اذا سويتي نفخ خدود او تفكرين تسوين خل نفيد بعض مشاركات

السلام عليكم ورحمه الله وبركاته
بنات اشلون صباحكم
ممكن تساعدوني
وادري فيكم الخير والبركه
انا ويهي ضعيف قررت اتنفخ خدودي واخليهم موردين ومثل البيبي >>> يا حلات احلام اليقظه
المهم انا قريت بنات امدحوا منذر العجمي وانا متردده لانه دكتور انف
السؤال الاول كل وحده تكتب تجربتها عند اي دكتور اذا نفخت او ودها تنفخ ؟؟
السؤال الثاني جم ظل النفخ سواء عند د منذر العجمي او غيره من الدكاتره ؟؟
السؤال الثالث شنو اسم الماده ؟؟
السؤال الرابع اللي انفخوا قبل والماده كانت الكوميد اي من الدكاتره راحوا له وشال هالماده ورجعت تنفخت عادي عقبها ؟؟

الله يخليكم بنات لا تحقرون الموضوع ولا تبخلون بمعلومه الله يحقق لكل وحده تدش اغلي امنيه لها بالسنه اليديده ويخلي لها امها وابوها وزوجها وعيالها اذا متزوجه

اشدعوه اشدعوه اشدعوه والله العظيم خلتوني اتحسف اني كتبت موضوع ولا كلمه تجبر الخاطر

لا يضيق خلقج يمكن البنات مشغولين نطري عليهم والكويتيات

والله فيهم الخير أكيد راح يفيدونج

بس تبين نصيحه تفخي من دهون جسم أفضل

اب

اب

اب

نجمه علي الارض ولافندر يا قلبي تسلمون جبرتوا بخاطري الله كريم000 عسي ربي يرزقني بدكتور شاطر

انا نفخت بس مو بالكويت
بصراحه بايخ حسافه الفلوس اللي تقطينهم عليه
اسبوعين ورايح ماكنش سويتي شي
بس يقولون المره الثانيه يطول

لا تسوينها بالكويت قسما بالله وهذا قسم اني سويت عند 5 دكاترة وفشوا بعد اسبوع او عشر ايام
اسماعيل ندا
هشام عيا
ماجد تقي
سماح اوباجي
ميشو
والله ثم والله قليت فوق 1500 دينار عليهم مو محللتهم فشوا خلال 7 ايام والي طول ميشو قد 10 ايااام
حرام تقلين فلوسج عليهم

احب الكاكاو ضاق خلقي انه ادري انه يفشون انا معاج ميه بالميه عشان جذي ابي اعرف اذا في ناس سوا عند دكاتره وتم ما فش طول معاهم عرفتي قصدي اشوف هالفنانات تبارك الرحمن تفخهم حلو ويتم يطول انزين اللي سوت بالكويت او لبنان شكله والله يمكن في لبنان دكاتره زينه
عفيه بنات الله يحرمنا منكم كتبوا خل ثري هالموضوع لما تنطيح علي دكتور زين انا نفخت قبل فتره عن اسماعيل ندا بالشفاء نفخت صوب خطين جوانب الشفاه الله وكيلكم شفته حلو رحت البيت يمكن اسبوع 10 ايام وماكو بح بح وبعض الدكاتره يقولون اللي يفش هذي مواد مو خطره واللي تطول هذي مواد قد تكون خطره وما عرفنا الحقيقه واين كل واحد يمدح الماده اللي عنده
تفاعل بنات نبي تفاعل

اي والله يبيله
بس شنو الفرق بين الكولاجين ……. والفيلر …… واحماض الفواكه
يعني كلها تتفخ وتعطي نضاره؟ والا كل واحد له شي مميز غير الثاني
لان كل وحده تمدح شي وتطيره للسما.ماعرفنا وين نتفخ

انا نفخت غن دكتور عارف علام في بوحمره كلينك وسوالي 6 سانتي يمكن كل خد 3 ( 1 ونص عالوجنه و1 ونص عالخد صوب الاذن )

مثل ماقالت اختي احب الكاكاو او 7 ايام يكونو وايد كبار وايننون بس بعدين الماده تمتصها الجسم بس يظل في خدود !! انا للحين عندي خدود بس مادري يمكن لان انا ويهي اصلا مو ضعيف والله اعلم وهم انا ماتنه شويه بس الصراحه دكتور عاطف نصوووح وايد طييب ويقوولج اذا تحتااجين مو مادي كلش ويسووي خصم ونفسيته حلووه

روحي وشوفيه بنفسج وقرري بعدين اذا عجبج سووي عنده والله يوفق الجميع ( انا افكر اكرر النفخ اذا ضعف ويهي بس ماراح احط 6 سانتي وايد يمكن اسووي 3 بس حق الوجنتين كل وجنه واحد ونص )

على فكره انا قزني احماض الفواكه يقوولي توج صغيره مابي اهدم ويهج اب ماده قوويه وبعد قالي يفشون خلال 6 شهور او اقل شي 4 شهوور

للرفع
بعد نبي تجارب البنات ما يقصرون لين بالاخير نستقر علي دكتور علي الاقل مادته تطول ولا يكون فيها خطوره علينا
نبي بنات جربوا النفخ قبل 4 اشهر او 8 اشهر وللحين تبارك الرحمن ما شاء الله خدودهم حلوه

قول الله تعالى: (وإنْ يَدْعونَ إلا شيطانًا مَريدًا. لَعَنَه اللهُ وقال لأتَّخِذَنَّ من عبادِكَ نصيبًا مفروضًا. ولأُضِلَّنَّهُمْ ولأُمُنِّيَنَّهم ولأَمُرَنَّهُم فَلَيُبَتِّكُنَّ آذانَ الأنعامِ ولأَمُرَنَّهم فَلَيُغَيِّرُنَّ خَلْقَ اللهِ ومَنْ يَتَّخِذِ الشيطانَ وَليًّا مِن دونِ اللهِ فقد خَسِرَ خُسْرانًا مُبينًا) وقال سبحانه: (صِبْغَةَ اللهِ ومَن أحْسَنُ مِن اللهِ صِبْغَةً ونحنُ له عابدون)، ورُوي عن ابن مسعود أن رسول الله ـ صلى الله عليه وسلم ـ قال:" لَعَنَ الله الواشماتِ والمُسْتَوْشِماتِ والواصلاتِ والمُسْتَوْصلاتِ والنَّامِصاتِ والمُتَنَمِّصاتِ والمُتَفَلِّجاتِ للحُسْنِ المُغَيِّراتِ خَلْقَ الله".

ودي اتفخ شفايفي بس خايفه بعد ما يفش يصير شكل الشفايف خاايس :/ و7 ايام صراحه ما يسوى ممداج استانستي فيه