|
|
السلام عليكم
شلونكم يا اخواتي وشخباركم
واخيييرا والحمدالله حبيت ابشركم اني ولدت
بتاريخ 28-6-2009 الساعه 10ونص صباحا يوم الاحد
وكان هذا اخر يوم من تاريخ ولادتي يعني جبتها على الوقت بالضبط هههههههههه
وكان عندي موعد بنفس اليوم عشان الطلق الصناعي وامي ماكانت راضيه اني اروح وقالت اذا الله اراد بيطلع من غير طلق صناعي وعطي روحج فرصه يومين بعد ولاتروحين لهم
انا هني احترت وقعدت احاتي اني اروح وتكون امي مو راضيه علي ويصير لي شي لاسمح الله
بس الحمدالله جات من رب العالمين ومن قعدت الصبح الا احس بمغص وعوار يجي ويروح
جان اتصل حق امي واقول لها يمه فيني عوار بس يجي ويروح جان تقول لي عياااارة عبالها اني ابروح للطلق الصناعي
بس الحمدالله كانت ولادتي سهله وجبت
نواف
بس السالفه ببعد الولادة صار لي نزيف والدكتورة الغبيه ماعرفت تخيط مكان الجرح وكل ماتخيط يتبطل الجرح مرة ثاينه لان تقول كان فيني التهاب واللحم صاير ليين ويتقطع كل مايتخيط يرد يتبطل ويتقصص الجلد مادري الللحم
وخدروني 3 ساعات بس عشان الخياط 
والحين المكان والخياط حدث ولاحرج
الحلو صاير منتفخ شحلوة هههههههههه
بس الحمدالله على كل حال
والحين اي وحدة تدش تدعي لي ان الله يعدي فترة النفاس على خير والله يبعد عني وعن ولدي الشر لان هالايام احس بضيقه واليوم قعدت ابجي
وادري هالشي مو زين وقعدت وتعوذت من ابليس وقريت قران بس هم احس بضيقه شوي
ادعووو لي ياخواتي
ومبروك ماجاكم
والله يبعد عنج وعن نواف ولدج واهلج وزوج كل شر وعين وتطلعين من النفاس وانتي عروس مره ثانيه
والله يبعد عنا وعنكم كل شر وكل حسد وكل عين وكل مكرووه قووولو ااامين
ومبروك ماجاكم
والله يبعد عنج وعن نواف ولدج واهلج وزوج كل شر وعين وتطلعين من النفاس وانتي عروس مره ثانيه
ومبروك ما يبتي
عساه من الذرية الصالحة
سوي رياضة مشي ساعه باليوم باليوم العاشر من النفاس
او اسبوعين
المشي يريح
وسمعي سورة البقرة
واستانسي بالياهل
وونسيه
لا تتضايقين و لا شي احد عنده نواااف ويتضايق
فديتج
عسا اللله يشرح صدرج
ويفرح قلبج
ويصير خياطج احسن خيااط بالدنيا
مبروووك ما ياكم …
وانشالله يطيب جرحج باسرع وقت