه انه فيج ارتخاء بعضله الرحم وقوليلها تجيكلج والله يرزقج يارب من حيث لاتحتسبين

تسلمين حبيبتي وان شاء الله هالشهر أروح

ؤالله توقعت انه السالفة راح يكون فيها ربط وهذا اللي مخوفني ، الأفضل أروح لدكتورة ، تسلمين حبيبتي وجزاج. الله خير على هالدعاء

انتي من صجج تصدقين كلام عجوزلا يبه مافيج إلا العافيه و هذا وسواس

روحي لدكتوره شااااطرة ما في شي احسن من الطب
انا كنت أروح عند ممرخات اول مره اروح لهم
يطلعون فيني بلاوي رحمي صاد و لاف من أعطيها فلوسها
اروح لها مره ثانيه تقولي مافيج شي يا بنيتي!!!!!!
و مره وسوست قالت لي مره رحمج نازل
و اسأل وحده فلبينيه قالت اي صح نازل
و ارفعه لج ب ١٠٠ دينار !!!!!

عادي حبي وله علاجات و يصيب أي بنت .. و ما له علاقة بتشوهات الجنين .. له علاقة بثباته في رحمج .. روحي فحصي و سوي سونار داخلي .. و انشالله ما فيج إلا العافيه ..

و آخر شي بيطلع حجي العجوز غلط انشالله .. ربي يرزقج حبي و يرزقني معاج ..

عاد تصدقين في شيء ضحكني عقب ماطلعت منها ، قالت لي إذا تبين الحماله إعلاجج بـ1800 سلامات!
الحرمة هذي عالجت أمي وخالأتي لأنه في سوابق إجهاضات بعايلتنا ، وكلهم عالجو عندها وما شاء الله حلمو ، شاكرة مرورج العطر

فديتج تسلمين ياعسل ، أن شاء الله ونحمل بنفس الشهر

بعد عمري ارتخاء الرحم ماله علاقه ممكن يصيد اي بنت وله علاااج

بس نصيحة مني روحي لدكتورة شآطرره .. ماعتقد المره هذي اخبر من الدكاتره

عسى نفس هالشهر السنه الجايه البيبي بحضنج يارب ربي يرزقج ويرزق كل محرومة

فديتج تسلمين حبيبتي وان شاء الله بروح وجزاج الله خير على هالدعوة الصالحة ..