احد سوا اشعه المغناطيسيه حق الظهر؟؟؟

حبيباتي بعيد الشر عنكم

انا زالقه وطايحه على العزيزوووووووو
ومن باجر حسيت بالعوار عوار فضيع والمكان اضغط عليه مثل شي مدور يصعد وينزل بيدي احركه صوب ظهري
ورحت الاميري العظام والجراحه وسولي الاشعه العاديه والدكتور سألني شلون طحت ومسك المكان وقال مافيه شي الحمدلله رضه وقويه وعطاني حبوب العظلات ودهان ملين العظلات
وبيني وبينكم انا لمه انا على بطني ولا جنبي وبقوم يعووووووووورني ظهري يمسكني ماقدر اقوم الا لمه الف وتالي اقوم عرفتوا علي والطيحه مالتي صارلها الحين يمكن اكثر من شهر وقالو الاشعه المغناطيسيه تبين اكثر والتفاصيل كلها مادري منو جربها وشلون يسونها انا بصراحه خوافه؟
وقالولي مواعيده بعيده؟ وغير جذي سمعت الخاص يسونها بس مادري جم تكلف احد عنده خبره يساعدني واكون شاكرتلكم

انا جربتها بس بالاميري عطوني موعد بعد اسبوعين جذي
بس عن الحكومه والله ماعندي خبره
وانا سويتها لبطني بالتحديد قولوني

حبيبتي سعرها بالخاص 160 دينار عند دار الشفا

انا سويتها بالاميري حق ظهري اذا كنتي تخافين طلبي الجهاز المفتوح على الاجناب تقعدين تقريبا نص ساعه او ساعه الا ربع اصلا ضروري تسوينها لان الاشعه العاديه ماتبين شي

ان سويتها فى دار الشفا ء4مرات حق ظهرى طلع عندى دسك بس وين الدكتور الشا طر الى اسوى عند العمليه دلونى على ولا لكم الاجر من رب العلمين

ان نفس الحاله بكره راح اسويها لظهري الله يستر ان شاء الله ما يطلع عندي شئ عاد الظهر اهم شئ سويها وتوكلي على الله ان شاء الله ما فيه الا الخير

انا بعد سويتها حق ظهري صج ما الومج الجهاز يخرع بس لا تحاتين وانا سويتها بالهادي 100 دينار

أختي ماتشوفين شر وانا ايضا طحت نفس طيحتج قبل لا اتزوج وعقي الزواج الله لا يوريج العوار كل ماله يزيد وخصوصا مع الحمال والولادة ………….بس شوفي لا تسمعين كلام دكاترة الحكومة
واانا شخصيا سويت اشعة الرنين المغناطيسي بالمواساة وعلي فكرة عشان ما تخافين يحطون لج سماعات ويشغلون لج قرأن علي طلبج

والله يشافيج بس ما انصحك تسكتين لان هالاصابات علاجها سهل بالبداية ………..

دكتور علي المكيمي تلاقينه بالنادي العربي اهوا يعالج الحالات اللي بره النادي

انا سويت اشعه مغناطيسيه بس مو لظهري لشي ثاني

راح يعطونج لبس تلبسينه وتنسدحين على سرير

ويحطونلج شي مثل الدرب في ايديج

ويدخلونج في جهاز وانتي نايمه ومنسدحه لمدة ساعه على الاكثر

ويعطونلج سماعات حاطين قرآن علشان لاتنزعجين من الصوت

ويكون في دكاتره قاعدين من ورا االجام قاعدين يشوفون في شاشات

جنج في استيديو فني والملحن قاعد عند الاجهزه ورا الجام يضبط الاغنيه ههههههه

حبيت اتغشمر لاتخافين ترى الحلو ان الاشعه المغناطيسيه يسوولج فحص لكل جسمج

جنج مسويه فحص شامل ولا احسن من الفحص الشامل بعد

والله يشافيج حبيبتي ماتشوفين شر

دكتور علي المكيمي تلاقينه بالنادي العربي اهوا يعالج الحالات اللي بره النادي موت الحمر مشكورة اختى ما قصرتى يجعله فى ميزان حسناتج

انا اخوي مسويها بالرازي
لاتحاتين

حبوبه لاتحاتين ترا ماكو الاالعافيه اهي تقريبا تاخذ 45 دقيقه عيبها الازعاج وراح يعطونج سدادات للاذن عشان يقلل الصوت
وانا سويتها بالأميري وماتشوفين شر

انا تبع الاميري يسونها لي بنفس اليوم؟ ولا لازم موعد حق الاشعه؟

حبيبتي انا مسويتها حق راسي اسمها الرنين المغناطيسي وهذي تطلع كل شي بالجسم
اهي مثل فراش تنامين عليه ويتحرك كهربائيا ويسكرون اذوفج باسنفج لانه في صوت مزعج كنه صوت تكسر صحون ويغزونج ابره في ايدج ويحطون محلول ملون يمشي في دمج واهو هذا الي راح يمر ويبين لهم بالاشعة شنو فيج وسهاله مايخوف سمي بالرحمن وبس انا سويته وااااااايدد واي استفسار ساليني انا سويت كل انواعه